OTT App: மேஜிக் சமையல் ..வனிதா விஜயகுமார் யூடியூப் சானல்!
சென்னை: வனிதா விஜயகுமார் தனது பெயரிலேயே சமையல் யூடியூப் சானல் ஆரம்பித்து இருக்கார். இப்போது இந்த சானலில் சமையல் செய்து காண்பித்து வருகிறார். எடுத்த எடுப்பிலேயே இவரது சானலுக்கு மக்கள் மத்தியில் நல்ல வரவேற்பு கிடைத்து இருக்கிறது.
வனிதா தாய்லாந்தில் சமையல் கலை படிப்பில் பட்டம் வாங்கி இருக்கிறார். இவரது சமையல் ஏதோ மேஜிக் செய்வது போல இருக்கும். கடைசியில் ருசியில் பிரமாதமாக தந்து அசத்தி விடுவார்.
விஜய் டிவியின் குக்கு வித் கோமாளி நிகழ்ச்சி, இவரது சமையல் கலைக்கு நல்லதொரு சான்றாக இருந்தது. இந்த போட்டியில் டைட்டில் வின்னர் வனிதா விஜய குமார்தான்.
நல்ல வரவேற்பு
வனிதா விஜயகுமார் சானல் ஆரம்பித்த உடனேயே 2 லட்சத்துக்கும் மேற்பட்ட சப்ஸ்கிரைபர்ஸ் என்று அசத்தலாக ஆரம்பித்து இருக்கிறது.விதம் விதமான சமையல் இந்த யூடியூப் சானல் மூலம் செய்து காண்பித்து வருகிறார். கடந்த ஏப்ரல் மாதம் ஆரம்பித்து இன்றுவரை இந்த லாக்டவுனில் சக்கை போடு போட்டுக்கொண்டு இருக்கிறது இவரது சானல்.
பொருளாதார நெருக்கடி
விஜய் குமார் ஹீரோ வாய்ப்பு இல்லாமல், வில்லனாக நடிக்க ஆரம்பித்து இருந்த சமயம், தங்களது குடும்பம் கடுமையான பொருளாதார கஷ்டத்தில் இருந்தது என்றும், அப்போது குடும்பமாக அமேரிக்கா சென்று விட்டோம் என்றும் வனிதா விஜயகுமார் ஒரு நேர்காணலில் கூறி இருக்கிறார்.
அமெரிக்காவில் ஹோட்டேல்
அமெரிக்காவில் தங்கள் குடும்பம் அம்மாவின் தலைமையில் ஒரு ஹோட்டேல் நடத்தியது என்றும், அம்மாவின் ஆலோசனையில் சமையல் இருக்கும்.. அப்போது அம்மாவும் சமைக்க வேண்டியது முக்கிய பணியாக இருந்தது என்றும் சொல்லி இருக்கார். இப்படி ரொம்ப கஷ்டப்பட்ட காலத்தில் அம்மா செய்த பணியை மகள் வனிதாவும் செய்ய ஆரம்பித்து இருக்கார்.
திறமைசாலி வனிதா
வனிதா விஜயகுமார் சமையலில் நல்ல திறமைசாலி. குக்கு வித் கோமாளி நிகழ்ச்சியில் மேஜிக் போல விதம் விதமான டிஷ் செய்து, நடுவர்களை அசத்தியவர். என்னதான் கோமாளிகள் தொல்லை தந்தாலும், கண்ணும் கருத்துமாக இருந்து சமைத்து முடிப்பார். இப்படிப்பட்ட திறமைகள் நிறைந்த வனிதா இப்போது ஓடிடி களத்திலும் கலக்கி வருகிறார்.
Click it and Unblock the Notifications
Sign in with Google