தங்கத்தில் மாலை.. புடவை மட்டும் இத்தனை லட்சமா? திருநெல்வேலியே வியந்த வேலராம மூர்த்தி வீட்டு திருமணம்

சென்னை: எழுத்தாளரும், நடிகருமான வேலராம மூர்த்தியின் பேத்தியின் திருமண புகைப்படங்கள் மற்றும் வீடியோக்கள் தான் இணையத்தில் பலரையும் வாவ் சொல்ல வைத்திருக்கிறது. மணப்பெண் மற்றும் மாப்பிள்ளையின் கழுத்தில் போடப்பட்டிருந்த மாலை கூட தங்கத்தில் செய்யப்பட்டதாக கூறப்படுகிறது. அது பற்றி பார்க்கலாம்.

நவம்பர் மாதத்தின் ஆரம்பத்தில் இருந்தே திருமண பத்திரிகைகள் வீட்டிற்கு வந்து குவிந்து கொண்டிருக்கிறது. எந்த திருமணத்திற்கு போவது எந்த பங்க்ஷனை விடுவது என்று யோசிக்க முடியாத அளவிற்கு ஒரே முகூர்த்தத்தில் பல திருமணங்கள் வந்து விடுகிறது. இது பலருடைய அன்றாட வாழ்க்கையில் நடக்கும் போராட்டங்களாக இருந்தாலும் பல சினிமா பிரபலங்களும் அடுத்தடுத்து திருமணம் செய்து ரசிகர்களை வியக்க வைத்துக் கொண்டிருக்கிறார்கள்.

அதிலும் சில நாட்களாகவே சமூக வலைத்தளத்தில் பலரையும் வாயை பிளக்க வைத்த வீடியோ பற்றி தான் இப்போ பார்க்க போகிறோம். நாம் இதுவரைக்கும் திருமணம் என்றால் மணமக்கள் கழுத்தில் வண்ண வண்ண பூக்களால் மாலை போட்டு தான் பார்த்திருப்போம். ஆனால் திருநெல்வேலியில் ஒரு திருமணத்தில் மணப்பெண் மற்றும் மாப்பிள்ளையின் கழுத்தில் போடப்பட்டிருந்த மாலை தங்கத்தால் செய்யப்பட்டதாம்.

அதுபோல மணப்பெண் கட்டி இருந்த புடவையின் மதிப்பு 8 லட்சம் என்றும் அவர் அணிந்திருந்த பிளவுஸின் விலை மூன்று லட்சம் என்றும் கூறப்படுகிறது‌. அதுமட்டுமல்லாமல் மணப்பெண்ணுக்கு 300 சவர நகை போடப்பட்டதாகவும் கூறப்படுகிறது.

அது போல இந்த திருமணத்தில் செஃப் மாதம்பட்டி ரங்கராஜன் தான் சமையல் செய்து அசத்தியிருக்கிறார். அதுபோல சூப்பர் சிங்கர் நிகழ்ச்சி பிரபலங்கள் கச்சேரி செய்து இருக்கிறார்கள். பொதுவாக திருமணங்கள் மண்டபத்தில் நடக்கும் அதை தான் பார்த்திருப்போம்.

ஆனால் இந்த திருமணம் நடத்த திருநெல்வேலி ட்ரேட் சென்டரில் பல லட்சம் செலவு செய்து ஒரு மண்டபம் வடிவத்தில் செட் போட்டு இருக்கிறார்கள். இந்த கல்யாணம் நடக்கும் இடத்தை அந்த பகுதி மக்கள் எல்லோரும் வியந்து பார்த்து சென்றிருக்கிறார்கள். இது திருநெல்வேலியை சேர்ந்த தொழிலதிபர் ஆர் எஸ் முருகன் வீட்டு கல்யாணம்தான். ஆனால் இதில் மணப்பெண் வேறு யாரும் இல்லை பலருக்கும் பரிச்சயமான நடிகர் வேலராமமூர்த்தியின் பேத்திதான்‌.

நடிகர் வேல ராமமூர்த்தி பல திரைப்படங்களில் வில்லனாகவும் குணச்சித்திர வேடங்களிலும் நடித்திருக்கிறார். அதிலும் அவர் ஒரு எழுத்தாளர் என்பது பலருக்கும் தெரிந்திருக்கும். வெள்ளித்திரையில் தொடர்ந்து நடித்துக் கொண்டிருக்கும் வேலராமமூர்த்தி சின்ன திரையில் எதிர்நீச்சல் சீரியலில் ஆதி குணசேகரன் கேரக்டரில் நடித்திருந்தார் என்பதும் குறிப்பிடத்தக்கது.

சில வாரங்களுக்கு முன்பே வேலராமமூர்த்தி தன்னுடைய பேத்தியின் திருமணத்திற்காக பல பிரபலங்களுக்கு பத்திரிக்கை கொடுத்து புகைப்படங்களை வெளியிட்டுக் கொண்டிருந்தார். தற்போது இணையத்தில் இந்த திருமண வீடியோக்கள் பற்றி தான் அதிகமான கமெண்ட்கள் குவிந்து வருகிறது.

English summary

Writer-actor Velarama Murthy's granddaughter's wedding photos and videos are making the internet go wow. Even the garlands around the necks of the bride and groom are said to be made of gold. Let's see about that.