எனக்கு பொண்ணு பார்த்தாலே இப்படி ஆகிடுது... காரணத்தை பகிர்ந்த காளையன்.. பீல் பண்ணும் 90ஸ் கிட்ஸ்

தனக்கு இதுவரைக்கும் திருமணம் ஆகாத காரணம் இதுதான் என காளையன் பகிர்ந்து இருக்கிறார்.

Updated: Monday, March 13, 2023, 16:02 [IST]

Subscribe to Oneindia Tamil

சென்னை : குக் வித் கோமாளி சீசன் நான்கில் ஒரு குக்காக இருக்கும் காளையன் தன்னுடைய திருமண விஷயத்தைப் பற்றி சிவாங்கி இடம் பேசிய வீடியோ சமூக வலைத்தளத்தில் அதிகமாக பகிரப்பட்டு வருகிறது.

தனக்கு பெண் பார்த்தால் அந்த பெண்ணுக்கு வேறு ஒருவரோடு திருமணம் நடந்து விடுகிறது என்று காளையன் உருக்கமாக பேசி இருக்கிறார்.

90ஸ் கிட்ஸ்கள் பலரும் தங்களுக்கு இதே பிரச்சனை இருப்பதாக காளையனுக்கு ஆதரவாக கருத்து கூறி வருகிறார்கள்.

திரைப்படங்களில் வில்லன்

குக் வித் கோமாளி சீசன் நான்கில் தான் இதுவரைக்கும் திருமணம் செய்து கொள்ளாததற்கான காரணத்தை பற்றி காளையன் கூறி இருக்கும் தகவல் தற்போது சோசியல் மீடியாவில் வைரலாகி வருகிறது. விஜய் டிவியில் ஒளிபரப்பாகி வரும் குக் வித் கோமாளி நிகழ்ச்சியில் குக்காக காளையன் அறிமுகம் ஆகி இருக்கிறார். தமிழ் சினிமாவில் வில்லன் கதாபாத்திரத்தில் மிரட்டி கொண்டிருப்பவர் தான் காளையன். இவர் சுல்தான், ஜிகர்தண்டா உள்ளிட்ட பல திரைப்படங்களில் நடித்திருக்கிறார்.

நிகழ்ச்சியில் கலகலப்பு

தற்போது காளையன் சின்ன திரையில் அறிமுகம் ஆகி இருக்கும் நிலையில் குக் வித்
கோமாளி நிகழ்ச்சியில் புகழ், ஜி பி முத்து, குரோஷி ஆகியோரை இவர் அடித்து உதைத்து செய்யும் காமெடி எல்லாம் ரசிகர்களின் மத்தியில் நல்ல வரவேற்பு பெற்று இருக்கிறது. அது மட்டுமல்லாமல் கோமாளிகளும் அவரிடம் அடி வாங்குவதையே ஒரு கண்டென்டாக மாற்றி வருகிறார்கள். கடந்த வாரத்தில் கூட இவரை ஜிபி முத்து திட்டி பிறகு ஜிபி முத்து இவரிடம் மாட்டிக் கொண்டு இவர் அடித்து துவம்சம் செய்த எபிசோடுகள் நல்ல வரவேற்பை பெற்றிருந்தது.

நிஜத்தில் நண்பர்கள்

பார்ப்பதற்கு கரடு முரடாக பார்த்தாலே ரகடுபயாக இருக்கும் காளையன் நிஜத்தில் ஒரு குழந்தைத்தனமானவர் தான் என்று ஜிபி முத்து தன்னுடைய இன்ஸ்டாகிராம் பக்கத்தில் அவருடன் எடுத்த புகைப்படத்தை பகிர்ந்து கூறியிருந்தார். அது மட்டும் அல்லாமல் புகழ், சிவாங்கி என பலரும் காளையன் குறித்து அவரோடு எடுத்த புகைப்படங்களை வெளியிட்டு பல தகவல்களை கூறி வருகின்றனர்.

திருமணம் ஆகவில்லை

இந்த நிலையில் குக் வித் கோமாளி நிகழ்ச்சியில் சிவாங்கி காளையனிடம் பேசிக் கொண்டிருக்கிறார். அப்போது நீங்கள் இளமையாக இருந்தபோது உங்கள் பின்னால் பெண்கள் சுற்றினார்களா? என்று கேட்டிருக்கிறார். அதற்கு காளையன் ஆமாம்.... ஆனால் நான் யாரையும் காதலிக்கவில்லை. எனக்கு தற்போது வரை திருமணம் ஆகவில்லை. காரணம் நான் ஒரு பெண்ணை ஓகே சொன்னால் அந்த பெண்ணுக்கு வேறு ஒருவருடன் திருமணம் ஆகி விடுகிறது. அதனால் தான் இன்னும் திருமணம் ஆகாமல் இருக்கிறேன் என்று கூறியிருக்கிறார். இதை கேட்டு சிவாங்கி ஷாக் ஆகி இருக்கிறார். ஆனால் 90ஸ் கிட்ஸ்கள் பலரும் எங்களுக்கும் இதே பிரச்சனை தான் இப்ப வரைக்கும் இருந்து வருகிறது. நீங்க எங்க இனம் தலைவரே என்று கூறி வருகிறார்கள்.