டான்ஸ் ஜோடி டான்ஸ் வெற்றியாளர் யார் தெரியுமா? அடேங்கப்பா பரிசு தொகை இத்தனை லட்சங்களா?

சென்னை: ஜீ தமிழ் தொலைக்காட்சியில் ஒளிபரப்பாகி வந்த சரிகமப நிகழ்ச்சி முடிவடைந்ததை தொடர்ந்து டான்ஸ் ஜோடி டான்ஸ் இரண்டாவது சீசன் தொடங்கப்பட்டு ஒளிபரப்பாகி வந்த நிலையில் நேற்று மாலை பைனல் போட்டி முடிவடைந்தது.

ஜீ தமிழ் தொலைக்காட்சியில் சனி மற்றும் ஞாயிறு தினங்களில் இரவு 7 மணிக்கு ஒளிபரப்பாகி வந்த பிரபல நிகழ்ச்சி ஆன டான்ஸ் ஜோடி டான்ஸ் ரீலோடட் நிகழ்ச்சியின் முதல் சீசன் பெரிய அளவில் வெற்றி அடைந்ததை தொடர்ந்து இரண்டாவது சீசன் தொடங்கப்பட்டது.

அதில் மொத்தம் பத்து போட்டியாளர்களுடன் தொடங்கப்பட்ட இந்த நிகழ்ச்சியினை ஆர்.ஜே விஜய் தொகுத்து வழங்க பாபா மாஸ்டர், சினேகா மற்றும் சங்கீதா ஆகியோர் நடுவர்களாக பங்கேற்று வந்தனர். கடந்த வாரம் இந்த நிகழ்ச்சியில் செமி பினாலே ரவுண்டு நடைபெற்றது. அதைத் தொடர்ந்து நேற்று ஏப்ரல் 14ஆம் தேதி கிராண்ட் பைனல் நிகழ்ச்சி நடைபெற்று இருந்தது.

இதில் முதல் ஜோடியாக ஹேமா சுரேஷ் பைனலுக்கு தேர்வாகி இருந்த நிலையில் இந்த நிகழ்ச்சியில் பைனலில் மேலும் நான்கு ஜோடிகள் தேர்வாகி இருந்தனர். அதில் சுரேஷ்- ஹேமா, இப்ராஹிம்- அஷிதா, நவீன்- அக்ஷதா, கௌரி- விவேக், ஜான் எட்வின்- ரிஷா ஜேக்கப் போன்றோர் இருந்தனர். இவர்களுடைய நடன திறமையால் நேற்றைய பைனல் நிகழ்ச்சி சிறப்பாக நடைபெற்றது.

இதில் சிறப்பு விருந்தினராக நடிகரும், நடன இயக்குனரும், தயாரிப்பாளருமான ராகவா லாரன்ஸ் மாஸ்டர் கலந்து கொண்டதோடு பல திரையுலக நட்சத்திரங்களும் பைனல் போட்டியில் கலந்து கொண்டிருந்தனர். இந்த நிலையில் டான்ஸ் ஜோடி டான்ஸ் சீசன் 2 டைட்டில் வின்னராக அக்ஷதா- நவீன் ஜோடி அறிவிக்கப்பட்டுள்ளனர்.

இவர்களுடைய கடின உழைப்பு மற்றும் திறமையால் இவர்கள் முதலிடத்தை பிடித்திருந்த நிலையில் இந்த ஜோடிக்கு 10 லட்சம் பரிசாக வழங்கப்பட்டது. இவர்களை தொடர்ந்து இரண்டாவது இடத்தில் அக்ஷிதா மற்றும் இப்ராஹிம் ஜோடி இரண்டாவது இடத்தில் வெற்றி பெற்றதாக அறிவிக்கப்பட்டது. மூன்றாவது இடத்தை கௌரி மற்றும் விவேக் ஜோடியும் பிடித்துள்ளனர்.

English summary

Dance Jodi Dance: Akshitha-Naveen couple has been announced as the title winner of Dance Jodi Dance season 2. Due to their hard work and talent, they have won the first place and this couple has been given a prize of 10 lakhs. They were followed by Akshitha and Ibrahim who were announced as the second runner-up. Gauri and Vivek have also bagged the third position.