பிரபல நடிகையால் சரிந்த தொழிலதிபர்.. ஹனிரோஸ் அழகை காட்டுவதில் தவறென்ன? ஹனி ரோஸுக்காக ஓடிவந்த ஐபிஎஸ்

Updated: Monday, January 13, 2025, 18:37 [IST]

Subscribe to Oneindia Tamil

திருவனந்தபுரம்: அனைவருக்கும் அவர்கள் விரும்பியதை அணிய சுதந்திரம் உள்ளது.. ஹனிரோஸ் செய்ததில் தவறு இருப்பதாக நான் நினைக்கவில்லை "என்று கேரள ஐபிஎஸ் அதிகாரி ஸ்ரீலேகா கூறியிருக்கிறார். அத்துடன் நடிகை ஹனிரோஸுக்கு தன்னுடைய பலத்த ஆதரவையும் பகிரங்கமாக தெரிவித்துள்ளார்.

நடிகை ஹனி ரோஸுக்கு சினிமாவில் பெரியளவில் அங்கீகாரம் கிடைக்காவிட்டாலும், அவரின் அழகு மற்றும் கவர்ச்சியால் மக்கள் மத்தியில் பிரபலமாகி உள்ளார். இதையடுத்து, பல வணிக நிறுவனங்கள், கடைகள் திறப்புவிழாவில் கலந்து கொண்டு வருகிறார். இந்த நிகழ்ச்சிகளில் ஹனிரோஸ் அணியும் ஆடைகளுக்கு தனி ரசிகர் கூட்டமே உள்ளது.

பாபி செம்மனூர்: இந்நிலையில், பிரபல தொழிலபதிர் பாபி செம்மனூரின் நகைக்கடையை திறந்து வைக்க ஹனிரோஸ் அணுகப்பட்ட நிலையில், அதற்கு சம்மதிக்கவில்லை என தெரிகிறது. இதையடுத்து, சில அடையாளம் தெரியாத நெட்டிசன்கள் ஹனிரோஸின் சோஷியல் மீடியா போஸ்டுக்கு ஆபாசமாக கருத்து தெரிவித்துள்ளனர்.

தன்னுடைய கடையை திறக்க வரமாட்டாயா? என்கிற ஆத்திரத்தில் ஹனிரோஸை பாபி தரப்பினர் மோசமாக திட்டி கமெண்ட் செய்தார்களாம். கடைசியில் இதுகுறித்து போலீசுக்கும், முதல்வருக்கும் ஹனிரோஸ் புகார் தந்ததையடுத்து, கைது நடவடிக்கைகள் ஆரம்பமாகின. கோடீஸ்வரரான பாபி செம்மனூரும் கைதாகி உள்ளார்.

முன்ஜாமீன்: அதேபோல, சமூக ஆர்வலர் ராகுல் ஈஸ்வர் மீதும் எர்ணாகுளம் போலீசில் ஹனி ரோஸ் புகார் அளித்துள்ளார். இந்த வழக்கில் தன்னை போலீசார் கைது செய்யாமல் இருக்க முன்ஜாமீன் பெறும் நடவடிக்கைகளில் இறங்கியுள்ளாராம் ராகுல் ஈஸ்வர்.

ஆனால், ராகுல் ஈஸ்வரின் அவதூறான வார்த்தைகளும் சோசியல் மீடியாவில் அவரது மிரட்டல்களும் எனக்கு மன உளைச்சலை ஏற்படுத்தி, ஒரு கட்டத்தில் தற்கொலை செய்து கொள்ளலாமா என்கிற அளவிற்கு எண்ணத்தை தூண்டின என்று தன்னுடைய புகாரில் குறிப்பிட்டுள்ளார் ஹனிரோஸ்.. எனவே ராகுலுக்கு முன்ஜாமீன் கிடைப்பது சிக்கல் தான் என்கிறார்கள்.

ஐபிஎஸ் ஸ்ரீலேகா: இந்நிலையில், நடிகை ஹனிரோஸுக்கு தன்னுடைய ஆதரவை தெரிவித்துள்ளார் ஐபிஎஸ் அதிகாரி ஸ்ரீலேகா.. பாபி செம்மனூர் - ஹனி ரோஸ் விவகாரத்தில் தன்னுடைய நிலைப்பாட்டையும், விரிவாக விளக்கி உள்ளார்..

யூடியூப் சேனல் ஒன்றுக்கு ஸ்ரீலேகா தந்துள்ள பேட்டியில், "நடிகை ஹனி ரோஸ் எனக்கு மிகவும் பிடிக்கும்.. மிகவும் நல்லவர்.. திறமையான கதாநாயகி. இவர் பல படங்களில் நடித்துள்ளார் என்றாலும், நான் சில படங்களில் அவரை பார்த்திருக்கிறேன். சிறப்பாகவே நடித்துள்ளார். பார்ப்பதற்கு அழகு, நல்ல உடல் அமைப்பு கொண்டிருக்கிறார்.. அதனாலேயே பெரிய பெரிய வணிக நிறுவனங்களின் நகைக்கடைதிறப்பு நிகழ்ச்சிகளுக்கு ஹனி ரோஸ் அழைக்கப்படுகிறார்.

பிரபலங்கள்: இப்படி பிரபலங்கள், அரசியல்வாதிகளை அழைத்து திறப்பு விழா நடத்தினால், அது ஊடகங்களில் வெளியாகி, கடைக்கு மிகப்பெரிய விளம்பரமாகும்.. இதனால் கடைகளில் அதிகமான வாடிக்கையாளர்கள் வந்து தங்கம் வாங்குவார்கள்.

இப்படி அழைக்கப்படும் பிரபலங்களுக்கு குறிப்பிட்ட தொகை தரப்பட்டாலும், அதைவிட பல மடங்கு நன்மை, சம்பந்தப்பட்ட நகைக்கடைக்குதான் கிடைக்கும்.. அதுக்காகவே இந்த மாதிரி சினிமா பிரபலங்கள் வரவழைக்கப்படுகிறார்கள். அதுபோன்று அழைக்கப்பட்டே ஹனி ரோஸ், திறப்பு விழா நிகழ்ச்சிகளுக்கு வருகிறார்..

சுதந்திரம்: தன்னுடைய விருப்பப்படி, சுதந்திரமாக உடையும் அணிந்து கொள்கிறார்.. அனைவருக்கும் அவர்கள் விரும்பியதை அணிய சுதந்திரம் உள்ளது.. தங்கள் அழகை காட்டுவதில் என்ன தவறு? ஹனிரோஸ் செய்ததில் தவறு இருப்பதாக நான் நினைக்கவில்லை. ஆனால் அவரை சிலர் நடத்தும் விதம் மிகவும் மோசமாக உள்ளது. இப்படி தேவையில்லாமல் அவமானப்படுத்தப்பட்டுள்ளார்" என்றெல்லாம் அந்த பேட்டியில் கூறியிருக்கிறார் ஸ்ரீலேகா ஐபிஎஸ்.