விஜய் டிவியில் புது நிகழ்ச்சி.. வெற்றி பெற்றால் 5 லட்சம்.. புதுவிதமான விளையாட்டு.. ஆரம்பமே இவங்களா?

சென்னை: விஜய் டிவியில் மாகாபா தொகுத்து வழங்கும் கம்பெனி என்ற புது நிகழ்ச்சி தொடங்கி இருக்கிறது. இந்த நிகழ்ச்சியில் சின்னத்திரை பிரபலங்கள் பலரும் கலந்து கொண்டு இருக்கிறார்கள். அவர்களோடு பொதுமக்களும் கலந்து கொள்கிறார்கள். அதிலும் முதல் வாரத்தில் பாண்டியன் ஸ்டோர் 2 சீரியல் பிரபலங்கள் கலந்து கொண்டு இருக்கிறார்கள்.

'கம்பெனி' என்ற புதுமையான கேம் ஷோ 15 செப்டம்பர் 2024 முதல் ஒவ்வொரு ஞாயிற்றுக்கிழமை மதியம் 1.30 மணிக்கு ஒளிபரப்பாகும். இந்த விளையாட்டில் இரண்டு போட்டியாளர்கள் அல்லது இரண்டு அணிகள் 16 பெட்டிகளுக்கு எதிராக போட்டியிட்டு 5,00,000 ரூபாய் வரை வெல்ல வாய்ப்புள்ளது . இந்த விளையாட்டை தொடர்ந்து ஆடி ஆட்டத்தின் முடிவில் அதிகப் பணத்தைப் பெற்ற போட்டியாளர் வெற்றியாளராக இருப்பார்.

பத்தாயிரம் ரூபாய் முதல் ஐந்து லட்சம் ரூபாய் வரை பணம் மதிப்பு திரையில் காண்பிக்கப்படும் . போட்டியாளர்கள் தங்களின் திறமை மற்றும் அதிர்ஷ்டத்தைப் பயன்படுத்தி 5 லட்சம் வரை வெல்ல முடியும். 8 பணப்பெட்டிகள், 3 வெடிகுண்டு பெட்டிகள், 3 லேடி பாக்ஸ்கள் மற்றும் 2 எக்ஸ்சேஞ்ச் பாக்ஸ்கள் இந்த விளையாட்டில் இடம்பெறும்.

எக்ஸ்சேஞ் பாக்ஸ்: இந்த எக்ஸ்சேஞ் பாக்ஸ் பெட்டியைத் தேர்ந்தெடுக்கும் போட்டியாளர் பணத்தை மாற்றிக் கொள்ள வாய்ப்பளிக்கும் . அடுத்த போட்டியாளருக்கு அந்த வாய்ப்பை அவர் வழங்கிவிடலாம் . மேலும், மற்ற போட்டியாளரிடமிருந்து பணம் பரிமாற்றம் செய்துகொள்ள முடியும் .

லேடி பாக்ஸ்: லேடி பாக்ஸைத் தேர்ந்தெடுத்தால், ஒரு பெண் மேடைக்கு வந்து, அதன் விலை தெரியாமல் சந்தையில் இருந்து ஒரு பொருளைத் தேர்ந்தெடுக்க வேண்டும் . அந்தப் பெண் போட்டியார் தேர்ந்தெடுத்த பொருளைத் பேரம் பேசி விற்க வேண்டும். பின்னரே அந்த பொருளின் உண்மையான விலை வெளியிடப்படும்.

பாம் பாக்ஸ்: முதல் இரண்டு பாம் பாக்ஸ் பெட்டிகளைத் தேர்ந்தெடுத்தால், போட்டியாளர் தங்கள் முறையைத் தவிர்த்து, அடுத்த போட்டியாளருக்கு அந்த வாய்ப்பை வழங்க முடியும் . மூன்றாவது பாம் பாக்ஸை தேர்ந்தெடுத்தால் திறந்தவருக்கு 'பூஜ்ஜியம்' கிடைக்கும். அதிர்ஷ்டம் மற்றும் திறமையை அடிப்படையாகக் கொண்ட இந்த விளையாட்டு நிகழ்ச்சி சுவாரஸ்யமாக செல்லும் . இந்த நிகழ்ச்சியை மகாபா ஆனந்த் தொகுத்து வழங்குகிறார். 'கம்பெனி' நிகழ்ச்சி ஒவ்வொரு ஞாயிற்றுக்கிழமையும் மதியம் 1.30 மணிக்கு STAR VIJAY இல் ஒளிபரப்பாகும் .

English summary

vijay tv company show: A new show called Company hosted by Magaba has started on Vijay TV. Many small screen celebrities are also participating in this event. The public also participates with them. Especially in the first week Pandian Stores 2 serial celebrities are participating.