Kalyana Veedu Serial: வயசான பெண்ணை இப்படியா பேச வைப்பீங்க திருமுருகன்?

சென்னை: இயக்குநர் திருமுருகன் தனது கல்யாண வீடு சீரியலில் வயதான ஒரு மூதாட்டியை வைத்து நடுத்தர வயதுக்கும் குறைவான பெண் தாயானதை இழிவு படுத்தி பேச வைத்திருக்கிறார் திருமுருகன்.

சன் டிவியின் கல்யாண வீடு சீரியலில் இத்தனை வயதிலும் திருமுருகன் கதாநாயகனாக காதலித்து ரொமான்ஸ் செய்து நடிப்பது தவறில்லையாம்.

நடுத்தர வயதுக்கும் குறைவான கதாபாத்திரம் உள்ள ஒரு பெண். கர்ப்பவதியானதை தவறு என்று குற்றம் சுமத்தும் படியும், அதை கோபியின் அம்மாச்சி கர்மம் அரைக்கிழவி மாசமாவது என்று கேட்பது போலவும் கதை அமைத்து இருக்கார் திருமுருகன்,.

ஸ்வேதாவுடன் போஸ்டர்

கோபிக்கும் சூர்யாவுக்கும் கதைப்படி கல்யாணம் நிச்சயம் ஆகப் போகிறது. கதைப்படி ஸ்வேதா தனது புருஷனுடன் சேர்ந்து வாழவும் ஆரம்பித்துவிட்டார். இன்னமும் கோபியின் தோளில் கையை போட்டபடி இருக்கும் போஸ்டரை மாற்றவில்லை என்று முன்னமேயே குறிப்பிட்டு இருந்தோம். அதை எல்லாம் கண்டுக் கொள்ளவில்லை ஒரு இயக்குநராக திருமுருகன்,.

குற்றாலத்துக்கு போனபோது

குற்றாலத்துக்கு குடும்பமாக போனபோது கோபியின் தங்கை நாத்தனாருக்கு பதின் பருவத்தில் ஒரே ஒரு பெண் குழந்தை உள்ளது. அடுத்து ஒரு குழந்தை உண்டாகி விட்டது. இது என்னவோ ஒரு கொலைக் குற்றம் போல தம்பதியரே மறைத்து மறைத்து வைக்கிறார்கள். உண்டான குழந்தையை கலைக்கவும் முடியாது என்று டாக்டர் சொல்லிவிட சரி பெத்துக்கலாம் என்று முடிவுக்கு வருகிறார்கள்.

நீ அரை கிழவி

பாவம் பிள்ளைத்தாய்ச்சி பெண் இல்லையா ... கோபியின் தங்கையும் உண்டாகி இருப்பதால்.. அவளுக்கு சாப்பிட கொடுக்கும் பொருள் மீது எல்லாம் இவளுக்கும் சாப்பிட ஆசை வந்துவிடுகிறது. சாப்பிட்டால் எல்லாரும் வினோதமாக பார்க்கிறார்கள். ஒரு வழியாக காசிக்கு போய்விட்ட இவளின் அம்மாவும் வந்துவிட உண்மையை அவரிடம் சொல்லும்போது அம்மாவே இந்த வயசில எப்படிடி பிள்ளையை பெத்துக்கறதுன்னு பம்மறாங்க.

அம்மாச்சி பேச்சு

இடையில் கோபியின் அம்மாச்சி தன் பேத்திக்கு ஊறுகாய் கொண்டு வர பேத்தியின் நாத்தனார் ஊறுகாயை வழிச்சி திங்க, என்னடி நீ முழுகாம இருக்கறவங்கதான் ஊறுகாயை வழிச்சி திம்பாங்க, நீயுமான்னு கேட்கறாங்க. என் பொண்டாட்டியும்தான் முழுகாம இருக்கான்னு அவ புருஷன் சொல்ல.. ஆமா அரை கிழவி முழுகாம இருக்காளான்னு கிண்டல் அடிக்கறாங்க அம்மாச்சி.

இதெல்லாம்..நல்லாவா இருக்கு திருமுருகன்? மூளை பொங்கி வழிஞ்சா இப்படி ஆகிருமா? இப்படி பெண்களை பெண்களை விட்டே நக்கல் அடிக்கத் தோணுமா?

English summary

Director Thirumurugan has taunted a middle-aged woman with an elderly grandmother in her kalyana veedu .Sun TV's kalyana veedu serial at this time in the past, Thirumurugan fell in love with the heroine.A girl with a character less than middle age. Thirumurugan, the story of the pregnancy is wrong, and it is as if Kopi's mamachi karmakam half-hearted.