விஜய் டிவி நிகழ்ச்சியில் நடிகர் செந்தில்.. இமான் கேட்ட கேள்வி.. பல வருட கேள்விக்கு விடை கிடைத்தது

சென்னை: காமெடி நடிகர் செந்தில் முதல் முறையாக விஜய் டிவியில் ஒளிபரப்பாகி வரும் ஸ்டார் மியூசிக் நிகழ்ச்சியில் போட்டியாளராக கலந்து கொண்டு இருக்கிறார்.

அப்போது அவர் தான் நடித்த கரகாட்டக்காரன் திரைப்படத்தில் இடம்பெற்ற பாடலை பாடி எதிர் அணியினரை கலாய்த்து கலகலப்பை ஏற்படுத்தி இருந்தார்.

அதைத்தொடர்ந்து நடிகர் இமான் அண்ணாச்சி நடிகர் செந்தில் இடம் கலகலப்பான கேள்விகளை கேட்க அரங்கமே அதிர்ந்து போயிருந்தது. அது குறித்து விரிவாக பார்ப்போம்.

ரியாலிட்டி நிகழ்ச்சிகளுக்கு பெயர் போன விஜய் டிவியில் புதிது புதிதாக பல நிகழ்ச்சிகள் தொடங்கப்பட்டு வருகிறது. அந்த வரிசையில் சமீபத்தில் தொடங்கப்பட்ட ஸ்டார் மியூசிக் நிகழ்ச்சியும் அதிகமான ரசிகர்களை கவர்ந்திருக்கிறது. இந்த நிகழ்ச்சியை தொகுப்பாளர் பிரியங்கா தொகுத்து வழங்கி வருகிறார்.

பிரியங்கா பல நிகழ்ச்சிகளை தொகுத்து வழங்கி இருந்தாலும் இந்த நிகழ்ச்சியை கலகலப்பாகவும் புதுப்புது போட்டியாளர்களோடும் காமெடி செய்து கொண்டு போய்க் கொண்டிருக்கிறார். அந்த வகையில் தற்போது வரைக்கும் இந்த நிகழ்ச்சி மூன்று சீசன்கள் வெற்றிகரமாக முடிவடைந்து நான்காவது சீசன் நடைபெற்றுக் கொண்டிருக்கிறது.

அதில் ஒவ்வொரு வாரமும் விஜய் டிவியில் பிரபலமான சீரியல் நடிகர்களும் முன்னணி நடிகர்களும் கலந்து கொண்டு வருகின்றனர். அந்த வகையில் இந்த வாரத்திற்கான ப்ரோமோ வெளியாகி இருக்கிறது. அதில் காமெடி நடிகர் செந்தில் முதல் முறையாக கலந்து கொண்டிருக்கிறார். இவரோடு சேர்ந்து இமான் அண்ணாச்சி உட்பட பல நகைச்சுவை நடிகர்களும் கலந்து கொண்டிருக்கின்றனர்.

அந்த வகையில் இந்த நிகழ்ச்சியில் வழக்கம் போல பேக்ரவுண்ட் மியூசிக் ஒளிபரப்பப்பட்டது. அப்போது அந்த பாடலுக்கான ஊரு விட்டு ஊரு வந்து பாடல் டியூன் ஒலிக்க விடுகின்றனர். அதில் செந்தில் அந்த பாடலை கண்டுபிடித்து விடுகிறார். அது மட்டும் இல்லாமல் தான் அந்த படத்தில் நடித்திருக்கிறேன் என்றும் சந்தோசமாக பேசிக் கொண்டிருக்கிறார்.

அப்போது அவருக்கு அருகில் இருக்கும் இமான் அண்ணாச்சி நடிகர் செந்தில்டம் "இப்போ சொப்பன சுந்தரி காரை யாரு வச்சிருக்கா" என்று கேட்க, அதற்கு செந்தில் "சத்தியமா நான் வச்சுக்கல" என்று சொல்ல. அதை கேட்டு அரங்கத்தில் அனைவரும் விழுந்து விழுந்து சிரிக்கின்றனர். இப்படியாக இந்த கலகலப்பான பிரமோ வெளியானதை தொடர்ந்து அதிகமான ரசிகர்கள் நாங்கள் இந்த வாரம் நிகழ்ச்சியை பார்க்க தவற மாட்டோம் என்று கருத்து கூறி வருகிறார்கள்.

English summary

Comedian Senthil is participating as a contestant in the show Star Music which is being aired on Vijay TV for the first time. At that time, he sang the song featured in the movie Karakatakkaran, which he acted in, and made the opposing team feel like drinking coffee. After that, actor Iman Annachi asked actor Senthil lively questions, and the theater was in a state of shock. Let's look at it in detail.