சொக்க வைக்கும் சந்திரயான் 3.. இந்தியாவின் மாயலோகம்! இஸ்ரோவுக்கு சுற்றுலா போக ஆசையா? இதை படிங்க
சென்னை: இந்தியாவின் விண்வெளித் துறையை உலகளவில் உயர்த்த இருக்கும் சந்திரயான் 3 திட்டம் வெற்றியின் நெருக்கத்தில் இருக்கும் நிலையில் இஸ்ரோவுக்கு சுற்றுலா செல்வது எப்படி என்று பார்ப்போம்.
வானில் பறக்கும் விமானத்தை மாடியில் ஏறி ஆர்வமாக பார்க்கும் நமக்கு, ராக்கெட் எல்லாம் எப்பேர்பட்ட அனுபவத்தை வழங்கும்? அண்மையில் இஸ்ரோ ஏவி இருக்கும் சந்திரயான் 3 விண்கலம் வெற்றிகரமாக விண்ணில் செலுத்தப்பட்டது. வானில் கிழித்துக்கொண்டு சென்ற சந்திரயான் 3 ஐ சுமந்து சென்ற ராக்கெட்டின் தடத்தை பகிர்ந்தே பலர் பூரித்துப்போனோம்.
அறிவியல் சாத்தியப்படுத்திய இந்த அபார கண்டுபிடிப்பு பல நூற்றாண்டுகளுக்கு நம்மை மெய் சிலிர்க்க வைத்துக்கொண்டே இருக்கப்போகிறது. அப்படிப்பட்ட ராக்கெட்டை விண்ணுக்கு அனுப்பும் இடம் எது? அது எப்படி இருக்கும்? ராக்கெட்டை எப்படி தயாரிக்கிறார்கள்? என்பன போன்ற பல கேள்விகள் உங்களுக்குள் இருக்கும். அதை நேரிலேயே சென்று பார்த்தால் செமயா இருக்கும்ல..
அதற்கான வார்ப்பை ஃபனிஸ்கூல் என்ற நிறுவனம் இந்திய மாணவர்களுக்கு வழங்குகிறது. இந்திய அளவிலான கல்வி நிறுவனங்களில் படித்து வரும் இந்திய மாணவர்களுக்கு இந்த சேவையை அந்த நிறுவனம் வழங்கி வருகிறது. இஸ்ரோவில் விண்வெளி ஆய்வு தளங்கள், ராக்கெட் ஏவுதலங்களுக்கு அழைத்து செல்கிறார்கள்.
இதற்காக பல்வேறு டூர் பிளான்களை அந்த நிறுவனம் வழங்கி வருகிறது. ரூ.3,000 முதல் ரூ.6,000 வரை இதற்கு கட்டணம் வசூலிக்கப்படுகிறது. ரூ.2990 மதிப்புள்ள இந்த 3 நாள் சுற்றுலா சென்னையில் தொடங்குகிறது. சென்னை சுற்றுலா, சென்னை மெரினா லைட் ஹவுஸில் தொடங்கி ஆந்திர மாநில ஸ்ரீஹரிகோட்டாவில் மிகவும் உயரமான பகுதி, பி.எஸ்.எல்.வி ராக்கெட் ஏவுதளம், ஜி.எஸ்.எல்.வி ராக்கெட் ஏவுதளம், ஸ்பேஸ் மியூசியம், பவர் யோகா கூட்டம் போன்றவற்றுக்கு அழைத்து செல்லப்படுகிறார்கள்.
ரூ.5,400 மதிப்பிலான சுற்றுலாவில் கூடுதலாக புதுச்சேரி, காஞ்சிபுரம், மஹாபலிபுரத்துக்கு அழைத்து செல்கிறார்கள். மற்றொரு 3 நாள் ரூ.2,990 திட்டத்தில் அஹமதாபாத் சுற்றுலா, அங்குள்ள இஸ்ரோ ஸ்பேஷ் அப்லிகேசன் மைய சுற்றுலா, கன்காரியா ஏரி சுற்றுலா, சபர்மதி ஆறு போன்றவற்றுக்கு அழைத்து செல்கிறார்கள். கூடுதலாக ரூ.1000 கொடுத்தால் குஜராத் சையின்ஸ் சிட்டிக்கும் அழைத்து செல்வார்கள். ரூ.4,490 கட்டணத்துக்கு இஸ்ரோ எஸ்.ஏ.சி. லோதல் ஹரப்பா பழங்கால சுற்றுலாவை கொண்டு வருகிறார்கள்.
Click it and Unblock the Notifications
Sign in with Google