OTT Tamil This Week: மெகா பிளாக் பஸ்டர் படங்கள்.. இந்த வாரம் ஓடிடி ரிலீஸ் மாஸ் காட்டுதே!

Updated: Friday, August 23, 2024, 19:13 [IST]

Subscribe to Oneindia Tamil

சென்னை: இந்த வாரம், OTT தளங்கள் புதிய பிளாக்பஸ்டர் படங்களால் நிரம்பி வழிகின்றன. Netflix, Jio Cinema, Amazon Prime, ZEE5 மற்றும் SonyLiv போன்ற ஓடிடி தளங்களில் பல்வேறு புதிய படங்கள் மற்றும் தொடர்கள் திரையிடப்பட உள்ளன. இந்த வீக் என்டை குதூகலமாக்க என்னவெல்லாம் பார்க்கலாம், ஒரு ரவுண்ட் அப்.

பிரபாஸ், கமல்ஹாசன்,அமிதாப் பச்சன் மற்றும் தீபிகா படுகோன் நடித்த "கல்கி 2898 AD", இப்போது அமேசான் பிரைம் மற்றும் நெட்பிளிக்ஸ்சில் உள்ளது. தமிழ், தெலுங்கு, கன்னடம் மற்றும் மலையாளம் Amazon Prime-லும், ஹிந்தி மொழியில் நெட்பிளிக்சிலும் படத்தை பார்க்க முடியும்.

ராயன்

தனுஷின் அதிரடி த்ரில்லர் "ராயன்" இன்று ஆகஸ்ட் 23 ஆம் தேதி அமேசான் பிரைமில் களமிறங்கிவிட்டது. ஜூலை 26 ஆம் தேதி வெளியான இந்த படம் வசூலில் நல்ல சாதனையை பதிவு செய்தது. தனுஷ் நடிப்போடு மட்டுமின்றி இப்படத்தை எழுதி இயக்கியும் இருக்கிறார். இதில் வரலக்ஷ்மி சரத்குமார், சரவணன், சுந்தீப் கிஷன், காளிதாஸ் ஜெயராம், துஷாரா விஜயன் ஆகியோர் முக்கிய வேடங்களில் நடித்துள்ளனர். தனுஷின் 50வது படமான இது தமிழில் தெலுங்கு, ஹிந்தி, மலையாளம், கன்னடம் ஆகிய மொழிகளில் டப்பிங் செய்யப்பட்டுள்ளது.

ஃபாலோ கர் லோ யார்

"ஃபாலோ கர் லோ யார்" என்ற ஸ்கிரிப்ட் இல்லாத தொடர், சமூக ஊடகங்களில் பரபரப்பான உர்ஃபி ஜாவேத்தின் வாழ்க்கையை பிரதிபலிக்கிறது இன்று அமேசான் பிரைமில் வெளியாகியுள்ளது.

ஆங்கிரி யங் மென்

"ஆங்கிரி யங் மென்" என்ற ஆவணப்படத் தொடர் ஆகஸ்ட் 20 அன்று அமேசான் பிரைமில் வெளியானது. இந்தத் தொடர் 70களில் சலீம் கான்-ஜாவேத் அக்தர் உருவாக்கி வைத்த கோபக்கார இளம் ஹீரோ வகையை பிரதிபலிக்கிறது. எக்ஸெல் மீடியா & என்டர்டெயின்மென்ட் மற்றும் டைகர் பேபியுடன் இணைந்து சல்மான் கான் பிலிம்ஸ் தயாரித்துள்ள இதை, சல்மா கான், ரித்தேஷ் சித்வானி, ஃபர்ஹான் அக்தர், ஜோயா அக்தர் மற்றும் ரீமா காக்தி ஆகியோருடன் இணைந்து சல்மான் கான் தயாரித்துள்ளார்.