கேரளா: பினராயி விஜயனை எதிர்த்து பார்வார்டு பிளாக் தலைவரை வேட்பாளராக்க முயற்சித்த காங். திட்டம் டமார்

திருவனந்தபுரம்: கேரளாவில் முதல்வர் பினராயி விஜயனை எதிர்த்த் காங்கிரஸ் தலைமையானது கூட்டணி கட்சியான பார்வார்டு பிளாக் தேசிய செயலாளர் ஜி. தேவராஜனை நிறுத்த முயற்சித்தது. ஆனால் இதற்கு பார்வார்டு பிளாக் மறுப்பு தெரிவித்ததால் காங்கிரஸ் கட்சி வேட்பாளரை அறிவித்தது.

மேற்கு வங்கத்தில் வலிமையாக இருக்கிறது பார்வார்டு பிளாக். மார்க்சிஸ்ட் கம்யூனிஸ்ட் கட்சியின் கூட்டணி கட்சி அது. ஆனால் கேரளாவில் காங்கிரஸ் தலைமையிலான கூட்டணியில் பார்வார்டு பிளாக் இடம் பெற்றுள்ளது.

பினராயி விஜயன் தர்மடம் தொகுதியில் போட்டியிடுகிறார். அந்த தொகுதியில் பார்வார்டு பிளாக் தேசிய செயலாளர் தேவராஜன் போட்டியிட்டால் பினராயி வீழ்த்த முடியும் என கணக்குப் போட்டது காங்கிரஸ்.

ஆனால் பார்வார்டு பிளாக் கட்சியோ, மூத்த இடதுசாரி தலைவரை எதிர்த்து எங்களால் போட்டியிட முடியாது. சித்தாந்த ரீதியாக எங்களுக்கு அதில் உடன்பாடு இல்லை என திட்டவட்டமாக தெரிவித்துவிட்டது. இதனால் அந்த தொகுதியில் காங்கிரஸ் தமது வேட்பாளரை அறிவித்தது.

தற்போது தர்மடம் தொகுதியில் மார்க்சிஸ்ட் கட்சி, காங்கிரஸ் மற்றும் பாஜக என மும்முனைப் போட்டி நிலவுகிறது.

English summary

Forward Bloc said that their party not to contest against Kerala CM Pinarayi Vijayan.