விஜே மகேஸ்வரிக்கு வந்த அசிங்கமான கமெண்ட்.. அதற்கு வெளிப்படையாக அவர் கொடுத்த பதில்

சென்னை: நடிகையாகவும், தொகுப்பாளராகவும் பலருக்கும் பரிச்சயமான விஜே மகேஸ்வரி சமூக வலைதளத்தில் பயங்கர ஆக்டிவாக இருக்கிறார். அடிக்கடி போட்டோ ஷூட் நடத்தி அதை தன்னுடைய இன்ஸ்டாகிராம், டுவிட்டர் பக்கத்தில் பகிர்ந்து வரும் மகேஸ்வரிக்கு ஒரு சில நெகட்டிவ் கமெண்ட்கள் வருவதுண்டு. அது குறித்து மகேஸ்வரி இப்போது வெளிப்படையாக பேசி இருக்கிறார்.

விஜே மகேஸ்வரி பதினொன்றாம் வகுப்பு படித்துக் கொண்டிருக்கும் போதே சன் மியூசிக் சேனலில் ஆங்கரிங் ஆடிசனுக்கு சென்று அதில் தேர்வாகி தொகுப்பாளராக மாறி இருக்கிறார். அன்று தொடங்கிய அவருடைய மீடியா பயணம் இப்ப வரைக்கும் தொடர்ந்து கொண்டிருக்கிறது. மகேஸ்வரியின் அப்பா அவருடைய அம்மாவை விட்டு சென்று விட்டதால் 14 வயசிலேயே குடும்ப பொறுப்பு ஏற்கும் நிலைமைக்கு விஜே மகேஸ்வரி தள்ளப்பட்டு இருக்கிறார்.

ஸ்கூல் முடித்ததும் கல்லூரியில் சேர்ந்த மகேஸ்வரி பி காம் படித்துக் கொண்டு தொகுப்பாளராக வேலை பார்த்துக் கொண்டிருந்த நிலையில் படித்து முடித்ததும் வேற வேலைக்கு போய்விடலாம் என்று முதலில் முடிவு எடுத்திருக்கிறார். ஆனால் அந்த நேரத்தில் அவருக்கு மீடியாவில் அடுத்தடுத்து வாய்ப்புகள் வரவும் அதையே தொடர்ந்து இருக்கிறார். அந்த நேரத்தில் தான் அவருக்கு திருமணம் ஆகி இருக்கிறது.

திருமணமாகி குழந்தை பிறந்ததும் ஒன்றரை வருடம் மீடியாவில் இருந்து விலகி இருந்த விஜே மகேஸ்வரிக்கு வாழ்க்கையில் புயல் வீச தொடங்கி இருக்கிறது. அவருடைய திருமண வாழ்க்கை அவர் எதிர்பார்த்த அளவிற்கு அமையாமல் கணவரோடு கருத்து வேறுபாடு ஏற்படவே கணவரை பிரிந்து தன்னுடைய குழந்தையை தன் அம்மாவிடம் விட்டு விட்டு மீண்டும் தொகுப்பாளராக வேலையை தொடங்கி இருக்கிறார்.

அந்த நேரத்தில் தான் ஜீ தமிழில் அதிர்ஷ்ட லட்சுமி என்ற நிகழ்ச்சியை தொகுத்து வழங்க இவருக்கு வாய்ப்பு கிடைத்தது. அதுபோல புதுக்கவிதை, தாயுமானவன் என்று சீரியலிலும் நடித்துக் கொண்டிருந்தார். பிறகு பிக் பாஸ் தமிழ் சீசன் 6 நிகழ்ச்சியில் போட்டியாளராக கலந்து கொண்டார். அதோடு சென்னை 600028 திரைப்படத்தின் இரண்டாவது பாகம், பியார் பிரேமா காதல், ரைட்டர், விக்ரம் போன்ற திரைப்படத்தில் நடித்திருக்கிறார்.

அது மட்டுமில்லாமல் காஸ்ட்யூம் டிசைனர் ஆகவும் இருக்கும் மகேஸ்வரி அடிக்கடி போட்டோ ஷூட் நடத்தி அந்த புகைப்படங்களை தன்னுடைய சமூக வலைதள பக்கங்களில் பகிர்ந்து வருகிறார். இது குறித்து ஒரு சிலர் அவருடைய உடல் அமைப்பு மற்றும் அங்கே தெரியுது இங்கே தெரியுது என்று சில கமெண்ட் போட்டு மகேஸ்வரியின் கேரக்டர் குறித்தும் நெகட்டிவ் ஆக பேசி வருகிறார்கள்.

இது குறித்து மகேஸ்வரி சமீபத்தில் பேட்டி ஒன்றில் பேசியிருக்கிறார். அதில் மகேஸ்வரி பேசுகையில் இந்த மாதிரி நெகட்டிவ் கமாண்ட்களால் ஒரு சதவீதம் கூட பயன் கிடையாது. நான் இப்போது மகிழ்ச்சியாக இருக்கிறேன். இந்த விஷயம் எனக்கு பெரியதாக தெரியவில்லை. என்னைப் பற்றியோ என் உடல் அமைப்பு பற்றியோ ஒரு நிமிடம் நெகட்டிவாக பேசுறவர் பேசிட்டு போகிறார்.

அதை நினைத்து நான் கவலைப்பட்டுக் கொண்டிருந்தால் என்னுடைய அடுத்த கட்டத்திற்கு நான் போக முடியாது. எனக்கு என்னுடைய மகனை சரியாக வளர்க்க வேண்டும். என்னுடைய அம்மாவை பார்த்து கொள்ள வேண்டும். என்னையும் பார்த்துக் கொள்ள வேண்டும். ஏகப்பட்ட வேலை இருக்கிறது. இந்த நிலையில் என்னை பற்றி முகம் தெரியாத ஒருவர் பேசுவதை நினைத்து நான் கவலைப்பட வேண்டிய அவசியமே இல்லை என்று அதில் மகேஸ்வரி விளக்கம் கொடுத்திருக்கிறார்.

English summary

VJ Maheshwari, known to many as an actress and host, is extremely active on social media. Maheshwari, who often conducts photo shoots and shares them on her Instagram and Twitter pages, receives a few negative comments. Maheshwari has now openly spoken about it.