கலகல... பரபர.. துறுதுறு கவுதம் கார்த்திக்... சூப்பர் புரோ...!

சென்னை: சன் டிவியின் சூப்பர் சிஸ்டர் நிகழ்ச்சிக்கு சிறப்பு விருந்தினர்களாக தேவராட்டம் பட நாயகன் கவுதம் கார்த்திக், நாயகி மஞ்சுமா வந்திருந்தார்கள்.

சூப்பர் சிஸ்டர் நிகழ்ச்சியில் சன் டிவியில் சீரியல்களில் நடிக்கும் நடிகைகளின் அக்கா அல்லது தங்கை,அண்ணா நல்லது தம்பி இப்படி கலந்து கொள்ளலாம். இவர்களை பள்ளி பருவத்திற்கு கொண்டு சென்றார்கள். அதில், குழந்தைகள் ஆசிரியர்களாகவும், பங்கேற்பவர்கள் மாணவர்களாகவும் இருந்தது கலகலப்பாக இருந்தது.

மறந்து போன சுவையான நினைவுகளையும், தமிழ் பாடல்களையும் திரும்ப நம் நினைவுக்கு கொண்டு வருவதாகவும் நிகழ்ச்சி இருந்தது. தமிழ் தெரியாத நடிகைகளும் தமிழ் ரைம்ஸ் சொல்வதை கேட்க இனிமையாக இருந்தது.

கவுதம் கார்த்திக் நடுவராக இருந்து, தப்பு சரின்னு சொல்லிக்கிட்டு இருந்தார். கூடவே இவரும் தமிழ் ரைம்ஸ் சொன்னார். நாயகி சீரியலில் கண்மணியாக நடிக்கும் பாப்ரி கோஷ் கொல்கத்தா தமிழை நல்ல தமிழில் திரும்ப சொன்னார்.

இதெல்லாம் ஒரு மேட்டர் இல்லைதான்... ஆனா, இதை கவுதம் கார்த்திக் செய்யும்போது ரசிக்க வைக்கிறார்.பாட்டு போட்டாலே டான்ஸ் ஆட ஒடி விடறார். பார்க்க ஜாலியா இருந்துச்சு. கார்த்திக்கின் ஜெராக்ஸ் போல அசத்தி ரசிக்க வைக்கிறார்.

தனக்கு ரெண்டு தம்பிகள் இருப்பதாகவும், யாரும் காதலுக்கு தன்னிடம் ஐடியா கேட்பதில்லை.. கேட்கலாம்ல அண்ணன் நான் ஒருத்தன் இருக்கேன்ல..யூஸ் பண்ணிக்க மாட்றானுங்கன்னு சொன்னார். அப்பா மூணு பேரையும் சமமாகத்தான் பார்ப்பார், யாரும் அவருக்கு ஸ்பெஷல் இல்லைன்னு சொன்னார்.

தான் பள்ளியில் படிக்கும்போது ஒரு பொண்ணுகிட்ட பேசணும்னு, உங்ககிட்ட பென்சில் இருக்கா.. எனக்கு வேணும்னு பென்சிலிலேயே பேப்பர்ல எழுதி கேட்டு காமெடி பண்ணியதை சொல்லி சிரித்தார். மனிதர் இருக்கும் இடம் சும்மா கலகலன்னு இருக்கு.

English summary

Gautham Karthik and heroine Manjuma have come as special guests for Sun TV's Super Sister.