'கூகுள் மேப்’ செய்த சம்பவம்.. காரோடு ஆற்றுக்குள் பாய்ந்த இளைஞர்கள்.. மயிரிழையில் கிரேட் எஸ்கேப்
திருவனந்தபுரம்: கேரளாவில் கூகுள் மேப்ஸ் பார்த்து காரில் சென்ற கர்நாடக இளைஞர்கள், காசர்கோடு அருகே ஆற்றுபாலம் ஒன்று மூழ்கியது தெரியாமல் காரை ஓட்டியிருக்கிறார்கள். ஆற்றில் வெள்ளம் கரைபுரண்டு ஓடியதால் கார் வெள்ள நீரில் அடித்து செல்லப்பட்டுள்ளது.
சொந்த வாகனங்களில் வழி தெரியாத புதிய இடங்களுக்கு செல்வது என்றால் முன்பெல்லாம் வழியில் வரும் மக்களிடம் கேட்டு கேட்டு சென்று விடுவார்கள். சில நேரங்களில் யாராவது தவறான வழியை சொல்லி பல கிலோ மீட்டர் சுற்றும் நிலையும் ஏற்படும். தற்போது தகவல் தொழில் நுட்பம் பெருகிவிட்டதால், யாரிடமும் வழி கேட்காமல் கன்னியாகுமாரியில் இருந்து காஷ்மீருக்கே சென்று விடலாம்...
கூகுள் மேப்ஸ்: கூகுள் மேப்ஸ் உதவியால் குக்கிராமங்களுக்கு கூட சென்று விடலாம். இதனால் வாகன ஓட்டிகள் சிரமம் இன்றி நினைத்த இடங்களுக்கு செல்கிறார்கள். ஆனாலும் கூட கூகுள் மேப்ஸ்சை அப்படியே நூல் பிடித்தால் போல செல்வது சில நேரம் சிக்கலை ஏற்படுத்தி விடுகிறது. பல நேரங்களில் கூகுள் மேப்சை சரியாக பயன்படுத்த தெரியாமல் பயன்படுத்தி நடந்து செல்லும் பாதையில் போய் கார் சிக்கிக் கொண்ட நிகழ்வுகளும் நடைபெற்று இருக்கின்றன.
அடிக்கடி சம்பவம்: அதுபோல, கூகுள் மேப்சை நம்பி சென்று அடிக்க்கடி நீர்நிலைகளில் வாகனத்தோடு வாகன ஓட்டிகள் சிக்கிக் கொண்ட சம்பவங்களும் கேரளாவில் அடிக்கடி நடப்பதை காண முடிகிறது. கடந்த சில வாரங்களுக்கு முன்பாக கூட ஆலப்புழா அருகே கூகுள் மேப்ஸ் பார்த்து காரில் சென்ற இளைஞர்கள், காருடன் ஓடை ஒன்றில் சிக்கி கொண்டனர். பின்னர் உள்ளூர் மக்கள் அவர்களை பத்திரமாக மீட்டனர்.
ஆற்றுக்குள் பாய்ந்த கார்: இந்த ஒரு சம்பவம் மட்டும் இல்லை.. இது போன்ற பல சம்பவங்கள் கேரளாவில் நடந்துள்ளன. தற்போது அந்த வரிசையில் மீண்டும் ஒரு சம்பவம் அரங்கேறியுள்ளது. இது குறித்த விவரம் வருமாறு:- கர்நாடகாவை சேர்ந்த இளைஞர்கள் சிலர் கார் ஒன்றில் தங்கள் மாநிலம் நோக்கி சென்றுள்ளனர். வழி தெரியாதாதால் கூகுள் மேப்ஸ்சை ஆன் செய்துவிட்டு அது காட்டிய வழியில் சென்றுள்ளனர்.
தண்ணீரில் அடித்து செல்லப்பட்ட கார்அப்போது, கேரளாவின் காசர்கோடு அருகே உள்ள பள்ளஞ்சி அருகே வந்த போது குறுகிய பாலம் இருந்துள்ளது. கேரளாவில் தற்போது கனமழை பெய்து வருவதால் ஆற்றுப்பாலம் மூழ்கடித்தபடி தண்ணீர் ஓடியது. ஆனால் கூகுள் மேப்ஸ், அந்த வழியாக செல்லலாம் என காட்டியதால், அதை நம்பி காரை செலுத்தியுள்ளனர். ஆனால் கார் தண்ணீரில் அடித்து செல்லப்பட்டது.
இளைஞர்கள் மீட்பு: அதிர்ஷ்டவசமாக அங்குள்ள ஒரு மரத்தில் கார் சிக்கிக் கொண்டது. இதனால், காரில் இருந்து தப்பிய இளைஞர்கள் உடனடியாக உதவி கேட்டு குரல் கொடுத்தனர். இதையடுத்து தீ அணைப்பு படையினர் விரைந்து வந்து அவர்களை பத்திரமாக மீட்டனர்.
துல்லியமாக இல்லை: கூகுள் மேப்ஸ்சை பொறுத்தவரை தொடர்ச்சியாக அப்டேட் செய்யப்படுவதாகவும் கூகுள் கூறுகிறது. செயற்கை கோள் இமேஜ், ஸ்ட்ரீட் வியூஸ் கார்ச்ல், கூகுள் மேப்ஸ் பயனர்கள் உள்ளிட்ட தரவுகளின்படி அடிக்கடி அப்டேட் செய்யபடுவதாக கூறினாலும் ரியல் டைம் அப்டேட் ஆவதில் கூகுள் மேப்ஸ் துல்லியமாக இருப்பது இல்லை என்று பயனர்கள் சொல்லும் கருத்தாக உள்ளது.
Click it and Unblock the Notifications
Sign in with Google