விஜய் டிவியில் முடிவுக்கு வரும் முக்கிய நிகழ்ச்சி.. புது ஷோவில் ரீ என்ட்ரி கொடுக்கும் kpy பாலா

சென்னை: விஜய் டிவியில் பல நிகழ்ச்சிகளை தொகுத்து வழங்கிய கேபிஒய் பாலா பல வருடங்களுக்கு பிறகு மீண்டும் விஜய் டிவியில் புது நிகழ்ச்சியை தொகுத்து வழங்குகிறார். அவரோடு நடிகர் சாந்தனுவின் மனைவியான கீர்த்தி தொகுப்பாளினியாக எண்ட்ரியாக போகிறாராம். அது குறித்து விரிவாக பார்க்கலாம்.

ஒரு சில பிரபலங்கள் தான் சின்னத்திரையில் இருந்து வெள்ளி திரையில் ஜொலித்துக் கொண்டிருக்கிறார்கள். அந்த வகையில் கேபிஒய் பாலாவும் ஒருவர். காரைக்காலில் சின்ன கிராமத்தில் பிறந்த பாலா கலக்கப்போவது யாரு நிகழ்ச்சிக்கு பிறகு தமிழ் ரசிகர்கள் மத்தியில் பெரிய அளவில் பிரபலம் அடைந்து விட்டார்.

அதிலும் குக் வித் கோமாளி நிகழ்ச்சியில் இவர் கலந்து கொண்டு டைமிங் காமெடி செய்து பலருடைய மனதை கவர்ந்து விட்டார். இவருடைய நிஜ பெயரான "பாலன் ஆகாஷ்" என்பது இப்ப வரைக்கும் பலருக்கும் தெரியாது. எல்லோருமே இவரை கே பி ஒய் பாலா என்று தான் செல்லமாக அழைத்து வருகிறார்கள். அதிலும் பாலா கலக்கப்போவது யாரு நிகழ்ச்சியில் வெட்டுக்கிளி பாலாவாக பலரை ரசிக்க வைத்த இவர் இப்போது திரைப்படங்களிலும் முன்னணி கேரக்டரில் நடித்துக் கொண்டிருக்கிறார்.

அதோடு தனக்கு கிடைக்கும் வருமானத்தில் பலருக்கு உதவிகளை செய்து கொண்டிருக்கும் பாலா இப்போது இணையத்தில் அதிகமாக பிரபலமாகி விட்டார். இந்த நிலையில் பல வருடங்களுக்கு பிறகு மீண்டும் விஜய் டிவியில் புதிய நிகழ்ச்சி ஒன்றை தொகுத்து வழங்க இருக்கிறார். அந்த ரியாலிட்டி ஷோ "டிக் டிக் டிக் "என்ற பெயரிடப்பட்டு விரைவில் தொடங்கப்பட இருக்கிறது என்று கூறப்படுகிறது.

அதோடு பாலாவுடன் அந்த நிகழ்ச்சியை தொகுப்பாளினி கீர்த்தி தொகுத்து வழங்க இருக்கிறார். கீகீ என்று செல்லமாக அழைக்கப்படும் கீர்த்தி ஜீ தமிழில் பல வருடங்களாக தொகுப்பாளராக இருந்து வருகிறார். ஆரம்பத்தில் கலைஞர் டிவியில் சில நிகழ்ச்சிகளை தொகுத்து வழங்கிய கீகீ இப்போது ஜீ தமிழில் தான் நிகழ்ச்சிகளை தொகுத்து வழங்கிக் கொண்டிருக்கிறார்.

இந்த நிலையில் இவர் விஜய் டிவியில் என்ட்ரி கொடுப்பது ரசிகர்கள் மத்தியில் எதிர்பார்ப்பை ஏற்படுத்தி இருக்கிறது. இந்த நிகழ்ச்சி இன்னும் ஒரு சில வாரங்களில் ஒளிபரப்பாகும் என்றும் கூறப்படுகிறது. அதற்கான அதிகாரப்பூர்வமான ப்ரோமோ இன்னும் வெளியாகவில்லை. அதே நேரத்தில் இன்னும் சில நாட்களில் இதற்கான ப்ரோமோ வெளியாகும் என்றும் கூறப்படுகிறது. என்ன நடக்கப் போகிறது என்று பொறுத்திருந்து பார்ப்போம்.

English summary

KPY Bala who has hosted many shows on Vijay TV is back hosting a new show on Vijay TV after many years. Along with him, actor Shantanu's wife Keerthi is making an entry as a host. Let's see about it in detail.