சிறகடிக்க ஆசை: விஜயா பற்றி முத்துக்கு தெரிந்த பெரிய உண்மை.. மீனா எடுத்த நல்ல முடிவு! அதிர்ச்சியில் குடும்பம்

Updated: Wednesday, April 8, 2026, 10:27 [IST]

Subscribe to Oneindia Tamil

சென்னை: விஜய் டிவியில் ஒளிபரப்பாகி வரும் (Siragadikka Aasai serial April 7th Episode) சிறகடிக்க ஆசை சீரியல் 2026 ஏப்ரல் எட்டாம் தேதிக்கான எபிசோடில், விஜயா பற்றிய ஒரு பெரிய உண்மை பெரிய வருகிறது அதே நேரத்தில் சிந்தாமணி மீனா விஷயத்தில் புதிய முடிவு எடுத்திருக்கிறார் என்ன நடந்தது என்று விரிவாக பார்க்கலாம்.

சிறகடிக்க ஆசை இன்றைய எபிசோடு

சிறகடிக்க ஆசை சீரியலில் (Siragadikka Aasai serial today episode) இன்றைய எபிசோடில், மீனா கட்டிலில் படுத்து இருக்க, ஸ்ருதி, ஸ்வேதா, மீனாவின் அம்மா எல்லோரும் வந்து மீனாவிற்கு ஆறுதல் சொல்லிக் கொண்டிருக்கின்றனர். அப்போது மீனா எனக்கு ஏதாவது ஆனா கூட பரவாயில்லை இவருக்கு ஏதாவது ஆகிடுமோனு பயமா இருக்கு அதனால வாபஸ் வாங்க போறேன் என்று சொல்ல, எல்லோரும் வேண்டாம் இந்த எலக்ஷனில் நீ கண்டிப்பாக நிற்க வேண்டும் என்று சொல்லிக் கொண்டிருக்கின்றனர். அந்த நேரத்தில் மீனாவின் பூக்கட்டும் பிரண்ட்ஸ் வருகிறார்கள்.

அவர்கள் மீனாவுக்கு தாங்கள் சப்போர்ட் செய்வதால் தங்களுடைய குடும்பத்தினரையும் போலீஸ் வந்து மிரட்டுறாங்க என்று சொல்கின்றார். மேலும் சிந்தாமணி செய்த விஷயத்தை சும்மா விடக்கூடாது என்று மொத்த குடும்பமும் கோபமாக பேசிக்கொண்டிருக்கிறார்கள். அப்போது முத்து, எனக்கும் அதே கோபம் இருக்கிறது, ஆனால் இப்போது தேர்தல் நேரம். இந்த விஷயம் மீனாவுக்கு எதிராக திரும்பிவிடக்கூடாது என்று சொல்லி அமைதிப்படுத்துகிறார்.

அதற்கு குடும்பத்தினர் எல்லாரும், இதற்கெல்லாம் பயந்து நீ தேர்தலில் இருந்து விலகக்கூடாது என்று மீனாவை உற்சாகப்படுத்துகிறார்கள். அந்த நேரத்தில் ரேகா சத்யாவிற்கு போன் செய்து, மீனாவிடம் பேச சொல்லுகிறார். ரேகா தான் சிந்தாமணியின் மகள் என்பதுக் குடும்பத்தில் யாருக்கும் தெரியாது. அதனால் எல்லாரும் அவருடன் நெருக்கமாக பேசுகிறார்கள். ரேகா, மீனாவிடம் நலம் விசாரித்து, இந்த மாதிரி சம்பவத்தால் நீங்க தேர்தலில் இருந்து விலகக்கூடாது என்று கூறுகிறார்.

போலீஸ் விசாரணை

இதற்கிடையில் போலீசார் சிந்தாமணியிடம் விசாரணை நடத்துகிறார்கள். ஆனால் மீனாவிற்கு கத்திக்குத்து நடந்ததற்கும் தனக்கும் தொடர்பும் இல்லை என்று மறுக்கிறார். மேலும் மீனாவே ஆறுதல் ஓட்டு வாங்குவதற்காக ஆளை வைத்து இப்படிச் செய்திருக்கலாம் என்று சொல்லி, கேஸை மீனாப் பக்கம் திருப்ப முயற்சிக்கிறார்.

விஜயா செய்த செயல்

மறுபக்கத்தில் ஆட்டோவில் வந்து கொண்டிருக்கும் விஜயா, மீனாவின் போஸ்டரை பார்த்து கோபம் ஆகிறார். பிறகு திடீரென ரோட்டில் இறங்கி அந்த போஸ்டரை பார்த்து கடுப்பாகி எண்ணிய தலைவர் ஆகிட்டா நான் உனக்கு சேவகம் செய்யணுமா என்று கோபமாகி அந்த போஸ்டரை கிழிக்கிறார்.

அதை பார்த்த மீனாவின் தோழிகள், விஜயாவை விரட்டி பிடித்து அடிக்கிறார்கள். ஆனால் அவர் விஜயா என்று தெரியாமல், முகத்தை மறைத்து இருந்ததால் யாரென்று புரியாமல் அடித்து விரட்டுகிறார்கள். கடைசியில் விஜயா முக்காடு போட்டபடியே அங்கிருந்து தப்பித்து ஓடிவிடுகிறார்.

முத்துக்கு தெரிந்த உண்மை

அந்த நேரத்தில் முத்துவின் கார் அங்கு வருகிறது. முத்து, விஜயாவின் முகத்தை பார்த்துவிடுகிறார். பின்னர் அந்த பெண்களை நிறுத்தி என்ன நடந்தது என்று கேட்கிறார். அவர்கள், யாரோ சிந்தாமணியின் ஆள் மாதிரி மீனா போஸ்டரை கிழித்தார், அதனால் நாங்கள் அடித்தோம் என்று சொல்லுகிறார்கள். நன்றாக அடித்தோம் என்றும் கூறுகிறார்கள்.

Also Read

சிறகடிக்க ஆசை: விஜயா ஆட்டத்தை அடக்க வரும் புது மருமகள்.. சரியான பதிலடி கொடுத்த மீனா! சந்தோஷத்தில் மனோஜ்

அதற்கு முத்து, பாவம் அந்த அம்மா, விடுங்கள் என்று கூறி அவர்களை அனுப்பி வைக்கிறார். ஆனால் மனதில் விஜயாவைப் பற்றி நினைத்து வருந்துகிறார். மறுபக்கத்தில் மீனா எலக்ஷனில் நிற்க வாபஸ் வாங்க போவது இல்லை என்று சொன்ன விஷயம் சிந்தாமணிக்கு தெரிய வருகிறது. உடனே நான் இதை எதிர்பார்த்தேன். எப்படியாவது நான் ஜெயிக்கணும் என்று தன்னுடைய ஆட்களிடம் ரெண்டு லட்சம் கொடுத்து இதை ஓட்டு போடுறவங்க எல்லாருக்கும் கொடுத்துடு எல்லாரும் எனக்கு தான் ஓட்டு போடணும் என்று சொல்லி அனுப்புகிறார்.

அதிர்ச்சியில் முத்து

கடைசியாக ரவியும் ஸ்ருதியும் முத்துவை பார்க்க வருகின்றனர். இப்போது அவர்கள் நாங்க தேர்தலில் யார் ஜெயிக்க போறாங்க என்று ஒரு கருத்துக்கணிப்பு நடத்துனோம் என்று சொன்னதும், முத்து யாரு ஜெயிக்க போறாங்க மக்கள் என்ன சொல்றாங்க என்று கேட்க, அதிகமானோர் சிந்தாமணி ஜெயிக்க வாய்ப்பு இருக்கிறது என்று சொல்லுறாங்க. மீனாக்கு 30% தான் வாய்ப்பு இருக்கிறது என்று சொன்னதும் முத்து அதிர்ச்சியாகி நிற்கிறார். இப்படியாக இன்றைய எபிசோடு முடிவடைகிறது.