CWCஇல் நடந்த திடீர் பிரச்சனை.. ஒருவரை ஒருவர் இழுத்துப் பிடித்து நடந்த கலாட்டா.. செஃப் வைத்த செக்
சென்னை: குக் வித் கோமாளி சீசன்4 நிகழ்ச்சியின் அடுத்த வாரத்திற்கான சூட்டிங் ஸ்பாட் வீடியோ ஒன்று வெளியாகி இருக்கிறது.
அடுத்த வாரத்தில் பாரம்பரியமான உணவு பொருட்கள் சமைக்கும் திருவிழா நடைபெற இருக்கிறது.
அதில் புகழ் மற்ற போட்டியாளர்களோடு ஏற்பட்ட கலாட்டா தற்போது சமூக வலைதளத்தில் வைரலாகி வருகிறது.
விஜய் டிவியில் அதிகமான ரசிகர்கள் விரும்பி பார்க்கப்படும் ஒரு நிகழ்ச்சியாக தான் குக் வித் கோமாளி நிகழ்ச்சி இருந்து வருகிறது. தற்போது இந்த நிகழ்ச்சி நான்காவது சீசனில் ஒளிபரப்பராகி வருகிறது. இதில் நடுவர்களாக செஃப் தாமு மற்றும் வெங்கடேஷ் பட் நான்கு சீசன்களாக தொடர்ந்து வருகிறார்.
குக் வித் கோமாளி நிகழ்ச்சி ஒவ்வொரு முறையும் பல சர்ச்சைகளில் சிக்கிக் கொண்டிருந்தாலும் இந்த நிகழ்ச்சிக்கு ரசிகர்கள் கொடுக்கும் ஆதரவு அதிகமாக இருந்து வருகிறது. அடிக்கடி இந்த நிகழ்ச்சியில் ஒருவரை மாற்றி ஒருவர் கலாய்த்து அரட்டை அடிப்பதை பார்த்து பலர் மகிழ்ச்சியாக இருப்பதாகவும் கருத்து தெரிவித்து வருகிறார்கள். இதுவரைக்கும் திரைப்படங்களிலும் சீரியல்களிலும் பார்த்து ரசித்த நடிகர்கள் நிஜத்தில் இப்படிப்பட்டவர்களா? என்பது இந்த நிகழ்ச்சியில் தெரிந்து கொள்வதாக பலர் கருத்து கூறி வருகிறார்கள்.
இந்த நிகழ்ச்சி ஒவ்வொரு வாரமும் நல்ல விறுவிறுப்போடு நகர்ந்து வரும் நிலையில் கடந்த வாரம் கலகலப்பாக சென்று கொண்டு இருந்த நிலையில் திடீரென்று ஷெரின் வெளியேற்றப்பட்டார். இது ரசிகர்களுக்கு பெரும் சோகத்தை ஏற்படுத்தி இருந்தது. இதனை அடுத்து தற்போது அடுத்த வாரத்திற்கான எபிசோடு வீடியோ ஒன்று வெளியாகி இருக்கிறது.
அதாவது அடுத்த வாரம் கிராமத்து சமையல் எபிசோடு தான் வரப்போகிறது. அதற்காக போட்டியாளர்கள் அனைவரும் கிராமத்து உடையில் வந்திருக்கின்றனர். குக்குகள் மட்டுமல்லாமல் நடுவர்களும் கிராமத்து உடையில் வந்திருக்கும் நிலையில், அங்கே ஏற்பட்ட கலகலப்பான சேட்டைகள் தற்போது சமூக வலைதளத்தில் வைரலாகி பரவி வருகிறது. அதில் மொத்தமாக அனைவரும் இருக்கும் இடத்தில் புகழ் போட்டோவிற்கு முன்னாடி நான்தான் போஸ் கொடுப்பேன் என்று அடம் பிடிக்க அவரை செஃப் வெங்கடேஷ் பட் அதட்டுவது போன்ற எபிசோடு வைரல் ஆகி வருகிறது.
Click it and Unblock the Notifications
Sign in with Google