சீரியல் டீச்சரையே நிஜத்தில் திருமணம் செய்த விஜய் டிவி நடிகர்.. மணப்பெண் கூட இந்த சன் டிவி நடிகை தான்

Published: Monday, February 3, 2025, 10:58 [IST]

Subscribe to Oneindia Tamil

சென்னை: டிஸ்னி ஹாட்ஸ்டாரில் ஒளிபரப்பான கனா காணும் காலங்கள் வெப் சீரிஸ் மூலம் பிரபலமான சங்கீதாவும் நடிகர் அரவிந்த்தும் காதலித்து வந்த நிலையில் அவர்களுடைய திருமணம் நேற்று நடைபெற்றது. அந்த திருமண பங்க்ஷனில் பல சின்னத்திரை பிரபலங்கள் கலந்து கொண்டிருக்கிறார்கள்.

தை மாதம் பிறந்ததும் பல பிரபலங்கள் தங்களுடைய திருமண விஷயங்களை ரசிகர்களிடம் பகிர்ந்து வருகிறார்கள். ஏற்கனவே சின்னத்திரையில் சீரியல்களில் ஒன்றாக நடித்த நடிகர்கள் காதல் திருமணம் செய்து கொள்வது தொடர் கதையாகி வருகிறது. அந்த வரிசையில் இப்போது நடிகர் அரவிந்த் சேசு மற்றும் சங்கீதா இருவரும் ஜோடி இணைந்து இருக்கின்றனர்.

இவர்கள் இருவரும் ஏற்கனவே பல சீரியல்களிலும் திரைப்படங்களிலும் நடித்திருந்தாலும் இவர்கள் டிஸ்னி பிளஸ் ஹாட்ஸ்டாரில் ஒளிபரப்பான கனா காணும் காலங்கள் இரண்டாவது சீசனில் நடித்திருந்தார்கள். அந்த சீரியலில் சங்கீதா மலர் டீச்சராக நடித்திருந்தார். பிரேமம் படத்தில் மலர் டீச்சர் ஆக வந்த சாய்பல்லவிக்கு எவ்வளவு ரசிகர்கள் இருந்தார்களோ அதுபோல சங்கீதாவிற்கும் அதிகமான இளைஞர்கள் ரசிகர்களாக இருந்தனர்.

அந்த சீரியலில் சங்கீதாவிடம் படிக்கும் கலை என்ற மாணவனாக அரவிந்த் நடித்திருந்தார். இவர்கள் இருவருக்கும் தற்போது காதல் மலர்ந்து இருக்கிறது. அந்த காதலுக்கு இரு வீட்டின் பெற்றோரும் பச்சைக்கொடி காட்டியதால் தற்போது திருமணமும் பிரம்மாண்டமாக நடைபெற்று இருக்கிறது. சில மாதங்களுக்கு முன்பு தான் இவர்களுடைய எங்கேஜ்மென்ட் நடைபெற்றது.

இந்த நிலையில் நேற்று சங்கீதா சாய்- அரவிந்த் ஜோடியின் திருமணம் சென்னையில் நடைபெற்றது. இவர்களுடைய திருமணத்தில் உறவினர்கள், நண்பர்கள் மட்டுமின்றி சின்னத்திரை பிரபலங்கள் பலரும் கலந்து கொண்டு வாழ்த்துக்கள் தெரிவித்தனர். அதிலும் சங்கீதா ஆரம்பத்தில் தொகுப்பாளராக இருந்து பிறகு சன் டிவியில் ஒளிபரப்பான அழகு சீரியல் மூலமாகத்தான் கதாநாயகியானார்.

அழகு சீரியலில் சங்கீதாவிற்கு மாமனராக நடித்த தலைவாசல் விஜய்யும் இவர்களுடைய திருமணத்தில் கலந்து கொண்டார். அதுபோல பாக்கியலட்சுமி சீரியலில் பாக்கியாவின் மாமியாராக நடிக்கும் பாக்கியலட்சுமி இவர்களுடைய திருமணத்தில் கலந்து கொண்டார். அதுபோல அரவிந்த் விஜய் டிவியில் சமீபத்தில் தொடங்கிய அய்யனார் துணை சீரியலில் நடித்து வருவதால் அந்த சீரியலில் நடிக்கும் நடிகர்களும் இவர்களுடைய திருமணத்தில் கலந்து கொண்டனர்.

சங்கீதா மதுரையில் பிறந்து வளர்ந்தவர். சென்னையில் ஐடியில் வேலை பார்த்து வந்த இவருக்கு சன் மியூசிக் விஜேவாக வேலை கிடைத்தது. அதிலிருந்து தான் இவர் சீரியலில் நடிக்க தொடங்கினார். கடந்த வருடத்தில் முடிவுக்கு வந்த தமிழும் சரஸ்வதியும் சீரியலில் வசு கேரக்டரில் பாதிக்கு மேல் சங்கீதா தான் நடித்திருந்தார். இந்த நிலையில் இந்த தம்பதிக்கு சின்னத்திரை பிரபலங்கள், ரசிகர்கள் பலரும் வாழ்த்துக்கள் தெரிவித்து வருகிறார்கள்.