பாக்கியலட்சுமியை தொடர்ந்து விஜய் டிவியில் முடிவுக்கு வரும் டாப் சீரியல்.. இனி கதை இதுதானா?

Updated: Friday, September 5, 2025, 16:29 [IST]

Subscribe to Oneindia Tamil

சென்னை: விஜய் டிவி சீரியல்கள் இப்போ மக்களிடையே அதிக வரவேற்பு பெற்று வருகின்றன. வாராவாரம் வெளியாகும் டிஆர்பி ரேட்டிங்கில், சன் டிவிக்குக் கடுமையான போட்டியை கொடுத்து வருகின்றன. இந்த வாரமும், விஜய் டிவியின் டாப் 10 சீரியல்கள் பட்டியல் வெளியாகி, பல சுவாரசியமான தகவல்களை வெளிப்படுத்தியுள்ளது.

கிடுகிடுவென உயர்ந்த டிஆர்பி

இந்த வாரம் வெளியான டிஆர்பி பட்டியலில், நம்பர் ஒன் இடத்தை பிடித்தது வேறு எந்த சீரியலும் இல்லை, சிறகடிக்க ஆசை சீரியல்தான். 8.02 புள்ளிகளை பெற்று, முதல் இடத்தைப் பிடித்து சன் டிவி சீரியல்களுக்கே கடும் சவாலை ஏற்படுத்தியுள்ளது.

சீரியல்களின் பட்டியல்

அய்யனார் துணை - 7.60 புள்ளிகளுடன் இரண்டாவது இடம். சின்ன மருமகள்- 7.16 புள்ளிகளுடன் மூன்றாவது இடம். பாண்டியன் ஸ்டோர்ஸ் - 6.01 புள்ளிகளுடன் நான்காவது இடம். மகாநதி - 5.01 புள்ளிகளுடன் ஐந்தாவது இடம். சிந்து பைரவி - 4.42 புள்ளிகளுடன் ஆறாவது இடம்.பூங்காற்று திரும்புமா - 3.03 புள்ளிகளுடன் ஏழாவது இடம். மகளே என் மருமகளே - 2.45 புள்ளிகளுடன் எட்டாவது இடம். தென்றலே மெல்ல பேசு - 2.31 புள்ளிகளுடன் ஒன்பதாவது இடம். கண்மணி அன்புடன் - 2.09 புள்ளிகளுடன் பத்தாவது இடம்.

ஒரு சீரியல் முடிவுக்கு வருகிறது

இப்படி, சில சீரியல்கள் டிஆர்பியில் முன்னேறிக் கொண்டிருக்க, சில சீரியல்களோ அதளபாதாளத்திற்குச் சென்று கொண்டிருக்கின்றன. தனம் சீரியல் 2.09 புள்ளிகளையும், சக்திவேல் சீரியல் 2.08 புள்ளிகளையும் பெற்று, மிகவும் மோசமான நிலையில் உள்ளன.

அவற்றுக்கெல்லாம் ஒரு படி மேலே போய், விஜய் டிவி சீரியல்களிலேயே மிகவும் குறைவான டிஆர்பி ரேட்டிங், அதாவது வெறும் 1.89 புள்ளிகளைப் பெற்றது ஆஹா கல்யாணம் சீரியல். இந்த சீரியல், கடந்த 2023-ல் இருந்து திங்கள் முதல் வெள்ளி வரை ஒளிபரப்பாகி வருகிறது.

டிஆர்பியில் தொடர்ந்து பின்னடைவைச் சந்தித்து வந்ததால், இந்த சீரியலை முடிவுக்குக் கொண்டு வர விஜய் டிவி முடிவு செய்துள்ளதாம். சமீபத்தில் ரசிகர்களின் மத்தியில் பெரிய வரவேற்பு பெற்ற பாக்கியலட்சுமி சீரியல் முடிவுக்கு வந்த நிலையில், இப்போது ஆஹா கல்யாணம் சீரியலும் முடிவுக்கு வரப்போகிறது என்பது ரசிகர்களுக்கு ஒரு அதிர்ச்சியான செய்தியாகத்தான் இருக்கிறது. விரைவில் இந்த சீரியலின் கிளைமாக்ஸ் ஒளிபரப்பாக உள்ளது. மேலும், இந்த சீரியலுக்குப் பதில், புத்தம் புதிய தொடர் ஒன்றை களமிறக்கவும் விஜய் டிவி திட்டமிட்டுள்ளதாம்.