நாம ஜெயிச்சுட்டோம் மாறா... அம்மாவின் ஆசையை நிறைவேற்றிய அந்தோணி தாஸ்... குவியும் வாழ்த்துக்கள்

பாடகர் அந்தோணி தாஸ் தன்னுடைய அம்மாவின் ஆசையை நிறைவேற்றி இருக்கும் புகைப்படத்தை பகிர்ந்து இருக்கிறார்.

Published: Saturday, March 11, 2023, 18:25 [IST]

Subscribe to Oneindia Tamil

சென்னை: தமிழ் சினிமாவின் பிரபலமான பாடகராக இருக்கும் அந்தோணி தாசன் தற்போது தன்னுடைய அம்மாவின் ஆசைக்காக விமானத்தில் கூட்டிக்கொண்டு சென்றிருக்கிறார்.

பல வருடங்களாக நினைத்துக் கொண்டிருந்தது நடந்துவிட்டது என்று மகிழ்ச்சியை ரசிகர்களோடு பகிர்ந்து இருக்கும் அந்தோணி தாசனுக்கு வாழ்த்துக்கள் குவிந்து வருகிறது.

தன்னை வளர்த்து இந்த நிலைமைக்கு ஆளாக்கிய தாய்க்கு பாடகர் அந்தோணி தாசன் செய்த செயலை பலரும் பாராட்டி வருகிறார்கள்.

பாடகராக கிடைத்த வாய்ப்பு

பாடகர் அந்தோணி தாசன் தஞ்சை மாவட்டத்தை சேர்ந்தவர். இவர் சிறுவயதிலிருந்தே பாடல்களின் மீது தீராத காதலால் இருந்திருக்கிறார். அதன் காரணமாகத்தான் இவர் நாட்டுபுற பாடகராக உருமாறி இருக்கிறார். அதுமட்டுமல்லாமல் இப்ப வரைக்கும் பல கச்சேரிகளை செய்து கொண்டிருக்கிறார். மேலும் தெருக்கூத்து நிகழ்ச்சிகளிலும் இவர் பாடியிருக்கிறார். அதன் மூலம் கிடைத்த பிரபலத்தால் இவருக்கு சினிமாவிலும் பாட வாய்ப்பு கிடைத்தது. இவருடைய திறமையை தெரிந்து கொண்ட இசையமைப்பாளர் சந்தோஷ் நாராயணனால் தான் இவருடைய பாடலுக்கு வாய்ப்பு கிடைத்திருக்கிறதாம்.

முதல் வாய்ப்பும் வெற்றியும்

பாடகர் அந்தோணி தாசன் முதல் முறையாக விஜய் சேதுபதி நடிப்பில் வெளியான சூது கவ்வும் என்ற திரைப்படத்தில்," காசு பணம் துட்டு துளி மணி" என்ற பாடலை பாடியிருக்கிறார். அந்த பாடல் ரசிகர்களின் மத்தியில் பெரிய அளவில் ஹிட்டானது. அதைத் தொடர்ந்து பாண்டியநாடு, வருத்தப்படாத வாலிபர் சங்கம் போன்ற பல திரைப்படங்களில் குத்தாட்ட பாடல்களை பாடி இருக்கிறார். திரைப்படங்களில் மட்டுமல்லாமல் விஜய் டிவியில் ஒளிபரப்பாகி வரும் குக் வித் கோமாளி நிகழ்ச்சியின் மூலமாகவும் இவர் சின்னத்திரை ரசிகர்களையும் கவர்ந்திருக்கிறார்.

சமையலிலும் அசத்தல்

குக் வித் கோமாளி நிகழ்ச்சியில் ஒரு குக்காக கலந்து கொண்டு தன்னுடைய திறமையை நிரூபித்து இருந்தார். அதற்கு பிறகு இவருடைய முகமும் ரசிகர்களின் மத்தியில் பிரபலம் அடைய தொடங்கியது. அதை தொடர்ந்து தற்போது பல படங்களில் கமிட் ஆகி பாடி கொண்டு வருகிறார். இந்த நிலையில் தன்னுடைய அம்மாவின் நீண்ட நாள் ஆசையை அந்தோணி தாசன் நிறைவேற்றி இருக்கும் தகவல்கள் தற்போது சமூக வலைத்தளத்தில் வைரல் ஆகி வருகிறது. அந்தோணி தாசனின் அம்மாவிற்கு விமானத்தில் பயணம் செய்வது என்பது நீண்ட நாள் கனவாக இருந்ததாம். அதனால் அந்தோணி தாசன் தன்னுடைய தாயை விமானத்தில் அழைத்து சென்று அந்த ஆசையை நிறைவேற்றி இருக்கிறார்.

தாயின் ஆசை நிறைவேற்றம்

இந்த வீடியோவை தன்னுடைய instagram பக்கத்தில் பதிவிட்ட அந்தோணி தாசன்," பூமியிலிருந்து வானத்தைக் காட்டிய என் தாய்க்கு வானத்திலிருந்து பூமியை காட்டி விட்டேன் நன்றி..." என்று கூறி இருக்கிறார். இப்படி அந்தோணி தாசன் வெளியிட்ட பதிவு தற்போது சமூக இடைத்தளத்தில் வைரல் ஆக வரும் நிலையில் வாழ்த்துக்கள் குவிந்து வருகிறது. அது மட்டுமல்லாமல் அம்மாவை மிஸ் பண்ணும் பலரும் தங்களுடைய பாசங்களையும் கருத்துகளாக வெளியிட்டு வருகிறார்கள்.

Published On March 11, 2023