Veera dheera sooran OTT: ஓடிடியில் வெளியாகி கெத்து காட்டும் வீர தீர சூரன்.. எந்த தளம் தெரியுமா?

சென்னை: நடிகர் விக்ரம் நடிப்பில் அருண்குமார் இயக்கத்தில் உருவான வீர தீர சூரன் திரைப்படம் தியேட்டரில் நல்ல வரவேற்பு பெற்றிருந்த நிலையில் இந்த திரைப்படம் ஓடிடியில் ரிலீஸ் ஆகி இருக்கிறது. பாக்ஸ் ஆபீஸில் 66 கோடியை வசூலித்த இந்த திரைப்படத்தை இனி வீட்டில் இருந்தபடியே ஓடிடியில் பார்க்கலாம். அதுவும் எந்த தளத்தில் என்று விரிவாக பார்க்கலாம்.

நடிகர் விக்ரம் நடிப்பில் சில ஆண்டுகளாகவே வெளியான படங்கள் பெரிய அளவில் அவருக்கு ஹிட் கொடுக்காமல் இருந்தது. கடந்த ஆண்டு தங்கலான் திரைப்படம் வெளியானது. இந்த திரைப்படம் வெளியாவதற்கு முன்பே பெரிய அளவில் எதிர்பார்ப்பு இருந்தது. இந்த திரைப்படத்தை ஸ்டூடியோ கிரீன் ஞானவேல் ராஜா பெரிய பட்ஜெட்டில் தயார் செய்திருந்தார். பா ரஞ்சித் இயக்கத்தில் விக்ரம், மாளவிகா மோகனன், பசுபதி, பார்வதி திருவோத்து, ப்ரீத்தி கரன் உட்பட பலர் நடித்திருந்தார்கள்.

ரசிகர்களுக்கு வருத்தம்

இப்படத்திற்காக பல வருடங்களாகவே விக்ரமும் கஷ்டப்பட்டு நடித்திருந்தார். ஆனால் ரசிகர்கள் மத்தியில் இந்த திரைப்படம் பெரிய அளவில் வரவேற்பு பெறவில்லை என்பது விக்ரம் ரசிகர்களுக்கும் வருத்தம் தான். என்னதான் கடின உழைப்பும் திறமையும் இருந்தாலும் அதற்கான அங்கீகாரம் கிடைக்கவில்லையே என்று பலர் விக்ரம்காக பீல் பண்ணிக் கொண்டிருந்தனர்.

விக்ரம் கம்பேக்

அந்த நேரத்தில் தான் தங்கலான் படத்தை தொடர்ந்து சித்தார்த்த நடிப்பில் வெளியான சித்தா படத்தை இயக்கிய அருண்குமார் வீர தீர சூரன் திரைப்படத்தை இயக்கி இருந்தார். இந்த திரைப்படம் விக்ரமின் 62வது படமாக உருவாகியுள்ளது. முழுக்க முழுக்க ஆக்சன் திரில்லர் ஜெனரலில் இந்த திரைப்படம் உருவாகி இருந்தது. அதுபோல இந்த திரைப்படத்தில் காளி என்ற கேரக்டரில் விக்ரம் நடித்திருந்தார்.

வீர தீர சூரன் நடிகர்கள்

வழக்கம்போல வீர தீர சூரன் திரைப்படத்திலும் நடிக்காமல் வாழ்ந்தே இருந்தார் என்று சொல்லலாம். இந்த திரைப்படத்தின் இரண்டாவது பாகம் தான் இப்போது வெளியாகி இருக்கிறது. திரைப்படத்தின் வரவேற்பை பார்த்து முதல் பாகம் வெளியாகும் என்று எதிர்பார்க்கப்பட்டது. ஆனால் இரண்டாவது பாகமே பட்டி தொட்டி எல்லாம் ஹிட் அடித்து விட்டது. எஸ் ஜே சூர்யா, துஷாரா விஜயன் உட்பட பலர் இந்த திரைப்படத்தில் நடித்திருந்தனர்.

வீர தீர சூரன் ஓடிடி ரிலீஸ்

பொன்னியின் செல்வன் திரைப்படத்திற்கு பிறகு அடுத்தடுத்து தோல்வியை சந்தித்து வந்த விக்ரம்க்கு வீர தீர சூரன் திரைப்படம் கம் பேக் கொடுத்திருக்கிறது. கடந்த மார்ச் 27ஆம் தேதி தியேட்டரில் வெளியான இந்த திரைப்படம் ஏப்ரல் 24 தேதி ஆன நேற்று அமேசான் பிரைம் ஓடிடி தளத்தில் வெளியாகி இருக்கிறது. இந்த திரைப்படம் தியேட்டரில் 66 கோடி வசூல் செய்திருந்த நிலையில் இப்போது ஓடிடியில் டாப் இடத்தில் இருக்கிறது.

English summary

Veera dheera sooran OTT: The film has been released in Odi as the film 'Veera dheera sooran', directed by actor Vikram, was well received in the theater. The film, which grossed 66 crores in the box office, can be seen in Ott as it is at home. Let us look at the site in detail.