ஒரே மேடையில் 3 பிக் பாஸ் தொகுப்பாளர்கள்.. VJS பேச்சை கேட்டு மோகன்லால் ரியாக்ஷன்! ஷாக் ஆன நாக அர்ஜுனா

சென்னை: பிக் பாஸ் நிகழ்ச்சி பல மொழிகளில் ஒளிபரப்பாகி வருகிறது. அதில் தமிழ், தெலுங்கு, மலையாளம் என மூன்று மொழி பிக் பாஸ் நிகழ்ச்சியை தொகுத்து வழங்கும் நாகார்ஜுனா மோகன்லால் மற்றும் விஜய் சேதுபதி மூன்று பேரும் கலந்து கொண்டனர். அவர்களின் விஜய் சேதுபதி பேசியதை கேட்டு மற்ற இரண்டு பேரும் கொடுத்த ரியாக்சன் தான் பலருடைய கவனத்தைப் பற்றி வருகிறது.

நேற்று சென்னையில் ஜியோ ஹாட்ஸ்டார் சவுத் அண்ட் பவுண்ட் என்ற நிகழ்வு பிரம்மாண்டமாக நடைபெற்றது. இந்த நிகழ்வில் பல இளம் திறமையானவர்களை ஊக்குவிப்பதற்காக சுமார் 12000 கோடி ரூபாயை முதலீடு செய்ய இருப்பதாகவும் அந்த நிறுவனம் அறிவித்திருந்தது. அதில் 4000 கோடி தமிழகத்தில் முதலீடு செய்யவும் திட்டமிடப்பட்டிருக்கிறது. அதுபோல ஜியோ ஹாட்ஸ்டாரில் புதியதாக பல நிகழ்ச்சிகளும் தொடங்க இருப்பதாகவும் அறிவிக்கப்பட்டிருந்தது.

இந்த ஜியோ ஹாட்ஸ்டார் நிகழ்வில் பிக் பாஸ் நிகழ்ச்சியில் தமிழ், தெலுங்கு, மலையாளம் என மூன்று மொழி தொகுப்பாளர்களும் ஒரே மேடையில் கலந்து கொண்டனர். இது பார்ப்பதற்கே பிரம்மாண்டமாக இருந்தது. அப்போது தாதா சாகாப்தே பால்கே விருது பெற்ற மோகன்லாலுக்கு நாகார்ஜுனாவும், விஜய் சேதுபதியும் சேர்ந்து சால்வை அணிவித்து கௌரவப்படுத்தி இருந்தனர். பிறகு விஜய் சேதுபதி பேசியிருந்தார்.

அப்போது அவர் பேசும்போது, நான் என்னை நினைத்து உண்மையிலேயே பெருமைப்படுகிறேன். இவ்வளவு பெரிய மனிதர்களுடன் நானும் இருப்பதில் மகிழ்ச்சி அடைகிறேன் என்று சொல்ல, மோகன் எந்த ரியாக்ஷன் காட்டாமல் அப்படியே பார்த்துக் கொண்டிருந்தார். அப்போது விஜய் சேதுபதி நான் மோகன்லாலின் மிகப்பெரிய ரசிகன். அவருடைய ஆட்டோகிராப் வாங்கி என்னுடைய வீட்டில் பிரேம் போட்டு வைத்திருக்கிறேன் என்று சொன்னதும் மோகன்லால் சிரித்துக்கொண்டார், ஆமாம் என்று சொல்வது போலவே அவரும் தலையாட்டி கொண்டிருந்தார்.

பிறகு நாகார்ஜுனா பற்றி விஜய் சேதுபதி பெருமையாக பேசி இருந்தார். அதாவது நாகார்ஜுனா சார் ஒரு ஜென்டில்மேன் நான் அவருடைய பிக் பாஸ் நிகழ்ச்சிக்கு போயிருக்கிறேன். அவர் அவ்வளவு தன்மையாக பேசுவார். அவருக்கு வயதாகவே இல்லை. அவரிடம் கூலான எனர்ஜி எப்போதும் இருக்கும். சின்ன வயசிலிருந்து அவரை பார்க்கிறேன் ஆனால் நான் வளர்ந்து விட்டேன் அவர் மட்டும் இன்னும் அதேபோலத்தான் இருக்கிறார்.

என்னுடைய பேர குழந்தைகள் வந்தாலும் நாகார்ஜுனா சார் இப்படி தான் இருப்பார் போல. ஆராய்ச்சி பண்ணுகிறவர்கள் இவரை வைத்து ஆராய்ச்சி பண்ணுங்கள் இவருக்கு மட்டும் எப்படி வயதாகாமல் இருக்கிறது என்று கண்டுபிடிங்கள் என்று சொல்லிவிட்டு, பிக் பாஸ் நிகழ்ச்சியில் எதுவுமே டிராமா கிடையாது. பிக் பாஸ் எனக்கு கண்ணாடியை போன்றது. ஒவ்வொரு போட்டியாளர்களிடமும் நான் என்னை பார்க்கிறேன் என்ன பேசி இருக்கிறார்.

தொடர்ந்து விஜய் சேதுபதி பேசும்போது, நாகார்ஜுனா சார் போலவே நானும் முதலில் பிக் பாஸ் நிகழ்ச்சியை தொகுத்து வழங்க மாட்டேன் என்றேன், காரணம் எனக்கு முதலில் மாற்று கருத்துக்கள் இருந்தன. ஆனால் அந்த நிகழ்ச்சி மனிதர்களை படிக்கும் புத்தகத்தை போன்றது நானும் அங்கிருந்து பல விஷயங்களை இப்போது கற்றுக் கொண்டு வருகிறேன்.

அதில் பல விமர்சனங்கள் வைக்கப்படுகின்றன, எனக்கு பதில்களை விட கேள்விகள் தான் ரொம்ப பிடிக்கும். பிக்பாஸ் நிகழ்ச்சி என்னிடம் பல கேள்விகளை எழுப்புகிறது. நான் அதிலிருந்து பலவற்றை கற்றுக் கொள்கிறேன் என்று விஜய் சேதுபதி பேசியிருந்தார்.

English summary

Vijay Sethupathi: At the Jio Hotstar South Unbound mega event in Chennai, Bigg Boss hosts from Tamil, Telugu, and Malayalam—Vijay Sethupathi, Nagarjuna, and Mohanlal—appeared together on stage, creating a grand visual moment. The event also announced a massive ₹12,000 crore investment, including ₹4,000 crore in Tamil Nadu. Mohanlal was honored with a shawl by both actors, after which Vijay Sethupathi delivered a heartfelt speech. He expressed pride and joy in sharing the stage with legends like Mohanlal and revealed he is a huge fan with the actor’s autographed photo framed at home—prompting a smile from Mohanlal. Sethupathi also praised Nagarjuna as a gentleman with ageless energy, humorously adding that even when he has grandchildren, Nagarjuna will still look the same. He then spoke about Bigg Boss, saying it is not drama but a mirror that teaches him about people and himself. Vijay Sethupathi admitted he initially refused to host the show due to preconceived notions but now sees it as a learning experience filled with insightful questions rather than answers.