12ம் வகுப்பு CBSE தேர்வு முடிவு: சென்னையை பின்னுக்கு தள்ளிய திருவனந்தபுரம்! கடைசி இடத்தில் உபி

திருவனந்தபுரம்: நாடு முழுவதும் சிபிஎஸ்இ தேர்வு முடிவுகள் வெளியாகியுள்ளன. இதில் கடந்த ஆண்டை போலவே இந்த ஆண்டும், கேரளாவின் திருவனந்தபுரம் மண்டலம் முதலிடத்தை பிடித்திருக்கிறது.

சிபிஎஸ்இ 10ம் வகுப்புக்கான பொதுத்தேர்வு கடந்த பிப்ரவரி தொடங்கி மார்ச் மாதம் வரையும், 12ம் வகுப்புக்கான பொதுத்தேர்வு ஏப்ரல் வரையிலும் நடைபெற்றது. இந்நிலையில் இன்று சிபிஎஸ்இ 12ம் வகுப்புக்கான பொதுத்தேர்வு முடிவுகள் வெளியிடப்பட்டுள்ளன. தேர்வு முடிவுகளை cbse.nic.in, cbse.gov.in, cbseresults.nic.in என்கிற வெப்சைட்டில் தெரிந்துக்கொள்ளலாம்.

கடந்த ஆண்டு சிபிஎஸ்இ 12ம் வகுப்பு மொத்த தேர்ச்சி விகிதம் 87.33 சதவீதமாக பதிவாகியிருந்த நிலையில், இந்த ஆண்டுக்கான 87.98% ஆக பதிவாகியுள்ளது. இது கடந்த ஆண்டை விட 0.65 சதவீதம் அதிகமாகும்.

அதேபோல், இந்த ஆண்டு மாணவிகள் 91.52 சதவீதம் பேரும், மாணவர்களில் 85.12% பேரும் தேர்ச்சி பெற்றுள்ளனர். இது மாணவிகளின் தேர்ச்சி விகிதத்தை விட 6.40% குறைவு. 24,000க்கும் மேற்பட்ட மாணவர்கள் 95%க்கும் மேல் மதிப்பெண் பெற்றுள்ளனர். 1,00,016 ஆயிரம் மாணவர்கள் 90% மேல் மதிப்பெண் எடுத்துள்ளனர்.

மண்டல வாரியாக பார்த்தால் சென்னையை விட கேரளாவின் திருவனந்தபுரம் மண்டலம் அதிக தேர்ச்சி விகிதத்துடன் முதலிடம் பிடித்திருக்கிறது. உத்தரப் பிரதேசத்தின் பிரயாக்ராஜ் மண்டலம் கடைசி இடம் பிடித்திருக்கிறது.

திருவனந்தபுரம் மண்டலம்: 99.91%
விஜயவாடா 99.04%
சென்னை 98.47%
பெங்களூரு - 96.95%
மேற்கு டெல்லி - 95.64%
கிழக்கு டெல்லி - 94.51%
சண்டிகர் - 91.06%
பஞ்ச்குலா - 90.26%
புனே - 89.78%
அஜ்மீர் - 89.53%
பிரயாக்ராஜ் - 78.35%

கடந்த ஆண்டும் கேரளாவின் திருவனந்தபுரம் மண்டலம்தான் முதலிடத்தை பிடித்திருந்தது. சிபிஎஸ்இ 10ம் வகுப்பு தேர்வு முடிவுகள் மே 20ம் தேதி வெளியாகும் என்று சொல்லப்பட்ட நிலையில், இன்று இந்த முடிவுகளும் வெளியாகியுள்ளன.

English summary

All over the country, the CBSE exam results have been released. Like last year, Kerala's Thiruvananthapuram region has topped the list.