விஜய் டிவி சீரியல் ஹீரோவுக்கு நடந்த திடீர் கல்யாணம்..அவர் பாக்கியலட்சுமி சீரியல் நடிகையின் அண்ணன்தான்
சென்னை: விஜய் டிவியில் ஒளிபரப்பாகி வரும் வீட்டுக்கு வீடு வாசல் படி என்ற சீரியலில் கதாநாயகனாக கண்ணன் கேரக்டரில் நடிகர் அவினாஷ் நடித்து வருகிறார். இவர் பாக்கியலட்சுமி சீரியலில் அமிர்தா கேரக்டரில் நடித்து வரும் நடிகை அக்ஷிதாவின் அண்ணன் தான். இந்த நிலையில் தான் அவினாஷ் 13 வருடங்களாக காதலித்து வந்த பெண்ணையே திருமணம் செய்து இருப்பதாக புகைப்படங்களை வெளியிட்டு இருக்கிறார்.
நடிகர் அவினாஷ் ஆரம்பத்தில் சன் டிவியில் ஒளிபரப்பான அழகு சீரியல் மூலமாகத்தான் சின்னத்திரையில் அறிமுகமானார். அதற்கு பிறகு டான்ஸ் நிகழ்ச்சியில் கலந்துகொண்டு இருந்தார். அதிலும் டான்ஸ் ஜோடி டான்ஸ் நிகழ்ச்சியில் இவர் கலந்து கொண்டு இறுதிவரை அந்த நிகழ்ச்சியில் பயணித்திருந்தார். ஆனால் அந்த நிகழ்ச்சிக்கு டான்ஸ் பிராக்டீஸ் செய்து கொண்டிருக்கும் போது அவருடைய காலில் எலும்பு முறிவு ஏற்பட்டு சில மாதங்களாக ரெஸ்ட்டில் இருந்தார்.
அதேபோல சன் டிவியில் ஒளிபரப்பாகி வரும் கயல் சீரியலிலும் கயலின் தம்பியாக அவினாஷ் நடித்திருந்தார். ஆனால் அந்த சீரியலில் பாதியில் இருந்து விலகி விட்டார். இந்த நிலையில் தற்போது விஜய் டிவியில் வீட்டுக்கு வீடு வாசல் படி என்ற சீரியலில் கண்ணன் கேரக்டரில் நடித்து வருகிறார். இதில் கதாநாயகனாக நடிகர் திரவியம் நடித்தாலும் அவரை தொடர்ந்து அடுத்த கதாநாயகனாகத்தான் நடித்துக் கொண்டிருக்கிறார்.
அவினாஷ் தங்கை அக்ஷிதா ஏற்கனவே பல சீரியல்களிலும் வில்லி கேரக்டரில் நடித்திருக்கிறார். அதிலும் காற்றுக்கென்னவேலி சீரியலில் சூர்யாவின் தங்கையாக வெண்ணிலாவுக்கு வில்லியாக நடித்திருப்பார். இப்போது அமிர்தாவாக பாக்கியலட்சுமி சீரியலில் பாசிட்டிவ் கேரக்டரில் நடித்துக் கொண்டிருக்கிறார். இந்த நிலையில் அவினாஷ் இன்று தன்னுடைய இன்ஸ்டாகிராம் பக்கத்தில் தன்னுடைய திருமண புகைப்படங்களை வெளியிட்டு இருக்கிறார்.
அதில், 13 வருடங்களாக காதலித்து வந்த என்னுடைய காதலியை நான் கரம் பிடித்து விட்டேன். ஆரம்பத்தில் நட்பாக தொடங்கிய எங்களுடைய பயணம் காதலின் மூலமாக இன்று கல்யாணத்தில் இணைந்திருக்கிறது. இறுதியில் நாங்கள் இரு வீட்டாரின் சம்மதம் பெற்று திருமணம் நடத்திவிட்டோம் என்று சந்தோஷமாக அவினாஷ் தன்னுடைய திருமண புகைப்படங்களை பகிர்ந்திருக்கிறார்.
இன்று தம்பதிக்கு சின்னத்திரை ரசிகர்கள் மட்டுமல்லாமல் சின்னத்திரை பிரபலங்கள் பலரும் வாழ்த்துக்கள் தெரிவித்து வருகிறார்கள்.
Click it and Unblock the Notifications
Sign in with Google