த்ரிஷா பற்றி விஜய் பாதுகாவலர் போட்ட போஸ்ட்.. மொத்த பிரச்சனைக்கும் பதில்! குவியும் கமெண்ட்ஸ்

சென்னை: தமிழ் சினிமாவின் முன்னணி நடிகரும், தற்போது அரசியலிலும் கவனம் செலுத்தி வரும் தமிழக வெற்றிக் கழகத்தின் தலைவருமான விஜய் கடந்த சில நாட்களாக சமூக வலைதளங்களில் மிக அதிகமாக பேசப்படும் பெயராக மாறியுள்ளார். அதற்கு காரணம், அவர் நடிகை த்ரிஷா உடன் சேர்ந்து ஒரு திருமண நிகழ்வில் கலந்துகொண்டது தான். அந்த நிகழ்வின் வீடியோ வெளியானதும் அது இணையத்தில் வேகமாக பரவி ரசிகர்கள் மற்றும் நெட்டிசன்கள் மத்தியில் பல்வேறு விவாதங்களை கிளப்பி உள்ளது. இந்த நிலையில் எந்த பிரச்சனை பற்றி பதில் கொடுக்கும் வகையில் விஜய் உடைய பாதுகாவலர் போட்ட போஸ்ட் பல கவனம் பெற்று வருகிறது.

விஜய் திரிஷா கலந்து கொண்ட கல்யாணம்

இந்த சம்பவம் நடந்தது பிரபல தயாரிப்பு நிறுவனமான AGS Entertainment நிறுவனத்துடன் தொடர்புடைய தயாரிப்பாளர் கல்பாத்தி சுரேஷ் குடும்பத்தில் நடைபெற்ற திருமண நிகழ்வில் தான். அந்த நிகழ்ச்சியில் கலந்துகொள்ள விஜயும் த்ரிஷாவும் ஒரே காரில் வந்ததாகவும், இருவரும் ஒரே நிறத்தில் ஆடை அணிந்து வந்ததாகவும் கூறப்படுகிறது. மணமக்களை சந்தித்து வாழ்த்தி பேசும் அந்த தருணங்களின் வீடியோ சமூக வலைதளங்களில் வெளியாகி ரசிகர்களிடையே பெரும் கவனத்தை பெற்றது.

விஜய் திரிஷா சேர்ந்து நடித்த படங்கள்

விஜய் - த்ரிஷா ஜோடி தமிழ் சினிமாவில் மிகவும் பிரபலமான ஜோடிகளில் ஒன்று. இருவரும் சேர்ந்து நடித்த கில்லி, ஆதி, திருப்பாச்சி, குருவி போன்ற திரைப்படங்கள் ரசிகர்களிடம் நல்ல வரவேற்பைப் பெற்றவை. நீண்ட இடைவெளிக்குப் பிறகு இயக்குநர் லோகேஷ் கனகராஜ் இயக்கிய லியோ படத்தில் மீண்டும் இருவரும் இணைந்து நடித்தனர். அதன் பிறகு இயக்குநர் வெங்கட் பிரபு இயக்கிய தி கிரேட்டஸ்ட் ஆஃப் ஆல் டைம் படத்திலும் விஜய் நடித்திருந்தார்.

அரசியலில் விஜய்

இந்த நிலையில், விஜய் தற்போது அரசியலிலும் முழுமையாக கவனம் செலுத்தி வருகிறார். அவர் தொடங்கிய தமிழக வெற்றிக் கழகம் என்ற கட்சி மூலம் தேர்தல் அரசியலில் இறங்கியுள்ளதால், அவரைச் சுற்றிய செய்திகள் அரசியல் மற்றும் சினிமா வட்டாரங்களில் தொடர்ந்து பேசப்பட்டு வருகின்றன.

சங்கீதா கொடுத்த விவாகரத்து வழக்கு

அதே நேரத்தில் விஜயின் தனிப்பட்ட வாழ்க்கையையும் சுற்றி சமீபத்தில் பெரிய சர்ச்சை ஒன்று எழுந்தது. அவரது மனைவி சங்கீதா செங்கல்பட்டு குடும்ப நல நீதிமன்றத்தில் விஜயிடமிருந்து விவாகரத்து கோரி மனு தாக்கல் செய்ததாக தகவல்கள் வெளியானது. அந்த மனுவில் விஜய் மீது சில குற்றச்சாட்டுகளும் முன்வைக்கப்பட்டதாக கூறப்பட்டது. இதையடுத்து சமூக வலைதளங்களில் பலரும் இந்த விவகாரம் குறித்து விவாதிக்கத் தொடங்கினர்.

இந்த விவாகரத்து வழக்கு பற்றிய செய்திகள் பரவி கொண்டிருந்த சூழ்நிலையில்தான் விஜய் - த்ரிஷா இருவரும் சேர்ந்து திருமண நிகழ்வில் கலந்து கொண்ட வீடியோ வெளியாகியது. இதனால் ரசிகர்கள் மத்தியில் பல்வேறு கருத்துகள் உருவானது. சிலர் இதை சாதாரண நிகழ்வாக எடுத்துக் கொண்டாலும், சிலர் இதை வைத்து விமர்சனங்களையும் பதிவு செய்தனர்.

விஜய் பாதுகாவலர் பதிவு

இந்த விவகாரம் அதிகமாக பேசப்பட்டுக் கொண்டிருந்த வேளையில், இன்னொரு விஷயமும் ரசிகர்களின் கவனத்தை ஈர்த்தது. விஜய் அந்த திருமண நிகழ்வுக்கு செல்லும் முன்பே, அவரது பாதுகாவலராக உள்ள ஆருண் சுரேஷ் தனது இன்ஸ்டாகிராம் ஸ்டோரியில் ஒரு பதிவு வெளியிட்டிருந்தார். அதில் "அனைத்து வதந்திகளையும் தாண்டி எழ வேண்டிய நேரம் இது" என்று குறிப்பிட்டு ஃபையர் எமோஜியையும் சேர்த்திருந்தார்.

அதோடு மட்டுமல்லாமல், அவர் தனது ஸ்டோரியில் விஜய் - த்ரிஷா இணைந்து நடித்த கில்லி திரைப்படத்தில் வரும் கொக்கரக்கொக்கர கோ பாடலையும் பின்னணியாக வைத்திருந்தது ரசிகர்களின் கவனத்தை அதிகமாக ஈர்த்தது. திருமண நிகழ்வு வீடியோ வைரலான பிறகு தான் அந்த பழைய பதிவு மீண்டும் சமூக வலைதளங்களில் பகிரப்பட்டு பேசப்பட்டது.

இதனால், "அந்த பதிவுக்கும் இந்த நிகழ்வுக்கும் ஏதாவது தொடர்பு இருக்கிறதா?" என்று பலரும் கேள்வி எழுப்ப தொடங்கினர். அதே நேரத்தில், இது வெறும் தற்செயலான விஷயமாக இருக்கலாம் என்றும் சிலர் கூறுகின்றனர்.

மொத்தத்தில் பார்த்தால், விஜயின் விவாகரத்து வழக்கு தொடர்பான செய்திகள், அதே சமயம் த்ரிஷாவுடன் அவர் கலந்துகொண்ட திருமண நிகழ்வு, மேலும் அவரது பாதுகாவலர் வெளியிட்ட சமூக வலைதள பதிவு - இந்த மூன்று விஷயங்களும் சேர்ந்து தற்போது சமூக வலைதளங்களில் பெரிய அளவில் பேசப்படும் தலைப்பாக மாறியுள்ளது.

இதனால் ரசிகர்கள் மட்டுமல்லாமல் சினிமா வட்டாரங்களும் இந்த விவகாரம் எங்கு போய் முடியும் என்று ஆர்வமாக கவனித்து வருகின்றனர்.