திரிஷாவுக்கு ராம் சரண் மனைவி கொடுத்த ஸ்பெஷல் கிப்ட்.. என்ன இருந்தது தெரியுமா? உச் கொட்டும் ரசிகர்கள்

Published: Saturday, June 6, 2026, 11:05 [IST]

Subscribe to Oneindia Tamil

சென்னை: கடந்த சில மாதங்களாக நடிகை திரிஷா எதை செய்தாலும் அது சமூக வலைதளங்களில் பேசுபொருளாக மாறி வருகிறது. புதிய படங்கள், வெற்றி கொண்டாட்டங்கள், பிரபலங்களுடனான நட்பு, ரசிகர்களுடன் பகிரும் பதிவுகள் என தொடர்ந்து டிரெண்டிங்கில் இருந்து வருகிறார் த்ரிஷா.

அந்த வகையில் தற்போது அவர் பகிர்ந்துள்ள ஒரு சாதாரண இன்ஸ்டாகிராம் ஸ்டோரி கூட ரசிகர்களிடையே பெரிய அளவில் பேசப்பட்டு வருகிறது. காரணம், அந்த பரிசுப் பெட்டி. ஆம்... நடிகர் ராம்சரணின் மனைவி உபாசனா அனுப்பிய ஸ்பெஷல் கிஃப்ட் தற்போது இணையத்தில் வைரலாகி வருகிறது.

Trisha Ram Charan Upasana Tollywood Kollywood

தொடர்ந்து உச்சத்தில் இருக்கும் திரிஷா

சினிமாவில் 20 ஆண்டுகளுக்கும் மேலாக முன்னணி நடிகையாக இருக்கும் திரிஷா, தற்போது தனது கேரியரின் மற்றொரு பொற்காலத்தை அனுபவித்து வருகிறார். ஒருபுறம் முன்னணி ஹீரோக்களுடன் தொடர்ந்து நடித்து வருகிறார். மறுபுறம் அவர் நடிக்கும் படங்கள் வசூலிலும் சாதனை படைத்து வருகின்றன.

சமீபத்தில் வெளியான "கருப்பு" திரைப்படத்தின் வெற்றிக்குப் பிறகு திரிஷா குறித்து சமூக வலைதளங்களில் பேசப்படுவது மேலும் அதிகரித்துள்ளது. "லியோ", "குட் பேட் அக்லி", "கருப்பு" என அடுத்தடுத்து பெரிய வெற்றிப் படங்களில் இடம்பெற்றுள்ளதால், ரசிகர்கள் பலரும் அவரை "லக்கி சார்ம்" என்றும் அழைத்து வருகின்றனர்.

திடீரென வந்த பரிசு பெட்டி

இந்த நிலையில் திரிஷாவின் வீட்டிற்கு சமீபத்தில் ஒரு சிறப்பு பரிசுப் பெட்டி வந்து சேர்ந்துள்ளது. அதை அனுப்பியது வேறு யாருமல்ல... நடிகர் ராம்சரணின் மனைவியும், தொழிலதிபருமான உபாசனா. தனது அத்தை சுரேகாவுடன் இணைந்து "அத்தமாஸ் கிச்சன்" என்ற பெயரில் பாரம்பரிய உணவுப் பொருட்களை தயாரித்து வரும் உபாசனா, அந்த பிராண்டின் சிறப்பு தயாரிப்புகளை திரிஷாவுக்கு பரிசாக அனுப்பியுள்ளார்.

அந்த பெட்டிக்குள் என்ன இருந்தது?

சாதாரண கிஃப்ட் பாக்ஸ் அல்ல அது. ஆந்திராவின் புகழ்பெற்ற பாரம்பரிய உணவுப் பொருட்கள் அனைத்தும் அதில் இடம் பெற்றிருந்தன. ஆவக்காய் ஊறுகாய், கோங்குரா ஊறுகாய், கறிவேப்பிலை பொடி, பருப்பு பொடி, இன்ஸ்டன்ட் ரசம் மிக்ஸ், கேசரி மிக்ஸ், பொங்கல் மிக்ஸ், உப்புமா மிக்ஸ் என வீட்டுச் சுவையை நினைவுபடுத்தும் பல பாரம்பரிய உணவுப் பொருட்கள் அந்த பெட்டியில் இருந்ததாக கூறப்படுகிறது.

கோடைகாலம் நினைவு

இந்த பரிசை பெற்றுக்கொண்ட திரிஷா உடனே அந்த கிஃப்ட் பாக்ஸின் புகைப்படத்தை இன்ஸ்டாகிராமில் பகிர்ந்த அவர், "மிக்க நன்றி உபாசனா... இந்த அற்புதமான மற்றும் சுவையான உணவுகளை பார்க்கும்போது உண்மையிலேயே கோடைகாலத்தை உணர்கிறேன்" என்று பதிவிட்டுள்ளார். இந்த ஒரு வரி பதிவே தற்போது ரசிகர்களின் கவனத்தை ஈர்த்துள்ளது.

திரிஷா - ராம்சரண் குடும்ப நட்பு?

தென்னிந்திய சினிமாவில் பல ஆண்டுகளாக நிலைத்து நிற்கும் நடிகைகளில் முக்கியமானவர் திரிஷா. அதேபோல் தெலுங்கு திரையுலகின் முன்னணி நட்சத்திர குடும்பங்களில் ஒன்றாக விளங்குவது மெகா ஸ்டார் சிரஞ்சீவி குடும்பம். ராம்சரண் குடும்பத்தினருக்கும் திரிஷாவுக்கும் நீண்டகால நட்பு இருப்பதாக கூறப்படும் நிலையில், அந்த நட்பின் வெளிப்பாடாகவே இந்த பரிசு பார்க்கப்படுகிறது.

ரசிகர்கள் என்ன சொல்கிறார்கள்?

திரிஷா பகிர்ந்த புகைப்படம் வெளியான சில நிமிடங்களிலேயே ரசிகர்கள் அதை வைரலாக்கி விட்டனர். "திரிஷா எதை போட்டாலும் டிரெண்ட் ஆகிடுது!" "சாதாரண கிஃப்ட் இல்லை... ராம்சரண் வீட்டிலிருந்து வந்த ஸ்பெஷல் பரிசு!"கருப்பு வெற்றிக்குப் பிறகு திரிஷாவை தேடி வரும் அன்பு இன்னும் அதிகமாகி விட்டது" என ரசிகர்கள் கருத்து தெரிவித்து வருகின்றனர்.

Recommended For You

'கருப்பு ஸ்டார்’ பட்டம் கொடுத்த ரசிகர்... உடனே திரிஷா கொடுத்த பதில்... இவ்வளவு இறங்கி பேசிட்டாரே!

ஏன் இவ்வளவு கவனம்?

பொதுவாக பிரபலங்களுக்கு பரிசுகள் வருவது புதிதல்ல. ஆனால் சமீப காலமாக த்ரிஷாவைச் சுற்றி உருவாகி வரும் ரசிகர் ஆர்வம் காரணமாக, அவர் வெளியிடும் ஒவ்வொரு புகைப்படமும், ஒவ்வொரு பதிவும், ஒவ்வொரு ஸ்டோரியும் கூட செய்தியாக மாறி வருகிறது. இந்த முறையும் அதேபோல, ஒரு பாரம்பரிய உணவுப் பரிசுப் பெட்டி சமூக வலைதளங்களில் பெரிய விவாதமாக மாறியுள்ளது.

ஒரு காலத்தில் ரசிகர்கள் த்ரிஷாவின் புதிய படங்களை மட்டும் எதிர்பார்த்தார்கள். இப்போது அவர் பகிரும் ஒரு சிறிய புகைப்படத்தைக் கூட ஆயிரக்கணக்கானோர் கவனித்து பேசும் அளவுக்கு, சமூக வலைதளங்களில் அவரது செல்வாக்கு தொடர்ந்து உயர்ந்து கொண்டே இருக்கிறது.

Published On June 6, 2026