மதுரை முத்து பற்றிய ரகசியத்தை உடைத்த “சிறகடிக்க ஆசை” செல்வம்.. யாருக்கும் தெரியாதது அம்பலமானது!

Updated: Wednesday, June 19, 2024, 15:15 [IST]

Subscribe to Oneindia Tamil

சென்னை: விஜய் டிவியில் ஒளிபரப்பாகி வரும் சிறகடிக்க ஆசை சீரியலில் செல்வம் கேரக்டரில் நடிகர் பழனியப்பன் நடித்து வரும் நிலையில் அவர் தன்னுடைய இன்ஸ்டாகிராம் பக்கத்தில் ஒரு வீடியோ வெளியிட்டு இருக்கிறார். அதில் விஜய் டிவி பிரபலமான மதுரை முத்து தன் மூலமாக நடிகர் பாபா லக்ஷ்மணனுக்கு செய்த உதவி குறித்து பழனியப்பன் பகிர்ந்து இருக்கிறார். அது பற்றி விரிவாக பார்க்கலாம்.

விஜய் டிவி நிகழ்ச்சிகளில் கலந்து கொண்ட பலர் தங்களுடைய திறமையின் காரணமாக ஒரு சில நாட்களிலேயே மக்கள் மத்தியில் பிரபலமாக தொடங்கி விடுகிறார்கள். அதன் மூலம் அவர்களுக்கு அடுத்தடுத்த வாய்ப்புகளும் வந்த வண்ணமாக இருக்கிறது. அந்த வகையில் லொள்ளு சபா நிகழ்ச்சியின் மூலம் பிரபலமான பழனியப்பன் இப்போது சிறகடிக்க ஆசை சீரியலில் கதாநாயகனின் நண்பன் செல்வமாக நடித்து வருகிறார்.

Television Kollywood Siragadikka aasai serial

இவர் ஷுட்டிங் ஸ்பாட்டில் எடுக்கும் வீடியோக்கள் மற்றும் புகைப்படங்களை பகிர்ந்து வருகிறார். அதுபோல தன்னுடைய நண்பர்கள் மற்றும் தனக்கு பிடித்த பிரபலங்கள் பலருடைய நினைவுகள் குறித்தும் அடிக்கடி சமூக வலைத்தளத்தில் பகிர்ந்து வருகிறார். அந்த வரிசையில் நேற்று தன்னுடைய இன்ஸ்டாகிராம் பக்கத்தில் உடல் நலக்குறைபாட்டால் பாதிக்கப்பட்டுள்ள நடிகர் பாபா லட்சுமணனுக்கு விஜய் டிவி பிரபலம் ஒருவர் செய்த உதவி குறித்து பதிவு வெளியிட்டிருக்கிறார்.

நடிகர் பாபா லட்சுமணனுக்கு மதுரை முத்து 5000 மதிப்புள்ள அரிசி மற்றும் மளிகை சாமான்கள் வாங்க உதவியது குறித்து மதுரை முத்துவிற்கு நன்றி தெரிவித்து போஸ்ட் போட்டு இருக்கிறார். ஏற்கனவே மதுரை முத்து சில தினங்களுக்கு முன்பு ஆதரவற்ற இல்லங்களுக்கு மளிகை சாமான்கள் மற்றும் அடிப்படை பொருட்களை வாங்கி கொடுத்திருந்தார். அதுபோல தன்னால் முடிந்த அளவிற்கு பலருக்கும் உதவிகளை செய்து வரும் மதுரை முத்து இப்போது நடிகர் பாபா லட்சுமணனுக்கு ரகசியமாக செய்த உதவியை நடிகர் பழனியப்பன் அம்பலப்படுத்தி இருக்கிறார்.

இது பலருடைய பாராட்டுகளை பெற்று வருகிறது. மதுரை முத்துவின் ஆரம்ப காலம் மிகவும் கஷ்டமாக இருந்தாலும் சினிமாவில் ஜொலிக்க வேண்டும் என்று பல போராட்டங்களை தாண்டி கவுண்டர் காமெடி மூலமாகவே இன்று பிரபலமாக இருக்கிறார். அதனாலேயே விஜய் டிவியில் பலவிதமான கெட்டப் போட்டு புது புது நிகழ்ச்சிகளிலும் மதுரை முத்து கலந்து கொண்டிருக்கிறார்.

சமீபத்தில் தான் இவருடைய ஹோம் டூர் வீடியோ வெளியானது. அப்போது கூட மதுரை முத்து இவ்வளவு வசதியாக இருக்கிறார் ஆனால் கஷ்டப்படும் யாருக்கும் அவர் உதவி செய்யவில்லையே என்று சிலர் கேள்வி எழுப்பி இருந்தார்கள். ஆனால் தான் கஷ்டப்பட்டு சம்பாதிக்கும் பணத்திலும் மதுரை முத்து ஆதரவற்றோர் இல்லங்கள் மற்றும் அடிப்படை வசதி இல்லாமல் தெருவில் வசிப்பவர்களுக்கு பல்வேறு உதவிகளை செய்து வருகிறார் என்பதும் குறிப்பிடத்தக்கது.