எங்கும் நிற்காமல் உலகிலேயே நீண்ட தூரம் செல்லும் விமானம் எது தெரியுமா? ஆச்சரியமான தகவல்கள்

சிங்கப்பூர்: உலகில் எங்குமே இடையில் நிற்காமல் நீண்ட தூரம் செல்லும் விமானம் எந்த ரூட்டில் செல்கிறது தெரியுமா? அது நியூயார்க் -சிங்கப்பூர் இடையே தான் செல்கிறது. சிங்கப்பூர் டூ நியூயார்க் செல்லும் விமானம் எங்குமே இடையில் நிற்காமல் 15,345 கிலோ மீட்டர் தூரத்தை 18 மணி நேரம் பயணித்து கடக்கிறது.

மாறா படத்தில் யார் அழைப்பது என்ற பாடலில் "சேரும் வரை போகும் இடம் தெரியாதெனில்.. போதை தரும் பேரின்பம் வேறுள்ளதா.. பாதி வரை கேட்கும் கதை முடியாதெனில்.. மீதி கதை தேடாமல் யார் சொல்லுவார்..அலைவார் அவர் எல்லாம் தொலைவார்... வசனம் தவறு.. அலைவார் அவர் தான் அடைவார்.. அவர் அடையும் புதையல் பெரிது " என்ற வரிகள் பயணத்தின் இன்பத்தை அழகாக சொல்லியிருப்பார்கள்.. ஆம் பலருக்கும் பிடித்த இடங்களுக்கு செல்ல மிகவும் பிடிக்கும்.

பயணம் இனிமையாக இருக்க வேண்டும் என்பதற்காக தங்களுக்கு பிடித்தப்படி நீண்ட தூரம்பயணித்து காடுகள், மலைகள், கடல்கள், அருவிகள் என இயற்கையை தேடி மக்கள் பயணிக்கிறார்கள். இந்த உலகில் நீண்ட தூரம் பயணிக்க விரும்புவோர் பலர் இருக்கிறார்கள். அதுவும் விமானத்தில் பயணிக்க விரும்புவோர் நிறையவே இருக்கிறார்கள்.. அதுவும் அந்த நீண்ட விமான பயணம் உலகின் மிக அழகான இரண்டு நகரங்களுக்கு இடையே இருந்தால் எப்படி இருக்கும்.. அப்படி ஒரு பயணம் இருக்கிறது. அதுதான் தான் நியூயார்க்- சிங்கப்பூர் விமான பயணம்..

சிங்கப்பூர் அழகான நாடு என்பதை, உலகின் மிக முக்கியமான பொருளாதார நகரமாக திகழ்கிறது. உலகின் மிக முக்கியமான விமான நிலையங்கள் என்ற பட்டியலை எடுத்தால் அதில் சிங்கப்பூர் தான் முக்கியமான இடத்தில் இருக்கிறது.. அதேபோல் துபாய் இருக்கும். நம் நாட்டு மக்கள் உலகின் பல்வேறு நாடுகளுக்கு எளிதாக செல்ல இன்றும் சிங்கப்பூர் அல்லது துபாய் தான் செல்கிறார்கள்.. இந்திய பெருங்கடல் பக்கம் சிங்கப்பூரும், அரபிக்கடல் பக்கம் துபாயும் இருக்கிறது.

உலகின் மிக நீளமான எங்கும் இடையில் நிற்காமல் செல்லும் விமானம் என்றால் அது நியூயார்க் மற்றும் சிங்கப்பூர் இடையே செல்லும் விமானம் தான். சிங்கப்பூர் ஏர்லைன்ஸின் இந்த விமானம் எங்குமே இடையில் நிற்காமல் 15,345 கிலோ மீட்டர் தூரத்தை 18 மணி நேரம் 7 நிமிடத்ல் கடக்கிறது. உலகின் இரண்டாவது நீண்ட பயண நேரம் கொண்ட எங்கும் இடையில் நிற்காத விமானமும் சிங்கப்பூருக்கு தான் வருகிறது. நேவார்க் மற்றும் சிங்கப்பூர் இடையே 15,345 கிலோ மீட்டர் தூரத்தை 18 மணி நேரம் 25 நிமிடத்தில் கடக்கிறது.

உலகின் 3வது நீண்ட பயண நேரம் கொண்ட எங்கும் இடையில் நிற்காத விமானம் பெர்த் மற்றும் லண்டன் இடையே செல்கிறது. இந்த விமானம் 17 மணி நேரம் மற்றும் 32 மணி நேரம் பயணித்து 14500 கிலோ மீட்டர் தூரத்தை கடக்கிறது.

English summary

Do you know which route a long-haul non-stop flight takes anywhere in the world? It runs between New York and Singapore. The flight from Singapore to New York covers a distance of 15,345 km without stopping anywhere in 18 hours.