தாய்லாந்தை சுற்றி பார்க்கணுமா? பட்டாயாவில் பட்டையை கிளப்பணுமா? ஐஆர்சிடிசி டூர் பேக்கேஜ்!

டெல்லி: இந்திய ரயில்வேயின் ஐஆர்சிடிசி குறைந்த கட்டணத்தில் தாய்லாந்திற்கு சுற்றுப்பயணத்தை ஏற்பாடு செய்துள்ளது.

இந்திய ரயில்வே உணவு மற்றும் சுற்றுலா கழகம் எனப்படும் ஐஆர்சிடிசி மூலம் பல்வேறு ஊர்களுக்கு செல்ல ரயில்களை புக் செய்யலாம். இது இந்திய ரயில்வேயின் துணை நிறுவனமாகும்.

இது பயணிகளுக்கு உணவு வழங்கல், சுற்றுலா மேலாண்மை மற்றும் இணையதள வழி சேவைகளை வழங்கி வருகிறது. இது ஒரு பொதுத் துறை நிறுவனமாகும். உள்ளூர் மற்றும் வெளிநாட்டுப் பயணிகளுக்காக ஐஆர்சிடிசி சுற்றுலா இடங்களுக்கு செல்ல பல்வேறு திட்டங்களை வைத்துள்ளது.

இது ரயில் நீர் எனப்படும் தண்ணீர் விநியேகமும் செய்துவருகிறது. பட்ஜெட்டுக்கு ஏற்ப சுற்றுலாக்களையும் விலை அதிகமான சுற்றுலாக்களையும் ஐஆர்சிடிசி ஏற்பாடு செய்து வருகிறது. Buddhist circuit train, Maharaja's express, deccan odyssey, Royal Rajasthan on Wheels, Palace on Wheels, The Royal Orient உள்ளிட்டவை காஸ்ட்லி சுற்றுலா ரயில்களாகும்.

முதல் சுற்றுலா ரயில் 2020 ஆம் ஆண்டு தொடங்கப்பட்டது. லக்னோவிலிருந்து டெல்லி வரை செல்லும் தேஜாஸ் எக்ஸ்பிரஸ் ஆகும். அது போல் இரண்டாவது ரயில் அகமதாபாத் - மத்திய மும்பை வரை செல்லும் தேஜாஸ் எக்ஸ்பிரஸ் ரயில் ஆகும். இந்த சுற்றுலா ரயில் சேவை மூலம் தாய்லாந்துக்கு மிகவும் குறைந்த விலையில் சுற்றுலா செல்லும் வாய்ப்பை பயன்படுத்திக் கொள்ளுங்கள்.

தாய்லாந்தின் பாங்காங், பட்டாயா நகரங்கள், கடற்கரை உள்ளிட்டவை மிகவும் பிரபலம். இந்த நாட்டின் அழகை காண்பதற்காகவே ஆண்டுதோறும் சுற்றுலா பயணிகள் அதிகளவில் வருகை தருகிறார்கள். தாய்லாந்து செல்லும் உங்கள் கனவை ஐஆர்சிடிசி நிறைவேற்றும். இந்த திட்டத்தின் பெயர் ஸ்பார்க்லிங் தாய்லாந்து எக்ஸ் லக்னோ ஆகும்.

இந்த டூர் பேக்கேஜின் கீழ் 5 இரவுகள் மற்றும் 6 பகல்கள் பயணம் செய்ய வாய்ப்பை கொடுக்கிறது. இந்த டூர் பேக்கேஜ் இந்த ஆண்டு டிசம்பர் 8 தொடங்குகிறது. காலை உணவு, மதிய உணவு, இரவு உணவு என பயணித்தி போது ஏற்பாடு செய்யப்படும். கட்டணம் எவ்வளவு என்றால் தனியாக பயணம் செய்தால் ரூ 69,800 வாடகை செலுத்த வேண்டும். இருவருடன் பயணம் செய்தால் ஒருவருக்கு ரூ 60,300 ஆகும். மூன்று பேருடன் பயணிக்க ஒரு நபருக்கான கட்டணம் ரூ 60,300 ஆகும்.

English summary

Do you want to go to Thailand tour in low cost? IRCTC has a plan.