மஞ்சள் தாலி கழுத்தில் தொங்க... கண்கலங்கிய ஷபானா.. வாழ்த்துக்களை குவிக்கும் ரசிகர்கள்

Updated: Thursday, November 11, 2021, 19:14 [IST]

Subscribe to Oneindia Tamil

சென்னை: ஷபானா மற்றும் ஆரியன் திருமணத்திற்கு ரசிகர்கள் வாழ்த்துக்களை குவித்து வருகின்றனர்.

பட்டுச்சேலை சரசரக்க மஞ்சதாலி யில் முகம் சிவந்த ஷபானாவுக்கு அவருடைய ரசிகர்கள் திருமண வாழ்த்துக்களை கூறிவருகின்றனர்.

பலநாள் கனவு இன்னால் நிறைவேறி இருக்கிறது என்று கண்ணீர் ததும்ப தாலி கட்டும்போது தலைகுனிந்த ஷபானாவின் வீடியோக்கள் இன்ஸ்டாகிராமில் வைரலாக பரவி வருகிறது.

திருமணம் கைகூடியாச்சு

காதல் பறவைகளாக வலம் வந்து கொண்டிருந்த ஜீ தமிழின் செல்லம் மகள் ஷபானாவும் விஜய் டிவியின் இளம் கதாநாயகன் ஆரியனும் இன்று திருமணத்தை சிறப்பாக முடித்து இருக்கின்றனர். இவர்களின் திருமணத்திற்கு சினிமா நடிகர்கள் மட்டுமல்லாமல் ரசிகர்களும் வாழ்த்து மழை பொழிந்து வருகின்றனர். இதுவரைக்கும் காதலை ரகசியமாக வைத்துக் கொண்டிருந்த இந்த ஜோடி இன்று எளிமையான முறையில் திருமணத்தை முடித்து இருக்கிறது.

ஷபானாவின் திருமண வீடியோ

தன்னுடைய திருமண நாள் எப்போது என்று ஆர்வத்துடன் கேட்டுக் கொண்டிருந்த ரசிகர்களுக்கு ஷபானா நன்றி கூறி உருக்கமாக வீடியோ ஒன்றை பதிவிட்டிருந்தார். இந்த வீடியோ வைரலாக பரவி வந்த நிலையில் தற்போது இவருடைய திருமண வீடியோக்கள் சமூக வலைத்தளத்தை கலக்கி வருகிறது. இவருக்கு திருமணம் எப்போது என்று கேட்டுக் கொண்டிருந்த ரசிகர்கள் இன்று இவருடைய இந்த திருமணத்தை பார்த்ததும் தங்களுடைய அன்பை பொழிந்து வருகின்றனர்.

ரசிகர்களின் குழப்பம்

பட்டு சேலையில் பளபளக்கும் தேவதையாக ஷபானாவை பார்த்ததும் அவருடைய ரசிகர்கள் குஷியாகி இருக்கின்றனர். புடவைக்கு மேட்சாக அணிந்திருக்கும் நகைகளை பார்த்ததும் திருமணம் இன்று தானா அல்லது இனி சீக்கிரத்தில் இருக்குமா?? என்று காலையில் குழம்பி வந்த ரசிகர்கள் தற்போது இவருடைய திருமண வீடியோவை பார்த்ததும் சிறு அதிர்ச்சியில் தான இருக்கின்றார்களாம். ஆனாலும் தங்களுடைய வாழ்த்துக்களை மட்டும் கூற மறக்கவில்லை.

கண்கலங்கிய ஷபானா

தனது காதல் கைகூடிய மகிழ்ச்சியில் உணர்ச்சிவசப்பட்ட ஷபானா ஆரியன் தாலி கட்டும் போது கண் கலங்கிய வீடியோக்கள் சமூக வலைத்தளத்தில் வைரலாகி வருகிறது. இதை தொடர்ந்து ஷபானாவும் தன்னுடைய இன்ஸ்டாகிராம் ஸ்டோரில் இந்த வீடியோவை பதிவிட்டிருக்கிறார். அதில் அவருடைய கல்யாண புடவைக்கு மேட்சாக அணிந்திருக்கும் பிளவுஸில் மிஸஸ் ஆரியன் என்ற வார்த்தை தெளிவாக தெரியும்படி இவர் போஸ் கொடுத்திருக்கிறார். இதைப் பார்த்ததும் இவருடைய தீவிரமான ரசிகர்கள் ஒரு சிலர் மனதிற்குள் வேதனை அடைந்து கொண்டு இருந்தாலும் வாழ்த்துக்களை மழைபோல பொழிகிறார்கள்.