Thug life 1st day collection: தக் லைஃப் முதல் நாள் கலெக்சன் இப்படி ஆயிடுச்சே! நடந்தது வேறு விதமாக இருக்கு

Updated: Friday, June 6, 2025, 10:34 [IST]

Subscribe to Oneindia Tamil

சென்னை: நடிகர் கமல்ஹாசன் சிலம்பரசன் உட்பட பலர் நடிப்பில் நேற்று ஜூன் 5-ம் தேதி வெளியான தக் லைஃப் திரைப்படம் முதல் நாள் எவ்வளவு வசூல் பெற்றது என்ற பாக்ஸ் ஆபீஸ் நிலவரம் வெளியாகி இருக்கிறது. மணிரத்தினம் மற்றும் கமல்ஹாசன் 38 ஆண்டுகளுக்கு பிறகு இணைந்திருக்கும் நிலையில் இந்த திரைப்படம் யாரும் எதிர்பார்க்காத அளவிற்கு வசூல் செய்திருக்கிறது.

தக் லைஃப் திரைப்படம் நேற்று உலகம் எங்கும் ரிலீஸானது. இந்த திரைப்படத்திற்கு பெரிய அளவில் எதிர்பார்ப்பு இருந்தது. காரணம் இந்த திரைப்படத்தில் கமல், சிம்பு முக்கிய கேரக்டரில் நடித்திருக்கிறார்கள். அதுபோல மணிரத்தினம் பல வருடங்களுக்கு பிறகு இந்த திரைப்படத்தை இயக்கியிருக்கிறார். அது மட்டும் அல்லாமல் அபிராமி, த்ரிஷா, அசோக் செல்வன், நாசர், ஜோஜு ஜார்ஜ் போன்ற பல நடிகர்களும் இந்த திரைப்படத்தில் இருக்கின்றனர்.

தக் லைஃப் திரைப்பட சிறப்பு

இந்த திரைப்படத்திற்கு மேலும் சிறப்பாக ஏ ஆர் ரகுமான் இசையமைத்திருக்கிறார். ரவி கே சந்திரன் ஒளிப்பதிவு செய்து இருக்கிறார். அதுபோல படத்தொகுப்பு பணிகளை ஸ்ரீதர் பிரசாத் செய்திருக்கிறார். இதனால் இந்த திரைப்படத்தை பற்றிய எதிர்பார்ப்பு மக்கள் மத்தியில் அதிகமாக இருந்தது. அதே நேரத்தில் திரைப்படத்தின் இசை வெளியீட்டு விழாவில் கமல்ஹாசன் பேசியது பெரும் சர்ச்சையை ஏற்படுத்தியதால் இந்த திரைப்படத்தில் என்னதான் இருக்கிறது என்று தெரிந்து கொள்வதற்காக தமிழ் ரசிகர்கள் மட்டுமல்லாமல் மற்ற ரசிகர்களும் காத்திருந்தனர்.

தக் லைஃப் தயாரிப்பு நிறுவனம்

தக் லைஃப் திரைப்படத்தை கமல்ஹாசன் ராஜ் கமல் பிலிம்ஸ் நிறுவனம், மணிரத்தினத்தின் மெட்ராஸ் நிறுவனமும், உதயநிதி ஸ்டாலினின் ரெட் ஜெயன்ட் மூவிஸ் நிறுவனமும் இணைந்து தயாரித்து இருந்தது. தமிழில் மட்டுமல்லாமல் தெலுங்கு, மலையாளம், ஹிந்தி என நான்கு மொழிகளிலும் நேற்று ரிலீஸ் ஆனது. உலகம் எங்கும் 2200 திரையரங்குகளில் இந்த திரைப்படம் ரிலீஸ் ஆன நிலையில் முதல் நாளே படுமோசமான விமர்சனங்கள் குவிந்தது.

தக் லைஃப் திரைப்பட ரிவ்யூ

தமிழ் ரசிகர்களே இந்த படத்தை விமர்சித்து வருகிறார்கள். சிலர் இதை பாராட்டி இருந்தாலும் அதிகமான நெகட்டிவ் கமாண்டுகள் வந்து கொண்டே இருக்கிறது. இந்தியன் 2 படத்தை விட மோசமாக இருப்பதாக சிலர் ட்ரோல் செய்து வருகின்றனர். முதல் நாளில் இந்த திரைப்படம் 50 கோடிக்கு மேலே வசூல் செய்யும் என்று எதிர்பார்க்கப்பட்ட நிலையில் மோசமான ரிவ்யூ காரணமாக பாக்ஸ் ஆபிஸில் கடும் சரிவு சந்தித்ததாக கூறப்படுகிறது.

தக் லைஃப் முதல் நாள் வசூல்

அதன்படி தக் லைஃப் திரைப்படம் உலக அளவில் முதல் நாளில் 25 கோடி முதல் 30 கோடி வரை வசூலித்திருக்கும் என்று கூறப்படுகிறது. இந்தியாவில் இந்த படம் வெறும் 17 கோடி தான் வசூலித்துள்ளது என்று கூறப்படுகிறது. அதுபோல தமிழ்நாட்டின் மட்டும் 15.5 கோடி வசூலித்த இந்த திரைப்படம் தெலுங்கில் 1.5 கோடி வசூலித்ததாக தகவல் வெளியாகி இருக்கிறது. அதுபோல இந்தியில் பல ப்ரொமோஷன்கள் செய்தும் அங்குதான் படுமோசமாக வசூலித்ததாக கூறப்படுகிறது. அதாவது வெறும் 10 லட்சம் தான் இந்த திரைப்படம் வசூல் செய்திருக்கிறது என்று தகவல் வெளியாகி இருக்கிறது.