சிவகார்த்திகேயனின் மதராஸி, விஜயின் அந்த படத்தின் 2வது பாகமா? முருகதாஸ் இப்படி சொல்லி இருக்காரு!
சென்னை: நாளைக்கு எல்லோரும் எதிர்பார்த்து இருந்த 'மதராஸி' படம் ரிலீஸ் ஆகப் போகுதுங்க. இயக்குநர் ஏ.ஆர்.முருகதாஸ் நீண்ட நாள் கழிச்சுத் தமிழ்ல இயக்கி, சிவகார்த்திகேயன் ஆக்ஷன் ஹீரோவா நடிச்சிருக்க படம்ங்கிறதுனால, இந்த கூட்டணி மேல ஒரு எதிர்பார்ப்பு இருக்கு. ஆனா, இந்த கூட்டணி உருவானதே நிறைய பேருக்குப் பெரிய ஷாக்தான்.
தோல்விகள் தந்த துவக்கம்
ஒரு காலத்துல, 'தீனா', 'ரமணா', 'கஜினி', 'துப்பாக்கி'னு மாஸ் ஹிட் கொடுத்த இயக்குநர் முருகதாஸ். அவர் ஒரு படம் பண்றார்னாலே, அது ஹிட் லிஸ்ட்லதான் இருக்கும்னு ரசிகர்கள் நம்பினாங்க. ஆனா, ரஜினியோட 'தர்பார்', மகேஷ் பாபுவோட 'ஸ்பைடர்', பாலிவுட்ல சல்மான்கானோட 'சிக்னந்தர்'னு அவர் கடைசியா இயக்கின படங்கள் எல்லாமே பெரிய தோல்வியில முடிஞ்சது.
குறிப்பா, இந்தி ரசிகர்கள் அவரை சமூக வலைத்தளங்கள்ல பயங்கரமா வறுத்தெடுத்து வந்தாங்க. இப்படித் தொடர்ந்து தோல்விப்படங்களையே கொடுத்து வந்த முருகதாஸோட, திடீர்னு சிவகார்த்திகேயன் கூட்டணி போட்டார்னு சொன்னதும், ரசிகர்களுக்கு பேரதிர்ச்சியாகத்தான் இருந்தது. அதனாலயே, படத்தோட ட்ரெய்லர் வரும் வரைக்கும், 'மதராஸி' மேல பெரிய எதிர்பார்ப்பே இல்லை.
டிரெய்லர் கொடுத்த ட்விஸ்ட்
ஆனா, ட்ரெய்லர் வெளியானதுக்கு அப்புறம்தான் எல்லாமே தலைகீழா மாறிப் போச்சு. 'முருகதாஸ் ஒரு பெரிய கம்பேக் கொடுப்பார் போல இருக்கே!'னு எல்லாரும் பேச ஆரம்பிச்சிட்டாங்க. ஒவ்வொரு காட்சியும், சண்டைக் காட்சிகளும் பக்கா ஆக்ஷன் படமா இருக்குன்னு சொல்லி, இது அடுத்த துப்பாக்கி படம்னே எல்லாரும் சொல்லிக்கிட்டு இருக்காங்க. இந்த வரவேற்பு, முருகதாஸ்க்கு புது நம்பிக்கை கொடுத்துருக்கு. அதனாலதான், இப்ப பல பேட்டிகள் கொடுத்து படத்தைப் புரமோட் பண்ணிட்டு இருக்கார்.
வில்லனும், துப்பாக்கியும்
முருகதாஸ் தன்னுடைய பேட்டிகள்ல, 'மதராசி' படத்துக்கு வில்லனா வித்யூத் ஜம்வால் தான் நடிக்கணும்னு ரொம்ப ஆசைப்பட்டதா சொல்லியிருக்கார். வித்யூத் ஏற்கனவே 'துப்பாக்கி' படத்துல வில்லனா நடிச்சு ரசிகர்களை மிரட்டினவர். அவர் இப்போ பாலிவுட்லயும், ஹாலிவுட்லயும் ஹீரோவா வளர்ந்து நிக்கிறார். அதனால, தென்னிந்திய நடிகர்கள் பலர் அவரை வில்லனா நடிக்க கூப்பிட்டும், அவர் மறுத்துட்டாராம். ஆனா, முருகதாஸுக்காகத்தான் 'மதராசி'ல நடிக்க சம்மதிச்சிருக்கார்.
"துப்பாக்கி படத்தோட அந்த எனர்ஜி, இந்த படத்துலயும் இருக்கணும்னு நான் நினைச்சேன். அதுக்கு வித்யூத்தான் சரிபட்டு வருவார்"னு முருகதாஸ் சொல்றத பார்த்தா, 'மதராஸி'யை 'துப்பாக்கி'யின் பாணியில் எடுத்திருக்கார் போலதான் தோணுது.
சிவகார்த்திகேயனின் ஆக்ஷன் அவதாரம்
ஒரு பக்கம் முருகதாஸ் 'துப்பாக்கி' ரெஃபரன்ஸ் இருக்கிற மாதிரி பேசிட்டு இருந்தாலும், சிவகார்த்திகேயன் இந்தப் படத்துக்காக எடுத்த முயற்சிகள் சாதாரணமானவை இல்லை. பல பேட்டிகள்ல அவர், "நான் ரீமேக் படங்கள்லயும், நான் நடிச்ச படத்தோட இரண்டாம் பாகங்கள்லயும் நடிக்க மாட்டேன்"னு உறுதியா சொல்லி இருக்கார்.
ஆனா, முருகதாஸ் இப்படி பேசும்போது, சிவகார்த்திகேயன் சொன்னதுக்கும், நடக்கிறதுக்கும் முரண்பாடு இருக்குமோனு ஒரு எண்ணம் வருது. ஆனாலும், 'மதராஸி' படத்தின் விழாவில் பேசிய சிவகார்த்திகேயன், "இந்த மாதிரி ஒரு ஆக்ஷன் படத்தை நான் எதிர்பார்த்தேன். அதை முருகதாஸ் சார் எனக்காக பண்ணிக் கொடுத்திருக்கார். இந்த படம் நிச்சயம் ரசிகர்களுக்குப் பிடிக்கும்"னு நம்பிக்கை தெரிவித்திருக்கார்.
மதராசி முருகதாஸ்க்கு ஒரு பெரிய கம்பேக் கொடுக்குமா? இல்ல 'துப்பாக்கி' ரெஃபரன்ஸா இருந்ததால சிவகார்த்திகேயன் சொன்னதுபோல இரண்டாம் பாகமா இருக்குமா? அதுக்கு பதில் நாளைக்குத் தெரிஞ்சிடும்!
Click it and Unblock the Notifications
Sign in with Google