எழுத்தாளர்களுக்கான வாய்ப்பு.. ஜீ நிறுவனம் தொடங்கிய புதிய முயற்சி.. 100 பேரின் வாழ்க்கை மாறப்போகுது

Updated: Friday, July 18, 2025, 14:01 [IST]

Subscribe to Oneindia Tamil

சென்னை: நாடு முழுவதும் உள்ள இளம் மற்றும் வளர்ந்து வரும் திரைக்கதை எழுத்தாளர்களைக் கண்டறிந்து அவர்களை ஊக்குவிக்கும் நோக்கில், ஜீ என்டர்டெயின்மென்ட் எண்டர்பிரைசஸ் லிமிடெட் (ZEEL) நிறுவனம் 'ஜீ ரைட்டர்ஸ் ரூம்' என்ற புதிய திட்டத்தை அறிமுகப்படுத்தியுள்ளது.

இந்நிறுவனம் தொலைக்காட்சி, டிஜிட்டல் மற்றும் சினிமா போன்ற அதன் பல்வேறு தளங்களில் புதிய கதைகளை உருவாக்க வாய்ப்பளிக்கும் வகையில், திறமையான எழுத்தாளர்களுக்கு களம் அமைத்துத் தருகிறது. இந்த முயற்சியின் மூலம், ஹிந்தி, தமிழ், தெலுங்கு, கன்னடம், மலையாளம், வங்கம் மற்றும் மராத்தி ஆகிய மொழிகளில் திறமையாளர்களைக் கண்டறிய ZEEL நிறுவனம் 80 நகரங்கள் மற்றும் 32 மையங்களில் பிரச்சாரம் செய்ய திட்டமிட்டுள்ளது.

தலைமை அதிகாரி

இது குறித்து ZEEL நிறுவனத்தின் தலைமை கிரியேட்டிவ் அதிகாரி ராகவேந்திரா ஹுன்சூர் கூறுகையில், "இது ஒரு போட்டி அல்ல, இது ஒரு அர்ப்பணிப்பு. புதிய குரல்கள், புதிய உணர்வுகள் மற்றும் இதுவரை சொல்லப்படாத கதைகள் நம்மை எதிர்நோக்கி காத்துக்கொண்டிருக்கின்றன. எழுத்தாளர்களுக்கு தேவையான கருவிகள், ஊக்கம் மற்றும் வாய்ப்புகளை வழங்குவதே எங்கள் நோக்கம்" என்றார்.

எழுத்தாளர்களுக்கான வாய்ப்பு

ZEEL நிறுவனத்தின் தலைமை மார்க்கெட்டிங் அதிகாரி கார்த்திக் மகாதேவ் இதுகுறித்து கூறுகையில், "ஜீ ரைட்டர்ஸ் ரூம் மூலம், கதைகளை உருவாக்கும் ஒரு சமூகத்தை நாங்கள் கட்டமைக்க விரும்புகிறோம். கதைகள் சொல்ல விரும்பும் ஆர்வமுள்ள எழுத்தாளர்களுக்கான கதவுகளை நாங்கள் திறந்து வைக்கிறோம்" என்று தெரிவித்தார்.

கலாச்சாரம்

தென்னிந்திய கதை சொல்லும் கலாச்சாரம் மிகவும் வலிமையானது என்று குறிப்பிட்ட ZEEL நிறுவனத்தின் தென்னிந்திய தலைமை தொகுப்பு அதிகாரி சிஜு பிரபாகரன், இந்த முயற்சி அந்த ஆர்வத்தை ஒரு தொழில் வாய்ப்பாக மாற்றும் என்று நம்பிக்கை தெரிவித்தார்.

புதிய தளம்

மேலும், வங்கம் குறித்து ZEEL நிறுவனத்தின் தலைமை தொகுப்பு அதிகாரி சாம்ராட் கோஷ் கூறுகையில், "வங்க எழுத்தாளர்களுக்கான ஒரு புதிய தளமாக ஜீ ரைட்டர்ஸ் ரூம் இருக்கும்" என்று குறிப்பிட்டார்.

இந்த திட்டத்தில் தேர்ந்தெடுக்கப்படும் 100 நபர்களுக்கு, ஜீ நிறுவனத்தின் வழிகாட்டுதலின் கீழ் கதைகளை உருவாக்குவது, எழுதுவது மற்றும் திரைக்கதைகளாக மாற்றுவது குறித்த பயிற்சி அளிக்கப்படும்.