VJ Archana: "புருஷன் கூட சண்டை, தற்கொலை முயற்சி! அந்த நேரத்தில் நடந்ததே இதுதாங்க! விஜே அர்ச்சனா கொடுத்த விளக்கம்
சென்னை: சின்னத்திரையில் கடந்த 25 ஆண்டுகளுக்கும் மேலாகக் கலகலப்பானத் தொகுப்பாளினியாகப் பயணித்து வருபவர் VJ அர்ச்சனா. சமீபத்தில் இவர் தனதுக் கணவருடன் சண்டையிட்டுத் தற்கொலை செய்துகொண்டதாக ஒரு நபர் யூடியூபில் வீடியோ வெளியிட்டு வதந்தி பரப்ப, அதற்கு அர்ச்சனா தனதுக் கலகலப்பான பாணியில் அதிரடியாகப் பதிலடி கொடுத்திருக்கிறார். அவரதுப் பதிவு தற்போது இணையத்தில் வைரலாகி வருகிறது!
விஜே அர்ச்சனாவின் 25 ஆண்டுப் பயணம்
அர்ச்சனா, ஆரம்பத்தில் சன் மியூசிக் தொலைக்காட்சியில் தொகுப்பாளராகக் கால் பதித்து, பிறகு பல்வேறு ரியாலிட்டி ஷோக்கள், டாக் ஷோக்கள் மூலம் தமிழ் மக்கள் மனதில் நீங்காத இடம்பிடித்தார். இவரது வெளிப்படையானப் பேச்சு மற்றும் துள்ளலான ஆங்கரிங் ஸ்டைலுக்குப் பெரிய ரசிகர் பட்டாளம் உண்டு. அப்போது இருந்து இப்ப வரைக்கும் இவர் பலருக்கும் ஃபேவரைட் ஆக இருக்கிறார் இப்போது இவர் ஜீ தமிழில் நிகழ்ச்சிகளை தொகுத்து வழங்கிக் கொண்டிருக்கிறார்.
குடும்ப வாழ்க்கை
அர்ச்சனா, வினீத் முத்தம்கர் என்பவரைத் திருமணம் செய்துகொண்டார். இவர்களுக்கு சாரா என்ற மகள் இருக்கிறார். அர்ச்சனா தனது குடும்பம் மற்றும் கணவருடனான ஜாலியானப் பதிவுகளைச் சமூக ஊடகங்களில் அடிக்கடிப் பகிர்ந்து வருவார். விஜய் டிவியில் ஒளிபரப்பான 'பிக் பாஸ்' நிகழ்ச்சியில் போட்டியாளராகக் கலந்துகொண்டபோது, இவர் 'அன்புக் குரூப்' என்று உருவாக்கியது மற்றும் சில பேச்சுக்களால், சமூக ஊடகங்களில் பல ட்ரோல்களையும், விமர்சனங்களையும் இவர் எதிர்கொண்டார். ஆனாலும், அந்தச் சவால்களைக் கடந்து மீண்டும் தனதுத் தொகுப்பாளர் பணியில் அவர் கவனம் செலுத்தத் தொடங்கினார்.
வதந்திக்கு கலகல பதிலடி
அர்ச்சனாவின் தனிப்பட்ட வாழ்க்கையை மையப்படுத்தி, "கணவருடன் சண்டை.. தற்கொலை" என்று தலைப்பிட்டு ஒருவர் வீடியோ வெளியிட்டு வதந்தி பரப்பியுள்ளார். இதைப் பார்த்த அர்ச்சனா, அந்த நபரின் வீடியோவை ஸ்கிரீன்ஷாட் எடுத்து, தனது இன்ஸ்டாகிராம் பக்கத்தில் சரமாரியாகக் கலாய்த்துக் கேள்விகள் கேட்டுப் பதிவிட்டுள்ளார்:
"டேய்... பர்ஸ்ட் நல்ல போட்டோ போடு!" என்று, தனதுப் புகைப்படம் சரியில்லை என்று அந்த நபரை முதலில் அர்ச்சனா கலாய்த்து இருக்கிறார். "இரண்டாவது விஷயம்... புருஷன் கூடச் சண்டை போட்டுத் தற்கொலை... நோ சான்ஸ்! நான் அவரைத்தான் அடிப்பேன்!" எனவும் அவர் சத்தமாகச் சிரிக்கும் emoji யைப் பயன்படுத்திப் பதிலடி கொடுத்துள்ளார்.
அன்பு டார்ச்சர்
அர்ச்சனாவின் இந்த பதிவை பார்த்ததும் தனது கணவரை எவ்வளவுப் பாசத்துடன் 'டார்ச்சர்' செய்வார் என்பதைக் குறிப்பதாக அமைந்து, ரசிகர்களிடையே சிரிப்பலையை ஏற்படுத்தியுள்ளது.
பிரபலங்கள் குறித்து வரும் இதுபோன்ற அடிப்படை ஆதாரமற்ற வதந்திகளைப் பற்றிச் சற்றும் கவலைப்படாமல், தன் பாணியில் அர்ச்சனா கொடுத்திருக்கும் இந்தப் பதிலடி, அவரதுத் துணிச்சலையும், நகைச்சுவை உணர்வையும் மீண்டும் ஒருமுறை நிரூபித்துள்ளது. அர்ச்சனாவின் இந்தத் துணிச்சலானப் பதிவுக்குப் பலரும் பாராட்டுக்களையும், வாழ்த்துக்களையும் தெரிவித்து வருகின்றனர்.
Click it and Unblock the Notifications
Sign in with Google