Bigg Boss 3: கவின் செய்வதை லாஸ்லியாவும் செய்கிறார்...என்னவாக இருக்கும்?
சென்னை: விஜய் டிவியின் பிக்பாஸ் 3 சீசன் மூலம் பிரபலம் ஆனவர்கள் கவினும் லாஸ்லியாவும். இருவரும் பிக்பாஸ் வீட்டுக்குள் காதலில் திளைத்து இருந்த போதிலும் வெளியில் வந்து, இருவருக்கும் எந்த சம்பந்தமும் இல்லாதது போல நடந்துக்கொண்டு வருகிறார்கள்.
இந்த சமயத்தில் கவின் கண்ணாடி முன் நின்று செல்ஃபி எடுத்து, தனது இன்ஸ்டாவில் பதிவிட, இது போன்று ஒரு செல்ஃபியை லாஸ்லியாவும் எடுத்து, தனது இன்ஸ்டாவில் பதிவிட்டு இருக்கார். ஆக மொத்தம் இருவர் எடுத்த செல்ஃபியும் டிரையல் ரூமில் எடுத்ததுதான்
இவர்களுக்குள் என்ன நடக்கிறது என்று ரசிகர்கள் குழப்பம் அடைந்துள்ளனர். கவினை பின் தொடர்வது போல இருக்கும் இந்த போட்டோ பதிவு கவின், லாஸ்லியா ரசிகர்களுக்கு இன்ப அதிர்ச்சியை கொடுத்து இருக்கிறது.
பிக்பாஸ் 3 காதல்
பிக்பாஸ் சீசன் 3 யில் கலந்துக்கொண்ட ஹவுஸ் மேட்ஸில் கவினும் லாஸ்லியாவும், ரசிகர்களால் பெரிதும் விரும்பப்பட்டவர்கள். இவர்கள் காதல் பிக்பாஸ் வீட்டுக்கு வெளியிலும் தொடர வேண்டும் என்று இருவரது ரசிகர்களும் விரும்பினார். ஆனால், ஏனோ இவர்கள் தங்களுக்குள் காதல் இல்லாத மாதிரியே வெளியில் இருக்கிறார்கள்.
இருப்பினும் ரசிகர்கள்
இவர்கள் எப்படி இருப்பினும், ரசிகர்கள் இவர்கள் இருவரையும் ஒன்றாக வைத்தே பார்க்க விரும்பி, சமூக வலைப் பக்கங்களில் இவர்கள் எது பதிவிட்டாலும், ஒருவருக்கு ஒருவர் அளிக்கும் பதிலாகவே எடுத்துக்கொண்டு இருவர் காதலுக்கும் சப்பைக்கட்டு கட்டி வருகின்றனர்.
கவின் கண்ணாடி செல்ஃபி
கவின் ஒரு புது உடையை அணிந்துக்கொண்டு கண்ணாடி முன்னால் நின்று செல்ஃபி ஒன்றை எடுத்து தனது இன்ஸ்டாவில் பதிவிட்டு இருக்கார். கூடவே எடுக்காத டிரஸில் போட்டு எடுத்து வச்சுக்கிட்டா அதுவும் உதவும் என்று சொல்லி இருக்கார். அடுத்த ஒரு புகைப்படத்தில் வாழக்கையில் பாஸ் இருக்கிறது. ஆனால், அதை ரிவைண்ட் செய்து பார்க்கும் பட்டன் மிஸ்ஸாகி விட்டது என்றும் பதிவிட்டு இருக்கார்.
லாஸ்லியா கண்ணாடி செல்ஃபி
கவின் போன்று லாஸ்லியாவும் கண்ணாடி முன் நின்று ஒரு செல்ஃபி எடுத்து தனது இன்ஸ்டாவில் பதிவிட்டு உள்ளார். அதில், வாழ்க்கை ஏதோ ஒன்றை கற்றுக்கொடுக்க நினைக்கிறது என்றும் கவினுக்கு பதில் அளிப்பது போல பதிவிட்டு இருக்கார். இதை பார்த்த இருவரின் ரசிகர்களும், கவினும், லாஸ்லியாவும் இன்னமும் ட்ச்சில் இருக்கிறார்கள் போலும் என்று மகிழ்ச்சியில் உள்ளனர்.
Click it and Unblock the Notifications
Sign in with Google