சூர்யா மனசு தங்கம்.. ‘விஸ்வநாத் அண்ட் சன்ஸ்’ படத்தில் நடிக்கும் குழந்தைக்கு காஸ்ட்லி கிப்ட்! இது ஸ்பெஷல் தான்

சென்னை: தமிழ் திரையுலகில் தனக்கென்று ஒரு இடத்தை உருவாக்கி பல ஆண்டுகளாக முன்னணி நடிகராக இருந்து வருபவர் சூர்யா. கதைக்கே முக்கியத்துவம் கொடுத்து, வேறுபட்ட கதாபாத்திரங்களை தேர்வு செய்வது இவரின் பலம்.

சமீபத்தில் அவர் நடிப்பில் வெளியான கங்குவா மற்றும் ரெட்ரோ ஆகிய படங்கள் ரசிகர்களிடம் கலவையான விமர்சனங்களை பெற்றன. சிலர் கதையையும், முயற்சியையும் பாராட்டினாலும், சிலர் எதிர்பார்ப்பை ஒப்பிடும்போது படம் சற்றே குறைவாக இருந்தது என்று கருத்து தெரிவித்தனர். இருந்தாலும் சூர்யாவின் நடிப்பு குறித்து பெரும்பாலான இடங்களில் நல்ல பேச்சே இருந்தது.

கருப்பு- அடுத்த ரிலீஸ் ரெடி

இந்த நிலையில், சூர்யா தற்போது ஆர்.ஜே. பாலாஜி இயக்கத்தில் உருவாகியுள்ள கருப்பு படத்தில் நடித்துள்ளார். இந்த படம் விரைவில் திரையரங்குகளில் வெளியாக உள்ளது. சமூக கருத்துக்களுடன் கூடிய வித்தியாசமான கதையாக இது இருக்கும் என்று படக்குழு தரப்பில் சொல்லப்படுகிறது. சூர்யா - ஆர்.ஜே. பாலாஜி கூட்டணி எப்படி இருக்கும் என்ற ஆர்வமும் ரசிகர்களிடம் அதிகமாகவே உள்ளது.

46-வது படம் - விஸ்வநாத் அண்ட் சன்ஸ்

அதைத்தொடர்ந்து சூர்யாவின் 46-வது படத்திற்கு 'விஸ்வநாத் அண்ட் சன்ஸ்' என்று தலைப்பு வைக்கப்பட்டுள்ளது. இந்த படத்தின் ஃபர்ஸ்ட் லுக் போஸ்டர் நேற்று வெளியானது. போஸ்டர் வெளியான சில நிமிடங்களிலேயே சமூக வலைத்தளங்களில் வைரலானது.

இந்த படத்தை இயக்குவது வெங்கி அட்லூரி. இவர் முன்பு லக்கி பாஸ்கர் படத்தை இயக்கியவர். குடும்ப பின்னணியுடன் கூடிய உணர்ச்சி கலந்த கதைகளை சொல்லும் பாணி அவருக்கு உண்டு. அதனால் இந்த படமும் அப்படியே ஒரு உணர்ச்சி மிக்க குடும்ப கதையாக இருக்கும் என எதிர்பார்க்கப்படுகிறது.

இந்த படத்தில் சூர்யாவுக்கு ஜோடியாக மமிதா பைஜூ நடிக்கிறார் என்ற தகவல் வெளியாகியுள்ளது. இசையை ஜி.வி. பிரகாஷ்குமார் அமைக்கிறார். சூர்யா - ஜி.வி. பிரகாஷ் கூட்டணி மீண்டும் சேர்வது ரசிகர்களுக்கு கூடுதல் உற்சாகம் அளித்துள்ளது.

ஃபர்ஸ்ட் லுக்

வெளியான ஃபர்ஸ்ட் லுக் போஸ்டரில் சூர்யா ஒரு குழந்தையை கையில் சுமந்தபடி நிற்கிறார். இன்னொரு போஸ்டரில் அந்த குழந்தையை பாசமாக பார்த்துக்கொண்டு அமர்ந்திருக்கும் காட்சி இடம்பெற்றுள்ளது. இந்த இரண்டு படங்களும் சேர்ந்து பார்க்கும்போது, இது அப்பா - மகன் அல்லது குடும்ப உறவை மையமாக கொண்ட கதை ஆக இருக்கலாம் என்ற ஊகங்கள் கிளம்பியுள்ளன.

சூர்யா முகத்தில் இருந்த அந்த அமைதியான பாச பார்வை ரசிகர்களை கவர்ந்துள்ளது. "இது ஒரு மென்மையான குடும்ப கதையா?", "அப்பா சென்டிமெண்ட் படம் தானா?" என்று சமூக வலைத்தளங்களில் பலரும் பேசிக்கொண்டு இருக்கிறார்கள்.

குழந்தை நடிகருக்கு தங்க செயின்

இந்த நிலையில், படத்தில் நடித்துள்ள அந்த குழந்தை நடிகருக்கு சூர்யா தங்க செயின் ஒன்றை பரிசாக வழங்கியுள்ளார். அது தொடர்பான வீடியோ தற்போது இணையத்தில் வைரலாகி வருகிறது. குழந்தையுடன் பேசிக்கொண்டு சிரித்தபடி செயினை அணிவித்து கொடுக்கும் சூர்யாவின் எளிமையான நடத்தை ரசிகர்களை கவர்ந்துள்ளது.

சூர்யா குழந்தைகளுடன் மிகவும் பாசமாக பழகுவார் என்பது அனைவருக்கும் தெரிந்த விஷயம். படப்பிடிப்பு தளத்திலேயே குழந்தை நடிகருடன் நெருக்கமாக பழகியதாகவும், அவரை ஊக்கப்படுத்தியதாகவும் கூறப்படுகிறது. இந்த தங்க செயின் பரிசு அதற்கான ஒரு நினைவுச் சின்னமாகவே பார்க்கப்படுகிறது.

ரசிகர்கள் எதிர்பார்ப்பு அதிகரிப்பு

'விஸ்வநாத் அண்ட் சன்ஸ்' என்ற தலைப்பே குடும்ப பின்னணியை சுட்டிக்காட்டுகிறது. சூர்யா ஒரு குடும்ப மனிதராக, அப்பாவாக, பொறுப்புள்ள மகனாக வரக்கூடும் என்ற எதிர்பார்ப்பு ரசிகர்களிடம் உருவாகியுள்ளது.

சமீபத்திய படங்கள் கலவையான விமர்சனங்களை பெற்றிருந்தாலும், இந்த புதிய படத்தின் ஃபர்ஸ்ட் லுக் நல்ல வரவேற்பை பெற்றுள்ளது. சரியான கதை, வலுவான உணர்ச்சி, நல்ல இசை - இந்த மூன்றும் சேர்ந்தால் சூர்யாவுக்கு இது ஒரு முக்கியமான திருப்புமுனை படமாக அமைய வாய்ப்பு இருக்கிறது.

இப்போது ரசிகர்கள் கவனம் முழுவதும் இரண்டு விஷயங்கள்மேல் தான் - முதலில் 'கருப்பு' படம் எப்படி இருக்கும்? அடுத்ததாக 'விஸ்வநாத் அண்ட் சன்ஸ்' படம் எந்த மாதிரியான கதையை சொல்லப் போகிறது? இந்த கேள்விகளுக்கு பதில் வர வரும் மாதங்களில் திரையரங்குகளில் கிடைக்கப் போகிறது.