அடடா.. விஜய் சேதுபதியை என்னப்பா பண்ணி வச்சிருக்கீங்க சேட்டன்களே!

திருவனந்தபுரம்: இயல்பான நடிப்பின் மூலமாக தமிழக ரசிகர்களின் இதயத்தில் சிம்மாசனம் போட்டு அமர்ந்து விட்டார் நடிகர் விஜய் சேதுபதி.

இதனால்தான் அவரது ரசிக எல்லை தமிழகம் தாண்டியும் விரிவடைய தொடங்கிவிட்டது. அதிலும் குறிப்பாக கேரள சேட்டன்கள் இவரது சேஷ்டையை விரும்புகிறார்கள்.

குறிப்பாக சமீபத்தில் வெளியாகிய 96 திரைப்படம் விஜய் சேதுபதியை மற்றொரு, 'பிரேமம்' நிவின் பாலி போல கேரள ரசிகர்களை கொண்டாட வைத்துவிட்டது. அதன் வெளிப்பாடுதான் இந்த வீடியோ.

சமீபத்தில் கேரளா சென்ற நடிகர் விஜய் சேதுபதியை சூழ்ந்து கொண்டு புகைப்படத்திற்கு போஸ் கொடுக்க வேண்டும் என்று கேரள ரசிகர்கள் சுற்றிவளைத்த காட்சி சமூக வலைதளங்களில் வைரல் ஆகி வருகிறது.

கேரளாவுல பாவம்டா அந்த மனுஷன் pic.twitter.com/2a1CLk7fsS

— Tσич STAЯK 🗽 தளபதி (@Jegathis_Mind) January 25, 2019

அத்தனை கஷ்டங்களுக்கு நடுவிலும் முகம் சுளிக்காமல் ரசிகர்களுடன் ஒத்துழைப்பு கொடுத்துள்ளார் விஜய் சேதுபதி. கேரள ரசிகர்கள் பொதுவாக கைதட்ட யோசிப்பார்கள் என்று கூறுவார்கள். ஆனால் விஜய் சேதுபதி போன்ற ஒரு தமிழ் நடிகருக்கு இத்தனை தூரம் அவர்கள் மெனக்கெட்டு கோஷமிடுவதை பார்க்கும்போது அந்த நடிகரின் ஆளுமை எத்தகையது என்பதை புரிந்து கொள்ள முடியும்.

English summary

Actor Vijay Sethupathi struck with fans at Kerala. The romantic hero getting good fan base in the Maluwood.