தேவா குடும்பத்துக்கு கண்ணு பட்டுடுச்சு.. அடுத்தடுத்த இழப்புகள்! மனம் நொந்து பேசிய பாடகி அனுராதா
சென்னை: இசையமைப்பாளர் தேவா மறைந்து சில நாட்களே ஆகியிருக்கும் நிலையில், அவருடன் நெருக்கமாக பழகியவர்களும், அவருடைய இசையில் பாடியவர்களும் இன்னும் அந்த துயரத்திலிருந்து மீள முடியாமல் தவித்து வருகின்றனர். தேவாவின் மறைவு ஏற்படுத்திய சோகம் மறைவதற்குள், அவருடைய தம்பியின் மகன் கார்த்திக் சபேசன் மறைந்த செய்தியும் வெளியானது. இப்போது தேவாவின் இசையில் பல பாடல்களை பாடிய பாடகர் கிருஷ்ணராஜும் உயிரிழந்திருப்பது இசை உலகையே சோகத்தில் ஆழ்த்தியிருக்கிறது.
இந்த சூழலில், பாடகர் கிருஷ்ணராஜின் உடலுக்கு அஞ்சலி செலுத்த வந்த பாடகி அனுராதா, தேவாவுடனான தனது குடும்ப உறவை பற்றி பேசியிருக்கும் வீடியோ இணையத்தில் பலரையும் நெகிழ வைத்துள்ளது. அவர் பேசிய வார்த்தைகளில் ஒரு கலைஞரை இழந்த வேதனையைவிட, தங்கள் குடும்பத்தில் ஒவ்வொருவராக தொடர்ந்து இழந்து வருவதை போன்ற வலிதான் அதிகமாக தெரிகிறது.
பாடகி அனுராதா உருக்கம்
அனுராதா பேசும்போது, தேவாவுடன் தங்களுக்கு இருந்த உறவை நினைத்து மிகவும் உருக்கமாக பேசியிருக்கிறார். "தேவா சாரு எங்க குடும்பத்தில் ஒருவர். நாங்க எல்லாருமே ஒரு குடும்பமாகத்தான் இருந்தோம். அவர் எங்களை அவருடைய பிள்ளைகள் போல குடும்பமாக பார்த்தார். எங்க வீட்டு விசேஷத்தில் எல்லாவற்றிலும் தேவா சார் கண்டிப்பாக இருப்பாரு. இப்போ தேவா சார் குடும்பத்துக்கு கண்ணு பட்டுடுச்சுன்னு நினைக்கிறேன்.. ஒருவர் ஒவ்வொருவரையாக பிரிந்து வருவது கஷ்டமாக இருக்கிறது என்ன சொல்றதுன்னே தெரியல என உருக்கமாக பேசி இருக்கிறார்.
பலருடன் சேர்ந்து வேலை பார்ப்பது என்பது இயல்பான விஷயம்தான். ஆனால், அந்த பழக்கம் ஒரு கட்டத்தில் குடும்ப உறவாக மாறிவிடுவது எல்லோருக்கும் அமைந்துவிடாது. தேவா தங்களை கலைஞர்களாக மட்டும் பார்க்காமல், குடும்பத்தில் ஒருவராகவே பார்த்ததாக அனுராதா கூறியிருப்பது அவர்களுக்குள் இருந்த பாசத்தை காட்டுகிறது. அதனால்தான் தேவாவின் மறைவு அவருக்கும், அவருடைய குடும்பத்தினருக்கும் இவ்வளவு பெரிய இழப்பாக இருக்கிறது. ஒரு இசையமைப்பாளரை இழந்த துக்கம் மட்டுமல்லாமல், வீட்டின் ஒவ்வொரு முக்கியமான நிகழ்விலும் உடன் இருந்த ஒருவரை இழந்த வெறுமையும் அவருடைய பேச்சில் தெரிகிறது.
நீங்காத சோகம்
தேவா மறைந்த துக்கத்திலிருந்து ரசிகர்களே இன்னும் முழுமையாக மீளாத நிலையில், அவருடைய குடும்பத்துக்கு நெருக்கமான இன்னொரு இழப்பும் ஏற்பட்டிருக்கிறது. அதைத் தொடர்ந்து, தேவாவின் இசையில் பாடிய கிருஷ்ணராஜும் மறைந்திருப்பது, அவருடன் பயணித்த கலைஞர்களுக்கும் நண்பர்களுக்கும் பெரும் வேதனையை ஏற்படுத்தியிருக்கிறது.
தேவா என்ற பெயர் தமிழ் சினிமா ரசிகர்களுக்கு எத்தனையோ பாடல்களையும் நினைவுகளையும் கொடுக்கிறது. குறிப்பாக, 90-களில் அவருடைய இசையில் வெளியான பாடல்கள் இன்றும் பலருடைய ஃபேவரைட் லிஸ்டில் இருக்கின்றன. அந்த பாடல்களில் குரல் கொடுத்த பாடகர்கள் பலரும் தேவாவுடன் நீண்ட கால தொடர்பில் இருந்தவர்கள். அவர்களை பொறுத்தவரை, தேவா ஒரு இசையமைப்பாளர் மட்டுமல்ல, அவர்களுடைய வாழ்க்கையின் முக்கியமான காலகட்டத்துடன் இணைந்த மனிதரும் கூட.
வலி கொடியது
இசை உலகில் ஒருவர் மறைந்தால், அவர் பாடிய பாடல்களும் இசையமைத்த பாடல்களும் தொடர்ந்து ஒலித்துக்கொண்டே இருக்கும். ஆனால், அந்த பாடல்களுக்கு பின்னால் இருந்த மனிதர்களை இழக்கும்போது ஏற்படும் வெறுமையை வார்த்தைகளால் சொல்லிவிட முடியாது. தேவா, கார்த்திக் சபேசன், கிருஷ்ணராஜ் என அடுத்தடுத்த இழப்புகளால் சோகத்தில் இருக்கும் குடும்பத்தினருக்கும், நண்பர்களுக்கும், இசை ரசிகர்களுக்கும் இந்த நேரம் மிகவும் கடினமானது. அனுராதாவின் உருக்கமான பேச்சும் அந்த வலியைத்தான் நமக்கு உணர்த்துகிறது.
Click it and Unblock the Notifications
Sign in with Google
