அப்படீன்னா ராத்திரி 9.30 மணிக்கு வரப் போவது யாரு.. பரபரக்கும் டிவி உலகம்!
Recommended Video
சென்னை: சன் டிவியில் இரவு 9.30 மணிக்கு ஒளிபரப்பாகி வந்த சந்திரகுமாரி சீரியலை மாலை 6.30 க்கு என்று மாற்றி கொடுத்துள்ளதாக ராதிகா சரத்குமார் தமது டிவிட்டர் தளத்தில் பதிவிட்டுள்ளார்.
இன்னும் சன் டிவி இது குறித்த அறிவிப்பு ஒன்றையும் வெளியிடவில்லை. என்றாலும் மதியம் 3 மணிக்கு ஒளிபரப்பாகி வந்த ரோஜா, வரும் திங்கள் முதல் இரவு 9 மணிக்கு ஒளிபரப்பாகும் என்கிற அறிவிப்பை சன் டிவி வெளியிட்டுள்ளது.
அதே போல மதியம் 2.30 க்கு ஒளிபரப்பாகிவரும் கல்யாண பரிசு சீரியல் வரும் திங்கள் முதல் மதியம் 3 மணிக்கு ஒளிபரப்பாகும் என்றும் அறிவிப்பு வெளியாகி உள்ளது.
அது சரி,2.30 மணிக்கு என்ன சீரியல் வர போகுதுன்னு பார்த்தால், புதிதாக திங்கள் முதல் தொடங்க இருக்கும் நிலா சீரியல் அந்த நேரத்தை பிடித்துவிட்டது. இப்படி இப்படி மாற்றங்களை அறிவித்து இருக்கும் சன் டிவி சந்திரகுமாரி ஒளிபரப்பாக இருக்கும் நேரத்தை சஸ்பென்ஸில் வைத்துள்ளது.
தினமும் இரவு 9 மணிக்கு ஒளிபரப்பாகி வரும் கண்மணி சீரியல் எப்போது என்பதையும் சன் டிவி இன்னும் அறிவிக்கவில்லை. இரவு 9.30 மணியை கண்மணி அல்லது லட்சுமி ஸ்டோர்ஸ் சீரியலுக்கு சன் டிவி கொடுக்குமோ என்கிற யூகம் எழுந்துள்ளது.
எப்போதுமே சன் டிவியில் ஒரு புதிய தொடர் வரப்போகிறது என்றால், ஒளிபரப்பாக இருக்கும் முதல் நாள் வரை அதன் நேரத்தை அறிவிக்க மாட்டார்கள். ஆனால், வரும் திங்கள் அன்று ஒளிபரப்பாக இருக்கும் நிலா தொடரின் தேதியையும் நேரத்தையும் இந்த திங்கள் கிழமையே அறிவிச்சுட்டாங்கன்னா விஷயம் என்னவாக இருக்கும்?
Click it and Unblock the Notifications
Sign in with Google