கேரளா:லோக்சபா தேர்தலில் காங்கிரஸ் அணிக்கு 17- இடதுசாரி அணிக்கு 3 - பாஜகவுக்கு 0- மனோரமா நியூஸ் சர்வே

திருவனந்தபுரம்: லோக்சபா சட்டசபை தேர்தல் 2024-ல் கேரளாவில் மொத்தம் உள்ள 20 இடங்களில் காங்கிரஸ் தலைமையிலான கூட்டணி 17 இடங்களிலும் கேரளாவில் ஆளும் இடதுசாரி கூட்டணி 3 தொகுதிகளிலும் வெல்லும் வாய்ப்புள்ளது என்கிறது மனோரமா நியூஸ் கருத்து கணிப்புகள். 2024 தேர்தலில் கேரளாவில் பாஜகவுக்கு ஒரு இடம் கூட கிடைக்காது என்கிறது இக்கருத்து கணிப்பு.

அடுத்த ஆண்டு லோக்சபா தேர்தல் நடைபெற உள்ளது. இத்தேர்தலை முன்னிட்டு பல்வேறு கருத்து கணிப்பு முடிவுகள் அடுத்தடுத்து வெளியிடப்பட்டு வருகின்றன. கேரளாவின் மனோரமா நியூஸ் மற்றும் மும்பையின் Voters Mood இணைந்து கேரளாவில் லோக்சபா தேர்தல் முடிவுகள் எப்படி இருக்கும் என்பது தொடர்பாக கருத்து கணிப்பு நடத்தின.

யாருக்கு எத்தனை இடம்?: இக்கருத்து கணிப்பின் முடிவுகள்: காங்கிரஸ் தலைமையிலான UDF கூட்டணி 17 இடங்களில் வெல்லுமாம்; ஆளும் இடதுசாரிகளின் LDF கூட்டணி 3 இடங்களைக் கைப்பற்றுமாம். காங்கிரஸ் கூட்டணிக்கு 47.22% வாக்குகளும் இடதுசாரி கூட்டணிக்கு 37.47% வாக்குகளும் கிடைக்குமாம். பாஜக தலைமமையிலான தேசிய ஜனநாயகக் கூட்டணிக்கு ஒரு இடம் கூட கிடைக்காதாம். ஆனால் கேரளாவில் 15.50% வாக்குகளை பாஜக அணி பெறக் கூடுமாம். இதர கட்சிகளுக்கு 3.25% வாக்குகள் கிடைக்குமாம்.

காங்கிரஸ் அணி வெல்லும் வாய்ப்புள்ள தொகுதிகள்: காசர்கோடு, வயநாடு, கோழிக்கோடு, மலப்புரம், பொன்னானி, சாலக்குடி, எர்ணாகுளம், இடுக்கி, கோட்டயம், ஆலப்புழா, கொல்லம், திருவனந்தபுரம். கடும் போட்டியை எதிர்கொள்ளும் தொகுதிகள் கண்ணூர், ஆலத்தூர், திரிசூர், பத்தனம்திட்டா, அட்டிங்கல்

இடதுசாரி அணி வெல்லும் வாய்ப்புள்ள தொகுதிகள்: மாவேலிக்கர. கடும் போட்டியை எதிர்கொள்ளும் தொகுதிகள் வடகரா, பாலக்காடு.

எந்த தலைவருக்கு ஆதரவு?: கேரளாவில் மூத்த காங்கிரஸ் தலைவர் ராகுல் காந்திக்கு 47.57% பேரும் பிரதமர் மோடிக்கு வெறும் 19.05% பேரும் ஆதரவு தெரிவித்திருக்கின்றனர். முதல்வர் பினராயி விஜயனுக்கு 11.48% பேரும் காங்கிரஸின் கேரளா முகங்களில் ஒருவரான சசி தரூருக்கு 7.81% பேரும் ஆதரவு தெரிவித்திருக்கின்றனர்.

கேரளா முதல்வர் பதவி: கேரளாவின் முதல்வர் பதவிக்கு பினராயி விஜயனுக்கு 27.5% ; சசி தரூருக்கு 14.45%; ஷைலஜாவுக்கு 14.37%; விடி சதீஷனுக்கு 8.75% பேர் ஆதரவு தெரிவித்துள்ளனர்.

English summary

According to the Manorama News Survey Predicted Cong.'s UDF will get 17 seats in Kerala in the Lok Sabha Election 2024.