பெண்ணுறுப்பு.. ஏன் இந்த கேவலம்? கூட வேலை பார்த்தவங்க அந்த மாதிரி இல்ல! விஜே அர்ச்சனா ஆதங்கம்

சென்னை: விஜே அர்ச்சனா சமீபத்தில் ஒரு பேட்டியில் சிலர் பெண்களின் கால்களுக்கு நடுவே இருக்கும் உறுப்பை குறிப்பிட்டு எல்லா கெட்ட வார்த்தைகளுக்கும் பேசிக் கொண்டிருக்கிறார்கள் என்று தன்னுடைய ஆதங்கத்தை வெளிகாட்டி இருக்கிறார்.

அதோடு ஸ்லீவ்லெஸ் உடை அணிந்தால் இந்த சமுதாயத்தில் பலர் தவறாக பேசுவதால் நான் ஸ்லீவ் லெஸ் உடை அணிவதையே விட்டுவிட்டேன் என்றும் தனக்கு நடந்த கசப்பான அனுபவங்கள் குறித்தும் அந்த பேட்டியில் அர்ச்சனா பேசியிருக்கிறார். இது இணையத்தில் வைரல் ஆகி வருகிறது.

விஜே அர்ச்சனாவுக்கு பெரிய அளவில் அறிமுகமே தேவை இல்லை. தொகுப்பாளர்கள் என்று சொன்னதுமே டக் என்று நினைவில் வரும் தொகுப்பாளிகளில் முக்கியமானவர்தான் விஜே அர்ச்சனா. இவர் விஜய் டிவி, ஜீ தமிழ் என்று பல சேனல்களில் பல வருடங்களாக தொகுப்பாளராக இருந்து வருகிறார்.

தொகுப்பாளராக பெரிய அளவில் பெயர் வாங்கி வைத்திருந்த அர்ச்சனா பிக் பாஸ் நிகழ்ச்சிக்கு பிறகு இவருடைய கேரக்டர் வேற விதமாக மக்கள் மத்தியில் பேசப்பட்டது. ஆனாலும் மீண்டும் பிக் பாஸ் நிகழ்ச்சிக்கு பிறகு படிப்படியாக தன்னுடைய பழைய நிலைக்கு அர்ச்சனா திரும்பிக் கொண்டிருக்கிறார். இப்படியான நிலையில் தான் பிக் பாஸ் நிகழ்ச்சிக்கு பிறகு அவருக்கு தலையில் ஒரு பெரிய ஆபரேஷன் செய்யப்பட்டு இருந்தது.

அதுவும் பெரிய அளவில் அந்த நேரத்தில் பேசப்பட்டது. இந்த நிலையில் இப்போது சமீபத்தில் ஒரு பேட்டி ஒன்றில் தற்போதைய சமுதாயம் பற்றி பேசி இருக்கிறார். அதில் தற்போதைய சமுதாயம் பற்றி பேசி இருக்கிறார். அதில் அவர் பேசுவதில் இப்போ வரைக்கும் எங்களுடைய வீட்டில் பெரியவர்களை பார்த்தால் கைகூப்பி வணங்க சொல்லி தான் வளர்த்திருக்கிறார்கள். பெரியவர்களின் காலில் விழுந்து ஆசீர்வாதம் வாங்குவது எங்கள் வீட்டில் இப்போதும் நடைமுறையில் இருக்கிறது.

ஆனால் இன்றைய காலகட்டத்தில் ஒரு சில தவறுகளும் நியாயப்படுத்தப்படுகின்றன. என்னுடைய குடும்பத்தை காப்பாற்ற வேண்டும் என்றால் நான் அந்த காரியத்தை செய்தாக வேண்டிய சூழ்நிலை உருவாகிறது. அதுபோல இப்போதைய சூழ்நிலையில் அட்ஜெஸ்ட்மெண்ட் பண்ணி செல்லுதல், காஸ்டிங் கோச் இந்த வார்த்தைகள் அதிகமாக உலா வருகிறது. இது மற்றதுறையில் இருப்பதைவிட மீடியா துறையில் அதிகமாக இருக்கிறது.

அதுபோல டீசர்ட் அணிந்து ஒரு பெண் வருகிறார் என்றால் அவள் மீது கையை போட்டால் போதும் வந்துவிடுவார் என்றெல்லாம் பேசி இருக்கிறார்கள். நான் ஆரம்பத்தில் நிகழ்ச்சிகளை தொகுத்து வழங்கும்போது அதிகமாக ஸ்லீவ்லெஸ் போடுவேன். அது நமக்கு நல்லா இருக்கும் என்று நினைத்துக் கொண்டிருந்தேன். ஆனால் இந்த மாதிரி வார்த்தைகளை கேட்ட பிறகு நான் ஸ்லீவ் லேசர் டி-ஷர்ட் போடுவதையே நிறுத்திக் கொண்டேன்.

அதுபோல எந்த இடத்திலும் ஒரு பெண்ணைப் பற்றி பேசக்கூடிய எல்லா கெட்ட வார்த்தைகளுக்கும் அவரது கால்களுக்கு நடுவே இருக்கும் உறுப்பை குறிப்பிடுவதாக தான் இருக்கிறது. ஒரு பெண்ணோட கண் காது மூக்கு வாய் உள்ளிட்ட எதை வைத்தும் அடையாளப்படுத்தவில்லை. சிலர் பெண்களின் கால்களுக்கு இடையே இருக்கக்கூடிய உறுப்பை வைத்து மட்டும்தான் அடையாளப்படுத்துகிறார்கள்

எப்போதும் ஒரு பெண்ணை ஏன் அங்கிருந்து பார்க்கிறார்கள்? எல்லோருமே அந்த இடத்தில் இருந்து தான் வெளி உலகத்திற்கு வருகிறோம். ஆனால் அதை வைத்து அடுத்தவர்களை அசிங்கப்படுத்துவது எதற்காக என்று தெரியவில்லை என்று தன்னுடைய கோபத்தை காட்டியிருக்கும் அர்ச்சனா என்னுடைய ஆரம்ப கால பயணத்திலிருந்து இப்போது வரைக்கும் நான் சிறந்த ஆண்களோடு வேலை பார்த்து இருக்கிறேன்.

வெளியில் ஆயிரம் பேர் ஆயிரம் சொல்லலாம் ஆனால் நீங்கள் உங்களுடைய மனசாட்சிக்கு உண்மையாக இருக்க வேண்டும். கண்ணாடி முன்பு இன்று அர்ச்சனா இப்படி செஞ்சிட்டியே என்று நாமே பீல் பண்ண கூடாது. அது மட்டும் தான் என்னுடைய குறிக்கோள். இதுவரைக்கும் அந்த மாதிரியான ஒரு தருணம் எனக்கு நடந்தது கிடையாது என்பதை நான் இங்கு பெருமையாக கூறிக் கொள்கிறேன் என்று அந்த பேட்டியில் அர்ச்சனா பேசியிருக்கையில் இதை பலரும் பகிர்ந்து வருகிறார்கள்.

English summary

VJ Archana in a recent interview expressed her apprehension that some people are saying all the bad things about the organ between women's legs.