தமிழா தமிழாவில் 2024 குரு பெயர்ச்சி பலன்கள்.. நம்பர் 1 இந்த ராசி தானாம்.. உங்க அதிர்ஷ்டத்தை பாருங்க

சென்னை: தமிழ் சின்னத்திரையில் ஜீ தமிழ் தொலைக்காட்சியில் ஒவ்வொரு வாரமும் ஞாயிறு மதியம் 12.30 மணிக்கு ஒளிபரப்பாகி வரும் பிரபலமான விவாத நிகழ்ச்சி தமிழா தமிழா. இந்த நிகழ்ச்சியை ஆவுடையப்பன் தொகுத்து வழங்கி வருகிறார்.

ட்ரெண்ட்டுக்கு ஏற்ற வகையில் தலைப்புகளை தேர்வு செய்து விவாதங்களையே நடத்தி வருகிறது நிகழ்ச்சி குழு. கடந்த வாரம் கணவனே கண் கண்ட தெய்வம் Vs மனைவி சொல்லே மந்திரம் என்று இருக்கும் கணவர்கள் என்ற பெயரில் விவாதம் நடைபெற்றது.

இதனை தொடர்ந்து இந்த வாரம் குருபெயர்ச்சி பலன்களை வைத்து நிகழ்ச்சி நடைபெற இருப்பதாக தெரிய வந்துள்ளது. மே 1-ம் தேதி குரு பெயர்ச்சி நடைபெற உள்ளது. இதனால் 12 ராசிக்காரர்களுக்கு பலன்கள் எப்படி இருக்கும்? யாருக்கெல்லாம் யோகம் கிடைக்கும், பல வரவு எப்படி இருக்கும் என பல கேள்விகள் மக்களின் மனதுக்குள் ஓடி கொண்டிருக்கிறது.

இதற்கெல்லாம் பதில் கிடைக்கும் வகையில் 12 ராசிக்கான ஜீ தமிழ் பிரபலங்கள் ஒரு பக்கமும் குரு பெயர்ச்சி பலன்களை சொல்லும் ஜோதிடர்கள் ஒருப்பக்கமும் அமர்ந்து குருபெயர்ச்சி பலன்களை கூற உள்ளனர். 12 ராசிக்காரர்களில் யாருக்கு அதிக யோகம் என்று மதிப்பெண் போட்டு கூற உள்ளனர்.

ஜோதிடர்கள் கொடுத்த மதிப்பெண் அடிப்படையில் கன்னி ராசி 100-க்கு 100 மதிப்பெண்களை பெற்று முதலிடம் பிடித்துள்ளது, 96 மதிப்பெண்களுடன் விருச்சிகம் 2-ம் இடத்தை பிடித்துள்ளது.

இப்படியாக பல விஷயங்களை ஜோதிடர்கள் பகிர்ந்து இருந்தனர். அதோடு விஜய் டிவியில் ஈரமான ரோஜாவே சீரியலில் மூலம் பிரபலமடைந்த "சுவாதி"யிடம் எதிர்தரப்பில் இருந்த ஜோதிடர் ஒருவர் ரிஷபம் ராசியினர் இந்த வருடத்தில் புது கார் வாங்குவார்கள். அதுவும் அவர்களுடைய சொந்த வருமானத்தில் வாங்குவார்கள் என்று கூறியிருக்கிறார்.

அதைத் தொடர்ந்து சீரியல் நடிகையாகவும் விஜேவாகவும் இருக்கும் லயாவிடம் ஜோதிடர் மேஷ ராசிக்காரங்க வீடு கட்டி முடிச்சிருப்பாங்க. திருமண விஷயத்திற்காக வெயிட் பண்ணிட்டு இருப்பாங்க. அவார்டு வாங்குற அளவுக்கு அவங்களுக்கு இந்த வருஷம் ப்ரோக்ராம் இருக்கு என்று சொல்ல,

அதற்கு விஜே லயா நான் அவார்ட் வாங்கிட்டேனா.. என்று பேசிக் கொண்டிருக்கும்போது அவருக்கு பலன் சொன்ன ஜோதிடர் அதை எனக்கு கொடுத்துடுவீங்களா? என்று கேட்க, அதற்கு லயாவும் நான் உங்களுக்கே கொடுத்திடுவேன் சார் என்று கூறியிருக்கிறார். இப்படியாக பல கலகலப்பான உரையாடல்களும் ஜோதிடர்களின் விவாதங்களும் நடைபெற்று இருக்கிறது.

English summary

Tamizha Tamizha Show 2024 Guru peyarchi Benefits