புதுக்கோட்டையில் கோலாகலமாக நடந்த வெற்றி வசந்த்- வைஷ்ணவி ரிசப்ஷன்.. குவிந்த விஜய் டிவி பிரபலங்கள்
சென்னை: விஜய் டிவியில் ஒளிபரப்பாகி வரும் சிறகடிக்க ஆசை சீரியலில் முத்துவாக நடிக்கும் வெற்றி வசந்த் மற்றும் பொன்னி சீரியலில் பொன்னியாக நடிக்கும் வைஷ்ணவிக்கும் புதுக்கோட்டையில் ரிசப்ஷன் நடைபெற்று இருக்கிறது. அப்போது சின்னத்திரை பிரபலங்கள் பலரும் கலந்து கொண்டிருக்கின்றனர். இந்த புகைப்படங்கள் இணையத்தில் அதிகமாக பகிரப்பட்டு வருகிறது.
சின்னத்திரையில் ஒன்றாக நடிக்கும் போது காதலித்து திருமணம் செய்து கொண்டவர் அதிகமாக இருக்கிறார்கள். அந்த வரிசையில் விஜய் டிவி பிரபலங்கள் இருவர் இணைந்து இருக்கிறார்கள். அதுவும் சிறகடிக்க ஆசை சீரியலில் கதாநாயகனாக எல்லோருடைய மனதிலும் இடம் பிடித்திருக்கும் வெற்றி வசந்த் மற்றும் பொண்ணு சீரியலின் கதாநாயகி வைஷ்ணவியும் தான்.
வெற்றி வசந்த் சில மாதங்களுக்கு முன்பு விரைவில் ரசிகர்களுக்கு ஒரு மகிழ்ச்சி செய்தி சொல்லப் போகிறேன் என்று சொல்லி இருந்தார். அதனால் ரசிகர்கள் இவர் திரைப்படத்தில் நடிக்கப் போகிறாரா என்ற கேள்வி எழுப்பி வந்தனர். காரணம் முதல் முறையாக வெற்றி வசந்த் விஜய் டிவியில் சிறகடிக்க ஆசை சீரியல் மூலமாகத்தான் சின்னத்திரையில் காலடி எடுத்து வைத்திருக்கிறார்.
சிறகடிக்க ஆசை சீரியல் இவருக்கு பெரிய அளவில் பிரபலத்தை கொடுத்தது. இதனால் இவர் வெள்ளித்திரையில் அடுத்த பயணத்தை தொடங்குவார் என்று எதிர்பார்த்தனர். ஆனால் அடுத்த சில வாரங்களில் இவர் தான் சீரியல் நடிகை வைஷ்ணவியை காதலிப்பதாக அறிவித்தார். இது சின்னத்திரை ரசிகர்களுக்கு பெரிய இன்ப அதிர்ச்சி தான்.
அதைத் தொடர்ந்து ஒரு மாதத்தில் இவர்களுடைய திருமணமும் நடைபெற்றது. திருமணத்திற்கு விஜய் டிவி பிரபலங்கள் பலரும் கலந்து கொண்டனர். அதிலும் குறிப்பாக பொன்னி சீரியல் நடிகர்கள், சிறகடிக்க ஆசை சீரியல் நடிகர்கள் அனைவருமே கலந்து கொண்டனர். இவர்களின் எங்கேஜ்மண்டில் கலந்து கொள்ளாத நடிகர்கள் கூட இவர்களுடைய திருமணத்தில் கலந்து கொண்டனர்.
சிறகடிக்க ஆசை சீரியலில் மீனாவாக நடிக்கும் கோமதி பிரியா இவர்களின் எங்கேஜ்மென்டில் கலந்து கொள்ளவில்லை. இது குறித்து கேள்விகள் அதிகமாக வந்தது. அதுபோல சில வதந்திகளும் பரவி வந்தது. ஆனால் அதற்கெல்லாம் பதிலடி கொடுக்கும் விதமாக கல்யாணத்தில் கோமதி பிரியா கலந்துகொண்டு புகைப்படங்களையும் எடுத்து இருந்தார்.
அதுபோல பொன்னி சீரியலில் வைஷ்ணவிக்கு ஜோடியாக நடிக்கும் சபரி இந்த திருமணத்தில் செய்த ரகளையால் நிகழ்ச்சி பெரிய அளவில் களைக்கட்டி இருந்தது. இந்த நிலையில் இவர்களுடைய ரிசப்ஷன் புதுக்கோட்டையில் நேற்று நடைபெற்றிருக்கிறது. அப்போது எடுத்த புகைப்படங்களும் வீடியோக்களும் சமூக வலைதள பக்கங்களில் வைரலாகி வருகிறது.
இதை பார்க்கும் அதிகமான ரசிகர்கள் உண்மையிலேயே இவர்கள் இருவருக்கும் ஜோடி பொருத்தம் அருமையாக இருக்கிறது என்று தங்களுடைய வாழ்த்துக்களை தெரிவித்து வருகிறார்கள். இந்த பங்க்ஷனில் வெற்றி வசந்த் கருப்பு நிற கோட் சூட் அணிந்திருக்கிறார். வைஷ்ணவி மெல்லிய ஆரஞ்சு கலரில் புடவை கட்டி இருக்கிறார். இன்று தம்பதிக்கு ரசிகர்கள் பலரும் வாழ்த்துக்கள் தெரிவித்து வருகிறார்கள்.
Click it and Unblock the Notifications
Sign in with Google