சன் டிவி சீரியல் ஹீரோவை திருமணம் செய்த “லப்பர் பந்து” பட நடிகை.. குவியும் வாழ்த்துக்கள்

சென்னை: சன் டிவியில் ஒளிபரப்பாகி வரும் ரஞ்சனி சீரியலில் கதாநாயகனாக நடித்துக் கொண்டிருக்கும் சந்தோஷ், லப்பர் வந்து திரைப்படத்தில் நடித்த நடிகை மௌனிகாவை காதலித்து திருமணம் செய்து இருக்கிறார். இந்த தம்பதிக்கு ரசிகர்கள் பலரும் வாழ்த்துக்கள் தெரிவித்து வருகிறார்கள்.

சினிமாவாக இருந்தாலும் சரி, சீரியலாக இருந்தாலும் சரி அதில் காதலித்து திருமணம் செய்பவர்கள் நாளுக்கு நாள் அதிகரித்து வருகிறார்கள். சமீபத்தில் கூட விஜய் டிவியில் ஒளிபரப்பாகி வரும் சிறக்கடிக்க சீரியலில் கதாநாயகனாக நடித்துவரும் வெற்றி வசந்த் விஜய் டிவியில் பொன்னி சீரியல் கதாநாயகியாக நடிக்கும் வைஷ்ணவியை காதலிப்பதாக அறிவித்திருந்தார்.

அதைத் தொடர்ந்து இரு வீட்டாரின் சம்மதத்தோடு இவர்களுடைய எங்கேஜ்மென்ட் முடிவடைந்து இருக்கிறது. விரைவில் திருமணம் நடக்கும் என்று அறிவித்திருக்கிறார். அதைத் தொடர்ந்து அடுத்தடுத்த சில நடிகைகள் திருமணம் செய்து கொண்டிருக்கிறார்கள். அந்த வரிசையில் தற்போது மேலும் ஒரு ஜோடி தங்களுடைய காதலை அறிவித்திருக்கிறார்கள்.

கடந்த 2022 ஆம் ஆண்டு முதல் 2023 ஆம் ஆண்டு வரைக்கும் ஜீ தமிழில் கன்னத்தில் முத்தமிட்டால் சீரியல் ஒளிபரப்பாகி வந்தது. இந்த சீரியலை செந்தில்குமார் என்பவர் தான் இயக்கி இருந்தார். மனிஷாஜித் மற்றும் திவ்யா பத்மினி ஆகியோர் அந்த சீரியலில் கதாநாயகியாக நடிக்க சந்தோஷ் கதாநாயகனாக நடித்திருந்தார்.

அந்த சீரியல் குடும்ப பின்னணியை கொண்ட காதல் தொடராக ஒளிபரப்பாகி வந்த நிலையில் அந்த சீரியல் ஹிந்தியில் வெற்றி பெற்ற 'துஜ்சே ஹை ராப்தா' என்ற கதையை தழுவி தான் தமிழில் கன்னத்தில் முத்தமிட்டால் என்ற பெயரில் எடுக்கப்பட்டு இருந்தது.

ஆனால் அந்த சீரியல் திடீரென்று முடிக்கப்பட்டது ரசிகர்களின் மத்தியில் அதிர்ச்சியை ஏற்படுத்தியிருந்தது. அதுபோல புதிய பார்வை என்ற ஷார்ட் பிலிமிலும் வித்தியாசமான கெட்டப்பில் சந்தோஷ் நடித்து இருந்தார். அதைத் தொடர்ந்து ஜீ தமிழில் ஒளிபரப்பான அண்ணா சீரியலிலும் நடித்து வந்தார்.

ஆனால் திடீரென்று அந்த சீரியலில் இருந்து விலகி இருந்தார். தற்போது சினிமாவில் கவனம் செலுத்தி வரும் சந்தோஷ் instagram பக்கத்தில் ஆக்டிவாக இருக்கிறார். இவர் பிளாக் ஷீப் வீடியோஸ், கனா காணும் காலங்கள் போன்றவற்றில் நடித்து பிரபலமான நடிகை மௌனிகாவை பல வருடங்களாக காதலித்து வந்த நிலையில் இருவீட்டாரின் சம்மதத்தோடு சில மாதங்களுக்கு முன்பு எங்கேஜ்மென்ட் நடைபெற்றது.

மௌனிகா சமீபத்தில் வெள்ளித்திறையில் வெளியாகி நல்ல வரவேற்பை பெற்ற லப்பர் பந்து திரைப்படத்தில் முக்கிய கேரக்டரில் நடித்து இருந்தார் என்பதும் குறிப்பிடத்தக்கது. இந்த நிலையில் நேற்று சந்தோஷம் மற்றும் மௌனிகா இருவருடைய திருமணமும் குருவாயூரில் உள்ள கோவிலில் எளிமையாக நடைபெற்று இருக்கிறது. அப்போது அவருடைய குடும்பத்தினர் மற்றும் உறவினர்கள் மட்டும் அந்த திருமண பங்க்ஷனில் கலந்து கொண்டிருக்கிறார்கள். அப்போது எடுத்த புகைப்படத்தை சந்தோஷ் தன்னுடைய இன்ஸ்டாகிராம் ஸ்டோரியில் பகிர்ந்து இருக்கிறார். இவருக்கு சின்னத்திரை பிரபலங்கள் மற்றும் ரசிகர்கள் பலரும் வாழ்த்துக்கள் தெரிவித்து வருகிறார்கள்.

English summary

Santhosh, who is playing the lead role in the Ranjani serial aired on Sun TV, is in love and married to actress Mounika, who acted in the movie Lubber. Many fans are congratulating this couple.