முதலமைச்சர் ஸ்டாலினோட நான் நடிச்சிருக்கேன்.. ரஜினிகாந்த் பெஸ்ட்.. சிறகடிக்க ஆசை சீரியல் நடிகை பளிச்

சென்னை: விஜய் டிவியில் ஒளிபரப்பாகி வரும் சிறகடிக்க ஆசை சீரியலில் நடிகை பாக்கியலட்சுமி, பார்வதி கேரக்டரில் நடித்து வருகிறார். இவர் ஆரம்பத்தில் பல திரைப்படங்களில் நடித்திருக்கிறார். அப்போது தற்போது முதல்வராக இருக்கும் ஸ்டாலினோடு நடித்த அனுபவம் குறித்து பேசி இருக்கிறார்.

விஜய் டிவியில் சிறகடிக்க ஆசை சீரியல் சின்னத்திரை ரசிகர்கள் மத்தியில் நல்ல பிரபலத்தை அடைந்திருக்கிறது. இந்த சீரியலில் நடிக்கும் நடிகர்களும் ரசிகர்கள் மத்தியில் அதிகமாக பிரபலமாக இருக்கின்றனர். அதில் விஜயாவின் தோழியாக வரும் பார்வதிக்கும் அதிகமான ரசிகர்கள் இருக்கிறார்கள். இவர் ஆரம்பத்தில் சில திரைப்படங்களில் கதாநாயகியாகவும், ஒரு சில திரைப்படங்களில் குணசித்திர வேடங்களிலும் நடித்து இருக்கிறார்.

அப்போதெல்லாம் 12 வயதிற்கு மேலேயே நடிகைகள் கதாநாயகியாக மாறிவிடுவார்களாம் அந்த நேரத்தில் ஒல்லியாக இருந்தால் அதற்கு ஸ்டீராய்டு ஊசி போட்டு உடல் எடையை கூட்டி அவர்கள் கதாநாயகியாக மாறி இருக்கிறார். அதுபோலத்தான் கதாநாயகியாக வேண்டும் என்று பாக்கியலட்சுமி ஸ்டீராய்டு எடுத்துக் கொண்டாராம். அது அவருக்கு பிறகு பக்க விளைவுகளை ஏற்படுத்தி உடல் எடையை அதிகரித்து இருக்கிறது.

ஆனால் அந்த நேரத்தில் அவரும் கதாநாயகியாக நடித்திருக்கிறார். தற்போது தான் அவர் உடல் எடை அதிகரித்து இருக்கிறார். அதே நேரத்தில் தன்னுடைய சினிமா வாழ்க்கையில் மறக்க முடியாத நினைவுகள் குறித்து பாக்கியலட்சுமி பேட்டி ஒன்றில் பேசியிருக்கிறார். அதில் நான் ஒரு சில திரைப்படங்களில் நடித்திருந்தேன். அந்த திரைப்படங்களில் நடித்த அனுபவங்கள் மறக்க முடியாது.

அதிலும் தற்போது முதல்வராக இருக்கும் மு.க ஸ்டாலின் நடித்த திரைப்படத்திலும் நான் நடித்திருக்கிறேன். அந்த படத்தில் கார்த்திக் ஜோடியாகவும், சீதாவிற்கு பிரண்டாகவும் நடித்திருந்தேன். அதுபோல தாயா தாரமா என்ற படத்தில் நான் நடித்திருந்தேன். அந்த படத்தில் ஆனந்தபாவுக்கு ஜோடியாக நடித்தேன். அதில் அவரோடு ஜோடியாக நான் டான்ஸ் எல்லாம் ஆடி இருக்கிறேன்.

அதுபோல ரஜினி நடித்த ஒரு திரைப்படத்திலும் அவருக்கு ஜோடியாக நான் நடித்திருக்கிறேன். மலையாளத்தில் மோகன்லாலுடன் ஜோடியாக நடித்திருக்கிறேன். அதில் இவர்கள் இருவரில் யார் பிடிக்கும் என்றால் எனக்கு இருவருமே பிடிக்கும் அவர்களில் அதிகமாக யார் பெஸ்ட் என்று சொன்னால் ரஜினியை தான் சொல்வேன். எனக்கு ரஜினியோடு நடிப்பது ரொம்பவும் பிடித்தது. அவர் எப்போதுமே சூப்பர் ஸ்டார் தான். ரஜினிக்கு என்னுடைய மகன் ரசிகராக இருக்கிறார் என்று அந்த பேட்டியில் பாக்கியலட்சுமி பேசியிருக்கிறார்.

English summary

Siragadikka aasai serial : Actress Pakyalakshmi is playing the character of Parvathi in the Siragadikka aasai serial which is being aired on Vijay TV. He has acted in many films in the beginning. He talked about the experience of acting with Stalin, who is now the Chief Minister.