சிறகடிக்க ஆசை: மீனா, முத்துவை பிரிக்க பிளான் போட்ட ரோகிணி.. அண்ணாமலை வீட்டிற்குள் முற்றிய சண்டை

Updated: Saturday, May 25, 2024, 10:41 [IST]

Subscribe to Oneindia Tamil

Siragadikka aasai serial May 25th promo and episode full update

சென்னை: விஜய் டிவியில் ஒளிபரப்பாகி வரும் சிறகடிக்க ஆசை சீரியலில் மே 25 ஆம் தேதிக்கான எபிசோடில் என்ன நடக்கப் போகிறது என்பதை இந்த செய்தியில் பார்க்கலாம். அந்த வகையில் முதல் நாள் பிசினஸ் தொடங்கியதும் மனோஜ் வீட்டில் செய்யும் அலப்பறையால் முத்து கோபப்படுகிறார்.

இன்றைய எபிசோடின் ஆரம்பத்தில் மனோஜ் ரோகிணிக்கு விஜயா ஆரத்தி எடுக்க முத்து எப்போதும் போல கிண்டல் செய்கிறார். பிறகு மனோஜ் சோபாவில் தூங்க எல்லோரும் ஒருநாள் வேலைக்கு போனதும் இப்படியா? என்று பேசிக் கொண்டிருக்கின்றனர். அப்போது ஸ்ருதி நான் கூட டப்பிங் வேலைக்கு போகிறேன். அதை மனசுக்கு புடிச்சு செய்கிறேன் அதனால் நமக்கு வெக்கேஷன் போயிட்டு வர மாதிரி இருக்கு.

இப்படி எல்லாம் நமக்கு தூக்கம் வரல என்று சொல்ல, முத்து, மீனா எல்லோரும் மனோஜை கிண்டல் செய்து பேசிக் கொண்டிருப்பதை பார்த்து ரோகிணி இன்னைக்கு முதல் நாள் என்றதால் அவருக்கு வேலை கொஞ்சம் அதிகமா இருக்கும் என்று சமாளித்து மனோஜை ரூமிற்கு கூட்டிட்டு போகிறார். விஜயா எல்லோரும் டிரஸ் மாற்றிட்டு சாப்பிட வாங்க என்று சொல்ல ரோகிணி டிரஸ் மாற்றிக் கொண்டிருக்கும் போது மனோஜ் பெட்டில் படுத்து தூங்கி விடுகிறார்.

பிறகு மனோஜை சாப்பிடுவதற்காக ரோகிணி எழுப்பி பார்க்க மனோஜ் எழும்பாததால் விஜயா மனோஜை எழுப்பி சாப்பிடவை என்று சொல்லி தூங்க போய் விடுகிறார். பிறகு ரோகிணி இன்னைக்கு முத்து மீனா தான் இந்த ரூமில் படுக்கணும் என்று யோசித்துப் பார்க்கிறார். பிறகு நாம ஏன் இந்த ரூமை விட்டுக் கொடுக்கணும்.. வேணும்னா அவங்க எங்க வேணாலும் தூங்கட்டும் என்று உட்கார்ந்து கொண்டிருக்கும்போது முத்து வந்து கதவை தட்டுகிறார்.

முதலில் ரோகிணி கதவை திறக்காததால் முத்து கதவை தட்டிக் கொண்டே இருக்க ரோகிணி அவர் தூங்குகிறார் எழுப்ப முடியாது வேண்டும்னா நீங்க மனோஜோடு தூங்குங்க நான் மீனாவோடு தூங்குறேன் என்று சொல்ல அண்ணாமலை இன்னைக்கு அப்போ எங்க ரூம்ல நீங்க தூங்குங்க என்று சொல்ல, அதற்கு முத்து வேண்டாம்ப்பா உனக்கு டஸ்ட் ஒத்துக்காது நீ தூங்கு என்று சொல்லிக்கொண்டு மீனாவோடு மொட்டை மாடிக்கு போகிறார்.

பிறகு மனோஜ் வேணுன்னு தான் இப்படி எல்லாம் பண்ணுகிறான் என்னால நீயும் இப்படி கஷ்டப்படுற என்று மீனாவுக்கு முத்து ஆறுதல் கூற, மீனா இது என்ன புதுசா இருக்கு என்று கிண்டல் செய்கிறார். பிறகு உங்க கூட இருக்கிறதே எனக்கு சந்தோசம் தான் என்று சொல்கிறார். இறுதியாக மறுநாள் காலையில் எல்லோரும் வேலைக்கு ரெடியாகிக் கொண்டிருக்கும் போது மனோஜ் மட்டும் எழும்பவே இல்லை. இதனால் விஜயா மனோஜை எல்கேஜி பிள்ளையை எழுப்பது போல எழுப்பிக் கொண்டிருக்க முத்து கோபமாக ரூமுக்குள் போகிறார். இப்படியாக இன்றைய எபிசோடு முடிவடைகிறது.