மகிழ்ச்சி பூத்த நாள்..நடுரோட்டில் ஆட்டம் போட்ட விஜே பிரியங்கா.. குவியும் பிரபலங்களின் வாழ்த்துக்கள்
சென்னை: வி.ஜே பிரியங்கா தன்னுடைய பிறந்தநாளில் வெளியிட்ட வீடியோ சமூக வலைதளத்தில் பரவி வருகிறது.
தனக்கு தானே பிரியங்கா பிறந்தநாள் வாழ்த்து கூறி தன்னுடைய மகிழ்ச்சியை வெளி காட்டி இருக்கிறார்.
பிறந்த நாளை வித்தியாசமாக கொண்டாடிய பிரியங்காவிற்கு வாழ்த்துக்கள் குவிந்து வருகிறது.
வாடகை வீட்டில் இருந்துவிட்டு கொஞ்ச நாட்கள் கழித்து சொந்த வீட்டில் செட்டிலாவது போல் ஜீ தமிழ்,சன் டிவி, என்று இருந்துவிட்டு இறுதியாக வந்து விஜய் டிவியில் செட்டில் ஆனவர் தான் பிரியங்கா. விஜய் டிவியின் மிகப்பெரிய நிகழ்ச்சி என்றாலே பிரியங்கா தான் முதல் சாய்ஸ் என்று சொல்லும் அளவிற்கு விஜய் டிவியின் முக்கிய ப்ராப்பர்ட்டியாகவே மாறிவிட்டார்.
கடந்த சில ஆண்டுகளில் பார்க்கும் பொழுது விஜய் டிவியில் மிக நீண்ட நாட்களாக இருக்கும் விஜே பிரியங்காவாகத்தான் இருப்பார்.சும்மாவெல்லாம் விஜய் டிவி இவரை செட் ப்ராப்பர்ட்டியாக வைத்துக் கொள்ளவில்லை. இவரும் அதற்கேற்றார் போல் தன்னுடைய அவுட்புட்டை கொடுத்துக் கொண்டுதான் இருக்கிறார்.
சூப்பர் சிங்கர் போன்று பாடல் சம்பந்தமான நிகழ்ச்சி என்றாலும், காமெடி நிகழ்ச்சிகள் என்றாலும்,எந்த மாதிரியான நிகழ்ச்சியாக இருந்தாலும் அந்த நிகழ்ச்சியின் தன்மை மாறாமல் அழகாக தொகுத்து வழங்குவதில் பிரியங்கா கில்லாடி. விஜே க்களில் அதிகமான கலாய் வாங்கும் பேர்வழி பிரியங்காவாகத்தான் இருக்க முடியும்.இருந்தாலும் எவ்வித கோபமும் படாமல் நிகழ்ச்சியை சலிப்புத் தட்டாமல் கலகலப்பாக கொண்டு சென்று விடுவார்.
இந்த நிலையில் தன்னுடைய 31 வது பிறந்த நாள் இன்று என கூறி வெளிநாட்டில் இருந்தபடியே இரவு நேரத்தில் கலக்கலாக ரோட்டோரத்தில் ஆட்டம் போட்ட பிரியங்காவை பார்த்த ரசிகர்கள் பலர் அதிர்ச்சி அடைந்திருக்கின்றனர். என்ன ஆனது என கேட்டபடியே வாழ்த்துகளையும் பொழிந்து வருகிறார்கள்.
பிரியங்காவின் பிறந்தநாளுக்கு குக் வித் கோமாளி புகழ் சுனிதா, ஷாம் விஷால், நடிகை வாணி போஜன், தொகுப்பாளர் டிடி, தொகுப்பாளர் அர்ச்சனா, நடிகை ஃபரினா என பல நடிகைகள் நடிகர்கள் தொடர்ந்து வாழ்த்து கூறி வருகின்றனர். தற்போது பிரியங்கா வெளியிட்ட இந்த வீடியோ சமூக வலைதளத்தில் வைரலாகி வருகிறது.
Click it and Unblock the Notifications
Sign in with Google