நடிப்புக்கு டாட்டா சொன்ன விஜய்.. மலையாளத்திற்கு மாற்ற துடிக்கும் நடிகை.. ரசிகர்கள் வைக்கும் ஒரே கோரிக்கை

சென்னை: தமிழ் சினிமாவில் முன்னணி நட்சத்திரமாக இருந்து, தற்போது அரசியலுக்காக புதிய பாதையை தேர்வு செய்துள்ள விஜய் குறித்து நடிகை சுவாசிகா கூறிய ஒரு கருத்து தற்போது சமூக வலைதளங்களில் வைரலாகி வருகிறது.

சினிமாவை விட்டு அரசியலுக்கு - விஜயின் முடிவு

விஜய் தனது அரசியல் கட்சியான தமிழக வெற்றிக் கழகத்தை தொடங்கியபோது, இனிமேல் சினிமாவில் நடிக்கப் போவதில்லை என்று அறிவித்தார். தான் ஏற்கனவே கமிட் செய்த படங்களை முடித்துவிட்டு, முழுக்க முழுக்க அரசியலில் கவனம் செலுத்துவேன் என்ற அவரது முடிவு ரசிகர்களுக்கு கலவையான உணர்வுகளை ஏற்படுத்தியது.

ஒரு பக்கம் "அரசியலில் வெற்றி பெற வேண்டும்" என்ற ஆதரவு இருந்தாலும், மறுபக்கம் "இன்னும் சில நல்ல படங்களை கொடுக்கலாமே" என்ற ஏக்கம் ரசிகர்களிடம் இருந்து வந்துகொண்டே இருக்கிறது.

ஜனநாயகன் ரிலீஸ் எப்போது

அரசியலுக்கு வந்த பிறகு விஜய் நடித்த படம் ஜனநாயகன். இந்த படம் ஜனவரி மாதமே வெளியாகும் என்று எதிர்பார்க்கப்பட்ட நிலையில், சென்சார் சிக்கலால் இன்னும் ரிலீஸ் ஆகாமல் உள்ளது.

தற்போதைய தகவல்படி, தேர்தல் சூழல் முடிந்த பிறகே படம் வெளியாகும் வாய்ப்பு இருப்பதாக கூறப்படுகிறது. மே அல்லது ஜூன் மாதம், குறிப்பாக விஜயின் பிறந்தநாளை முன்னிட்டு வெளியீடு செய்யலாம் என்ற பேச்சுகளும் ஓடிக்கொண்டிருக்கின்றன.

விஜய் மலையாள சினிமாவுக்கு வரணும்

இந்த நிலையில், ஒரு விருது விழாவில் கலந்து கொண்ட சுவாசிகா-விடம், "தமிழ் சினிமாவில் இருந்து ஒருவரை மலையாளத்துக்கு அழைத்துச் செல்ல வேண்டுமென்றால் யாரை தேர்வு செய்வீர்கள்?" என்று கேள்வி எழுப்பப்பட்டது. அதற்கு அவர் கொடுத்த பதில் தான் அனைவரையும் ஆச்சரியப்பட வைத்துள்ளது.

"சினிமாவில் இனிமேல் நடிக்க மாட்டேன் என்று சொன்ன விஜய் சாரை தான் மலையாள சினிமாவுக்கு அழைத்துச் செல்ல ஆசைப்படுகிறேன். அவர் வந்தால் நாங்கள் அவரை கொண்டாடுவோம்" என்று கூறினார். இந்த பதிலை எதிர்பார்க்காத ரசிகர்கள் அங்கு கைத்தட்டலுடன் ஆரவாரம் செய்ததாக கூறப்படுகிறது.

ரசிகர்களின் ஒரே கோரிக்கை

சமீப காலமாக விஜய் குறித்து பல்வேறு சர்ச்சைகள், அரசியல் பேச்சுகள் தொடர்ந்து வந்துகொண்டிருக்கின்றன. ஆனால் இந்த எல்லாவற்றையும் தாண்டி, ரசிகர்களின் மனதில் ஒரு விஷயம் மட்டும் தெளிவாக இருக்கிறது - "விஜய் தொடர்ந்து நடிக்க வேண்டும்" என்பதே அது.

சமூக வலைதளங்களில் கூட, "ஒரு படமாவது ஆண்டுக்கு கொடுக்கலாம்" "அரசியலோடு சினிமாவையும் சமநிலையா வைத்துக்கொள்ளலாம்" என்ற கோரிக்கைகள் அதிகமாகவே பார்க்கப்படுகிறது.

பான்-இந்தியா அளவில் விஜய்க்கு வரவேற்பு

தமிழ் சினிமாவை தாண்டி, விஜய்-க்கு தெலுங்கு, மலையாளம் உள்ளிட்ட பல மொழி ரசிகர்கள் இருக்கிறார்கள். அவரது படங்கள் வெளியானால், தென்னிந்திய அளவில் பெரிய வரவேற்பு கிடைப்பது வழக்கம். அதனால் தான் சுவாசிகா கூட இப்படி ஒரு விருப்பத்தை வெளிப்படுத்தியிருக்கிறார் என்று கூறப்படுகிறது.

ஒரு நடிகை கேஷுவலாக சொன்ன ஒரு பதில்... ஆனால் அது ரசிகர்களின் மனசுக்குள் இருந்த ஆசையை மீண்டும் வெளிக்கொண்டு வந்துவிட்டது. விஜய் அரசியலில் பிஸியாக இருந்தாலும், அவரை திரையில் மீண்டும் பார்க்க வேண்டும் என்ற எதிர்பார்ப்பு இன்னும் குறையவில்லை.

அவர் உண்மையாகவே சினிமாவை முழுமையாக விட்டு விலகுவாரா? அல்லது ரசிகர்களின் கோரிக்கைக்கு இணங்க மீண்டும் திரும்புவாரா? இதற்கான பதில் வருவது தான் இப்போது எல்லோருடைய கவனம்.