சன் டிவி நடிகையை திருமணம் செய்த சுந்தரி சீரியல் நடிகர்.. ரசிகர்களிடம் பகிர்ந்த மகிழ்ச்சி

Updated: Friday, October 25, 2024, 13:27 [IST]

Subscribe to Oneindia Tamil

சென்னை: சன் டிவியில் ஒளிபரப்பாகி வரும் சுந்தரி சீரியலில் கிருஷ்ணா கேரக்டரில் நடித்த நடிகர் அரவிஷ், சன் டிவியில் ஒளிபரப்பான திருமகள் சீரியலில் கதாநாயகியை காதலித்து திருமணம் செய்து கொண்டார். திருமணத்திற்கு பிறகு தன்னுடைய மனைவியின் பிறந்தநாளை சர்ப்ரைஸ் ஆக கொண்டாடியிருக்கிறார். இந்த புகைப்படங்கள் மற்றும் வீடியோக்கள் இணையத்தில் அதிகமான லைக் பெற்று வருகிறது.

சினிமாவாக இருந்தாலும் சரி சீரியலாக இருந்தாலும் சரி ஒன்றாக நடிப்பவர்கள் காதலித்து திருமணம் செய்து கொள்வது ஒன்றும் புதிதல்ல. இது பல வருடங்களாகவே இருக்கிறது. ஒரு சில பிரபலங்கள்தான் தங்களுடைய திருமண வாழ்க்கையை மகிழ்ச்சியாக கொண்டு போய் இருக்கிறார்கள். ஒரு சில நடிகைகள், நடிகர்கள் வெவ்வேறு சேனலில் நடித்தாலும் காதலில் விழுந்திருக்கிறார்கள்.

சின்னத்திரையில் ஒன்றாக நடித்து காதலித்து திருமணம் செய்தவர்கள் ஏராளமானோர் இருக்கிறார்கள், சரவணன் மீனாட்சி சீரியல் புகழ் செந்தில்- ஸ்ரீஜா, ஆலியா மானசா- சஞ்சீவ் தம்பதி என பலரை சொல்லிக்கொண்டே போகலாம். சமீபத்தில் கூட சிறகடிக்க ஆசை சீரியலில் கதாநாயகனாக நடிக்கும் வெற்றி வசந்த் விஜய் டிவியில் பொன்னி சீரியலில் நடிக்கும் வைஷ்ணவியை காதலிப்பதாக அறிவித்திருந்தார்.

இவர்களுடைய எங்கேஜ்மென்ட்டும் கடந்த சில வாரங்களுக்கு முன்பு நடைபெற்று இருக்கிறது. இவர்களை போலத்தான் சன் டிவியில் ஒளிபரப்பாகி வரும் சுந்தரி சீரியலில் ஹீரோவின் நண்பர் கிருஷ்ணா கேரக்டரில் நடித்து பிரபலமானவர்தான் அரவிஷ். இந்த சீரியல் முதல் பாகம் முடிவடைந்தது தொடர்ந்து இரண்டாவது பாகம் ஒளிபரப்பாகி வருகிறது அதிலும் அரவிஷ் நடித்துக் கொண்டிருக்கிறார்.

கோயம்புத்தூரை சேர்ந்த அரவிஷ் இப்போது இலக்கியா சீரியலிலும் நடித்துக் கொண்டிருக்கிறார். இந்த நிலையில் சில மாதங்களுக்கு முன்பு அரவிஷ் சன் டிவியில் ஒளிபரப்பாகி வந்த திருமகள் சீரியலில் கதாநாயகி ஹரிகாவை காதலித்து திருமணம் செய்து கொண்டார். இவர்களுடைய திருமண செய்தி இணையத்தில் அதிகமாக பேசப்பட்டது.

இரு வீட்டாரின் சம்மதத்தோடு பிரபலங்களின் முன்பு இவர்களுடைய திருமணம் நடைபெற்றது. திருமணத்திற்கு பிறகு தன்னுடைய மனைவி ஹரிகாவின் பிறந்தநாளை முன்னிட்டு சர்ப்ரைஸ் கேக் கட் செய்துள்ளார். இந்த வீடியோ இப்போது வைரலாக பரவி வருகிறது. ஹரிகாவின் பிறந்தநாளுக்கு ரசிகர்கள் வாழ்த்து தெரிவித்து வருகிறார்கள்.