சூப்பர் சிங்கர் ரசிகர்களுக்கு மகிழ்ச்சி செய்தி.. தொடங்கியது 10வது சீசன்.. இந்த முறை இவ்வளவு விஷயம் இருக்கா?
சென்னை: விஜய் டிவியில் ஒவ்வொரு ஆண்டும் சூப்பர் சிங்கர் நிகழ்ச்சி நடைபெற்று வரும் நிலையில் இப்போது சூப்பர் சிங்கர் சீனியர் 10 நிகழ்ச்சி தொடங்க இருக்கிறது.
சமீபத்தில் தான் சூப்பர் சிங்கர் ஜூனியர் 9 நிகழ்ச்சி முடிவுக்கு வந்திருந்தது. அதை தொடர்ந்து சீனியர்களுக்கான நிகழ்ச்சி தொடங்கப்பட்டிருக்கிறது.
சூப்பர் சிங்கர்ஸ் சீனியர் 10 எப்போது தொடங்க இருக்கிறது. அதில் யார் யாரெல்லாம் கலந்து கொள்ள இருக்கிறார்கள் என்று விரிவாக பார்க்கலாம்.
அந்த வகையில் ரியாலிட்டி ஷோக்களுக்கு பெயர் போன விஜய் டிவியில் பல நிகழ்ச்சிகள் ரசிகர்களின் மத்தியில் பிரபலம் அடைந்தது. அந்த வகையில் சூப்பர் சிங்கர் நிகழ்ச்சியும் ஒன்று. இந்த நிகழ்ச்சி ஒவ்வொரு வருடமும் சீனியர் மற்றும் ஜூனியர் என்று மாறி மாறி ஒளிபரப்பாகி வரும்.
அந்த வகையில் சமீபத்தில் தான் சூப்பர் சிங்கர் சீசன் 9 ஜூனியர்களுக்கான இறுதி சுற்று முடிவடைந்தது. அதைத் தொடர்ந்து தற்போது சூப்பர் சிங்கர் சீனியர்களுக்கான நிகழ்ச்சி வரும் டிசம்பர் 16, 2023 முதல் ஒவ்வொரு சனி மற்றும் ஞாயிற்றுக்கிழமையும் மாலை 6:30 மணிக்கு விஜய் டிவியில் ஒளிபரப்பாக இருக்கிறது. 2006 ஆம் ஆண்டு முதல் விஜய் டிவியில் சூப்பர் சிங்கர் நிகழ்ச்சி ஒளிபரப்பாகி வருகிறது.
இதில் பல வெற்றிகரமான சீசன்கள் ரசிகர்களின் மத்தியில் பிரபலமடைந்து இருக்கிறது. இந்த நிகழ்ச்சியில் கலந்து கொண்ட பல பிரபலங்கள் திரைத்துறையில் பின்னணி பாடகர்களாக ஜொலித்து வருகிறார்கள். அதிலும் அடித்தட்டு வாழ்க்கையில் இருப்பவர்களும், வாய்ப்புக்காக ஏங்கிக் கொண்டிருப்பவர்களும் திறமையின் அடிப்படையில் இந்த சூப்பர் சிங்கர் நிகழ்ச்சியில் மூலமாக இன்று புகழின் உச்சத்தில் வலம் வருகிறார்கள்.
அந்த வகையில் இதற்கு முந்தைய சீசன்களில் வெற்றியாளராக முதல் சீசனில் கிருஷ்ணமூர்த்தி தேர்ந்தெடுக்கப்பட்டார். அதைத்தொடர்ந்து அல்கா அஜித், ஆஜீத், ஸ்பூர்த்தி, பிரித்திகா, கிரிஷாங் மற்றும் ஸ்ரீனிஷா என்று பல பாடகர்களை இந்த மேடை உருவாக்கி இருந்தது. அதுபோல ஹாரிஸ் ஜெயராஜ், கார்த்திக் ராஜா, டி இமான், யுவன் சங்கர் ராஜா, அனிருத், ஏ ஆர் ரகுமான் போன்ற இசையமைப்பாளர்களின் இசையில் பல பாடகர்களுக்கு பாடும் வாய்ப்பும் கிடைத்திருக்கிறது.
அதுபோல ஆரம்பத்தில் இருந்தே சூப்பர் சிங்கர் நிகழ்ச்சியை பல பிரபலங்கள் தொகுத்து வழங்கி இருக்கிறார்கள். அந்த வகையில் தற்போதைய சூப்பர் சிங்கர் சீனியர் 10 நிகழ்ச்சியையும் மாகாபா மற்றும் பிரியங்கா தேஷ் பாண்டே தொகுத்து வழங்குகிறார். அதோடு இந்த சீசனில் பின்னணி பாடகர்களாக மனோ, சுஜாதா, அனுராதா, ஸ்ரீராம் மற்றும் சீன் ரோல்டன் ஆகியோர் நடுவர்களாக இருக்கின்றனர்.
அதுபோல தற்போது இந்த நிகழ்ச்சிக்கான பல ப்ரோமோ வெளியாகி இருக்கிறது. அதில் கள்ளக்குறிச்சி மாவட்டம் பழைய சிறுவாங்கூரை சேர்ந்த ஜான் என்பவர் பாடிய பச்சைமலை தேனு என பாடலை கேட்டு பாடகர் மனோ, நீ மறைந்த எஸ்பிபி அண்ணாவை நினைவு படுத்திட்ட என்று உணர்வுபூர்வமாக பேசி இருப்பார். தற்போது இந்த ப்ரோமோ இணையத்தில் வைரலாகி வருகிறது. அதுபோல இன்னும் பல பாடகர்கள் தங்களுடைய திறமையை காட்டி இருக்கிறார்கள். அதை நாளை முதல் பார்க்க ரெடியா மக்களே...
Click it and Unblock the Notifications
Sign in with Google